Jesu jo chke gwa kwian boke ole gire boidu ene: Jesu toidu dba blingwage ule kwian boke ole, Jesu pan gau kote, gerudu pan giti Chube ole: “Cha Ñenua, noare ba ai ketu chage gutadale.” Gerudu ene Chube ole gire Jesu pan skutunga, Jesu pan ketu kwian bokege, gire sugeti ngwale chku uñale trate kwian boke ege Jesu amaña kle ule ama ole. Boidu ene gire blike Jesu jongwa kwian boke gwage ne ngwadi blingwage.
Hechos 2:42 - Buglere42 Chui ege gwangerugu kwian ulita bai nu Jesu gerua gaba ulia mo ta gbu chage diali Chube gerua Jesu giti jwen kwian Jesu gerua ketanga gdataboko giti gdabokege, kwian Jesu gerua ketanga ulita kwian Chubenu ulita tku tangle diali Jesu geruage. Kwian Chubenu ulita kledu mo chudaboi, bai lle molen ama daba me lle molen chudabo no ulita. Kaire ama ulita kledu mo lite ule diali gerule Chube ole kaire diali ama kledu mo lite ule blire uva chia jai tachkegda Jesu jokeda giti. အခန်းကိုကြည့်ပါ။ |
Hechos 2:42
35 ပူးပေါင်းရင်းမြစ်များ
Bernabé jo chke llani kwian una Antioquíamu nu Jesu gerua gabadige, gire Bernabé gwagedu Chube ageba no tanre ulia kwian una Antioquíamu alin, e giti Bernabédi nga chegu suga noare kwian Jesu gerua gaba giti. Bernabé kwian Jesu gerua gaba una ege ta gbu, Bernabé gerudu: —Ba mo ta gbe ulia Jesuge chage no diali gwangerugu Jesu geruadi.
Una e ulita gdamaige kwian tanre geru Jesu giti gaba, Pablo, Bernabé kwian e ulita kira gbu Jesu geruadi, gerudu kwian e ulita ole: —Ba mo ta gbadale chage diali tañachuge Jesu geruage, me ama talla mlienga. Che ulita Chubenu boidale daga ngwale nga dba ai giti kwian me Chube uñe kote, gire ene bdagli che be joge Chube kle ngwadi toi diali chui tangle Chube ole.
Ba me ñage mo ta gbe mo lite ule daba Chubenu ole pan gute uva chia jai tachkedale Jesucristo giti gire kaire mo ta gbe mo lite ule kwian me Chubenu ole bligda kaitaba lle oña ngwalege gute lle oña gai mo chubeale. Ba me ñage ta boke gai age Chube alin kaire dolla Satanás ule Satanás chudaboangalla ulita alin.
Ba cha daballa cha ibotea Jesucristo giti, cha gerule ba ulita ole, cha joge baske geru Chubenu trage kwira nale me ba kle gerule kare kwirale, ngwale cha geru Chubenu trage baske, geru kwira nale me ba gerule kare me ba chudaboi. Agwa cha joge baske geru Chubenu trage ba kle gerule kare kwirale, cha gerule trate trate ba kle gerule kare kwirale Chube giti geru kete trate bage Chube cha ta gbe gerule kare, cha ba tke tangle geru uliage Chube cha tku tangle kare ba kle gerule kare kwirale, ene geru ulita ñage suge bage.
Che ulita Chubenu salengwli ke ulla gbaite gbakle kare. Chube Jesucristo kagu nga dba ai giti ke gbaite kweri ma no trate gbakle ngeru kare. Gire Chube kwian gweale gbu Jesucristo gerua ketangale dabage, kwian e ulita Jesucristo gerua ketanga dabage chege salengwli ke ulita gbakle ke gbaite kweri no jegwale ulita dba tangle gerere kare. Che ulita bai kle Jesucristo gerua gai ulia nege tangle che chege salengwli ke na tanre gbakle ke ulita gbakle ngeru giti tangle kare. Gire ene che ulita chege kwaitre alin ke ulla kle chege gbaba ulita no kare.
Ba ulita Chubenu mo ta gbadale gerule Chube ole diali Chube Oña kle ba ta gbe gerule kare lle ulita kle boi giti ba kira kade Chubege ene ba me age me no Chube dollale dolla Satanás takalin kare. Ba kledale ta giti me skwatige gerule Chube ole, ba mo ta gbe gwangerugu gerule diali Chube ole kwian na ulita Cristo gerua gaba giti.
Ba ta chegekalin diali Chube ole mo tale Chube skatemanallale, ba mo ta gbadale gwangerugu Cristo gerua gai jumale mo tale diali ni joge siere geru ege. Ba tañachugadale diali Chube be age bdagli ba alin giti. Chube gerua Cristo giti jo ketaba bage ba geru e gau ulia, geru sugedu bage chui bdagli Chube be age no ba alin. Geru ai amaña Cristo giti jo ketaba kwian nga na ulitamuge nga dba ai giti, geru ai amaña cha Pablo kle kwian tke tangle giti.
Che diali mo litadale ule daba na ulita ole kira gai daba nage Chube gerua giti. Che me ñage age kwian na tanre kle age kare me takalin mo lite ule daba ole kle mo gbe sugekare diali daba Chubenu na ulitage kare. Agwa che mo litadale ule diali kira gai moge ongoru ongoru diali no Chube gerua giti. Suge chege Jesucristo che Chugagwalla chieni chuia kle kodi malen che ulita mo ta gbadale ma no daba ole ongoru ongoru Chube gerua giti Chube gerua jwen ma no ule.
Cha gerule ulia ba ole, che ulita me kwian kle mo ta gbeni age me no naskuni kwian kle age Chube dollale kare, kwian mo ta gbeni Chube dollale kwian e be ji chuge kweri tirare. Che me kle mo ta gbe joge naskuni agwa che kle mo ta gbe ulia diali chage gwangerugu Chube geruadi, ene Jesucristo giti che be tien gitiru ji chugege age me no gdale, malen che ulita mo ta gbale geru Jesucristo giti gai ulia diali gwangerugu.
Cha ba ulita ta gbe chke Jesucristo giti, cha ulita gwagedudi mo gwagwa giti kaire cha ulita geru keruchugu mo olodi, cha geru e kete ba ulitage chada ai giti, ene ba ulita ta chege ule kwaitre alin mo skatemanallale cha ulita ole Jesucristo giti cha ulita kle mo ta gbe Chube che Ñenua ole kare kaire cha ulita kle mo ta gbe ule Jesucristo ole kare.
Kwian tanre Cristo dollale kledu che kwian Chubenuske mo lite che ole ule Chube gerua jwen, agwa ulia ama ta me kle Chube gerua gai ulia ama me mo ta du che ta kare geru ulia ole, ama me che bitalla Jesucristo giti dale, ama che bitalla Jesucristo giti ulia, ene ama chegu che ulita ole diali, agwa ama me ulia che bitalla Jesucristo giti malen ama jo siere che ulitage, ama jo siere giti suge trate chege ama me Chubenu, ene ñage suge ma trate chege kwian ene ulita me Chubenu ama geru ngwale traganga.
ကြော်ငြာတွေ