Hechos 20:1 - Buglere

¹ Kwian una Efesomu kira batu ene jo tangle gire Pablo mo litu bdagli kwian Jesu gerua gaba una emu ole geru gweale kete ama ulitage ama kira gbagda Jesu geruadi. Gire Pablo gbi jigu bdagli kwian e ulitage, Pablo jo siere una Efesoge jo nga Macedonia ngnagu.

Hechos 20:1 ပူးပေါင်းရင်းမြစ်များ

Hechos 11:26

Bernabé jo chke una Tarsoge, Saulo skwendu amage gire Bernabé Saulo du una Antioquíage. Una Antioquíage Saulo kaire Bernabé chegu chura gdaite, una ege ama diali mo litu daba ulita Jesu gerua gaba ole, ama kwian ngle tku tangle Jesu gerua giti. Una Antioquíage kwian Jesu gerua ganga ka chegu gwangea “kwian Cristonu”.

Hechos 16:12

Una Neápolige cha ulita jo dare cha jo chke una Filipoge nga Macedoniage, una e kweri kwian nga Romamu una dodaba eni toingwa, cha ulita chegu chui gwealege una ege.

Hechos 16:9

Eni Pablo, Silas, Timoteo chegu gbe una Troage, ngajrege Pablo gbi chugu onbre gdaite nga Macedoniamu ole. Pablo gwagedu gbire onbredi onbre mo gbu gdate gerule Pablo ole: “Pablo, bai aini nga Macedoniage cha ulita chudaboi.”

Hechos 19:21

Boidu ene ulita una Efesoge Pablo kledu geru Jesu giti dbe una ege gire, gire Pablo mo ta gbu joge kwian Chubenu chada jwen nga Macedoniage nga Acayage ene joge dare joge chke una Jerusalénge. Pablo gerudu kwian ole ama be joge chke una Jerusalénge gire ama jogedale kaire una Romage.

Hechos 20:10

Gire Pablo chiu dbigu uge, chku dba Pablo ñedu kaboge kirogwa jaba giti Pablo ko bliu kirogwa jabadi, gire kirogwa jaba chkuni gwade. Pablo gerudu kwian kledu mo litaba ole: —Ba ulita me kwachie, ama jaba chkuni gwade, ama kle no.

Hechos 20:2

Pablo jo chke nga Macedoniage gire ama chagedu nga ulita Macedoniage kwian Chubenu chada jwen kwian Chubenu ulita ta gbe chage gwangerugu Jesu geruadi, gire ama jo nga Greciage.

Hechos 20:3

Eni nga ege Pablo chegu dai gdamai. Pablo be du gai jogedale nga Siriage gire Pablo kote geru chku kwian israelita mo ta gbaba biale age me no Pablo dollale, kle Pablo jege ngwange Pablo be du gai ngwadi. Malen Pablo me jo duge ama mo ta gbu joge tangle naskuni seradi una Filipoge nga Macedoniage.

Hechos 20:37

Pablo gerudubi Chube ole, gire kwian Chubenu una Efesomu chugagwalla ulita olidu tanre Pablo giti Pablo be joge bate amage, ama ulita ko bliu Pablodi Pablo sobadu gbi kete bdagli Pabloge.

Romanos 15:19

kaire cha lle daga ngwale no tanre dodadu Chube Oña kiralla giti kwian gwa giti. Cristo cha ta gbu geru ama giti dbe nga ulitage, cha geru Cristo giti du ngeru una Jerusalénge gire cha jo geru dbe nga na ulitage cha jo chke bdagli nga kweri Iliriage, ene cha giti kwian nga e ulitage geru Cristo giti keruchugu, ene chku uñale kwiange Cristo kwian jwannga siere ji chugege kwian age me no gdale.

Romanos 16:16

Ba ulita gbi kade no no moge ta no ole dabage ulita. Daba ulita Cristo gerua gaba aini tanre gbi kage ba ulita alin.

1 Corintios 16:20

Daba ulita Chubenu aini nga kweri Asiamuge gbi kage ba ulita Chubenu toinga una Corintomuge. Ba ulita gbi kade no no moge ta no ole dabage ulita.

1 Corintios 16:5

Cha be jogeni una Corintoge ba ulita kle ngwadi tienda ba ulitadi, agwa ngeru cha kle tañachuge joge nga Macedoniage tienda daba Chubenudi nga ege, chegé sugeti nga ege gire cha be joge dare, cha kle tañachuge joge chke ba ngwadi una Corintoge.

2 Corintios 13:12

Ba ulita gbi kade no no moge ta no ole dabage ulita.

2 Corintios 7:5

Cha chku aini nga kweri Macedoniage cha tañachugu kwian me cha chugedi agwa me boidu ene, kwian me cha chugu ngwadi geru dbe taingwli, kwian tanre agedu me no cha dollale, boi daga ngwaleske kaire cha tale cha tañachugu tanre ba ulita giti, cha tadukalin ba me joge siere geru uliage.

1 Tesalonicenses 5:26

Cha takalin ba geru kete cha alin daba Chubenu ulitage cha gbi kage ama ulita alin ta no ole.

1 Timoteo 1:3

Timoteo, che kledu ule una Efesoge, cha bebi joge nga kweri Macedoniage gire cha gerudu ba ole ba chegedale una Efesoge. Nege cha gerule nabitaite ba ole ba chegedale ngmadi una Efesoge daba ulita tke tangle dare geru uliage Jesucristo giti. Kwian gweale kle una Efesoge kle daba tke tangle geru ngwalege, ba me kwian ene chuge ngwadi daba tke tangle dare, ama me kle geru ulia dbe.