Ba kwian daba tkanga tangle Moisés chadalla giti kaire ba kwian fariseo, cha gerule ba ulita ole, ba ulita be ji chuge tirare bdagli ba kle age giti. Ba kle joge nga ulitage baini kaire ba ñage joge ngwadi, nga e ulitage ba kle kwian me israelita tke tangle ba kwian israelita suia giti, ba takalin kwian ene ba suia gai mo alin. Kwian me israelita gdaitre alin mo ta blite ba ole ba suia gai mo alin gire nga suga no no badi. Agwa ba me kle age no kwian e alin, kwian e ba suia gai gire ama mi Chube gerua ulia gai, ama be mo ta gbe age me no ba kle age me no kare, agwa kaire ama be age ma me no ba kle agege. Ba kle age ene ba kle kwian e gbe jiske Chube gwa giti ba kbiale, ama be boi daga ngwale tanre bdagli nga dbigu giti ma tirare ba be boige.
Hechos 20:30 - Buglere30 Kaire ba kwian Chubenu ulitaske kwian gweale me geru uñe trate be mo gbe daba Chubenu tke tangle geru me uliage, ene kwian Chubenu be chage kwian daba tkanga tangle geru me uliage nate. အခန်းကိုကြည့်ပါ။ |
Hechos 20:30
23 ပူးပေါင်းရင်းမြစ်များ
Bernabé jo chke una Tarsoge, Saulo skwendu amage gire Bernabé Saulo du una Antioquíage. Una Antioquíage Saulo kaire Bernabé chegu chura gdaite, una ege ama diali mo litu daba ulita Jesu gerua gaba ole, ama kwian ngle tku tangle Jesu gerua giti. Una Antioquíage kwian Jesu gerua ganga ka chegu gwangea “kwian Cristonu”.
ama kle gerule no mo giti ba ulita ole kle mo gbe suge ba ulitage Jesucristo gerua ketangale kare, agwa kwian ene me kle gerule ulia mo giti ba ole, ama kle ba anblite, ama me Jesucristo gerua ketanga ulia, ama geru me ulia dbanga, ama me lle boanga ulia Chube alin ama lle boanga dolla Satanás alin.
Kwian ene ta me no, ama me ñage tañachuge no trate malen diali ama kira bate geru ngwale giti, ama me Chube gerua Jesucristo giti gai ulia. Kaire ama gerule kle kwian tke tangle ulia Chube geruage, agwa ulia me ene, ama tañachuge nganake, ama tañachuge mo tale: “Noare cha kwian tke tangle Chube giti, kwian tke tangle ñanale cha igi gai no.” Kwian ta enege ba jogedale siere.
Ta me no ole kwian daba tkanga tangle geru ngwalege diali takalin daba na age me no ama kle age kare, talla ene ole ama kle gerule ngwale kle gerule kweri no no mo giti ama kle age no kare. Daba na nu mo ta gbaba me sbali Jesucristo gai ulia joge siere age me noge, mo ta gbaba me sbali me chage dare age me no kwian na agenga me no olege, kwian daba tkanga tangle geru ngwale me uliage ñage daba ene ta gbeni naskuni age me no joge siere geru uliage.
Kwian tanre Cristo dollale kledu che kwian Chubenuske mo lite che ole ule Chube gerua jwen, agwa ulia ama ta me kle Chube gerua gai ulia ama me mo ta du che ta kare geru ulia ole, ama me che bitalla Jesucristo giti dale, ama che bitalla Jesucristo giti ulia, ene ama chegu che ulita ole diali, agwa ama me ulia che bitalla Jesucristo giti malen ama jo siere che ulitage, ama jo siere giti suge trate chege ama me Chubenu, ene ñage suge ma trate chege kwian ene ulita me Chubenu ama geru ngwale traganga.
Ulia cha gerule ba ole, nga ulita nga dba ai gitige kwian tanre daba tkanga tangle geru ngwale me uliage kle chage kwianske kwian anblite geru ngwalege, kwian e ulita kle gerule Jesucristo me chku dale ulia kwian kare nga dba ai giti. Kwian ene kare ulita me kle gerule ulia trate Jesucristo giti ama kle kwian anblite ama kle mo ta gbe age Cristo dollale.