Hechos 19:6 - Buglere

⁶ Pablo ko gbu kwian e ulita chuga giti gdaite gdaite, Pablo gerudu Chube ole ama ulita giti gire Chube Oña chku kwian e ulita tale, kwian e ulita gerudu kwira nale me jwanba gire Chube ama ulita ta gbu Chube gerua kete kwian nage.

Hechos 19:6 ပူးပေါင်းရင်းမြစ်များ

Marcos 16:17

Kwian bai kaire ulita mo ta gbe cha gerua gai ulia, amage cha be kira kete lle daga ngwale no tanre dodade, cha kiralla giti kwian cha gerua ganga be ñage age ulita ai kare: Kwian cha gerua ganga be ñage dolla kage siere kwian jwligebangage, kaire ama be ñage gerule kwira nale ni ama geru jwanba giti,

Hechos 19:7

Kwian e ulita onbre gdataboko giti gdaboke.

Hechos 2:4

Kwian e ulita tale Chube Oña chku gire kwian gerudu kwira nale me jwanba, Chube Oña kwian ulita ta gbu gerule kwira nale Chube Oña takalin kare.

Hechos 6:6

Kwian kle mo litaba ulita daba gdaguke e gau du kaitadale kwian Jesu gerua ketangage. Gire kwian Jesu gerua ketanga ko gbu daba gdaguke e chuga giti gerudu Chube ole ama ulita giti: “Chube, nege gwangerugu ba onbre ai ulita gdaguke gbe daba chudaboangale ba kiralla giti lle girabatangale daba me lle molen ole. Ba ama kira gbe age ulita ba takalin kare Chube. Ene nobi.”

Hechos 9:17

Jesu gerudu ene Ananías ole, gire Ananías mo ta gbu joge Judas ullage Saulo kle ngwadi. Ananías jo chke gwa Saulo kle ngwadi gire Ananías ko gbu Saulo chuga giti, Ananías gerudu: —Daba Saulo, Chugagwalla Jesu medu bage jon ba chiu kare giti, Jesu amaña cha kagu aini ba chudaboi, ene cha giti Jesu be ba gwagwa gbeni naskuni kaire Jesu be Chube Oña kete bage, ene ba be chege ama kirallaske geru Jesu giti dbangale.

1 Timoteo 5:22

Ba me kwian gai blike ko gbe ama giti gerule ama ole ama be chege kwian Chubenu chugagwallale, me uñale bage ama kwian no no o me. Ba kwian gweale gbe blike kwian Chubenu chugagwalla gire bigwa chke uñale ama kwian me no kle age me no, gire kwian Chubenu ulitage be suge ba no ama kle age me no ole ba ama gbu daba chugagwalla. Ba mo ta gbadale age no ulita trate diali, ba me kwian gbe blike mo tale daba chugagwallale.

2 Timoteo 1:6

Malen cha gerule ba ole ba mo ta gbadale lle boi Chube alin diali chui gdale, ba mo ta gbu Chube gai ulia kaire ta amaña giti ba lle boale Chube alin. Cha ko gbu ba giti cha gerudu ba giti Chube ole, chui ege Chube ta ngle ketu bage lle boi ama alin kwianske, ba me ta e mlienga lle boage Chube alin.