Hechos 18:8 - Buglere

⁸ Kwian onbre na kada Crispo, ama u kwian israelita mo litangwa mananga, onbre e ule ama olia ulita ole Jesu gerua gau ulia kaire kwian na tanre una Corintomu Pablo keruchugu gerule Jesu giti Ticio-Justo ullage. Kwian ulita bai Jesu gerua gau ulia ama ulita mo ñeangu chiske Jesu kalla giti.

Hechos 18:8 ပူးပေါင်းရင်းမြစ်များ

Mateo 28:19

Malen cha gerule ba ulita ole, joga cha gerua trage kwian nga ulitamu ole, ba gerudale ama ole cha giti ene ama ñage cha gerua gai ulia ba kare, kwian ulita bai kaire cha gerua keruchuge ba giti gire mo ta gbe cha gai ulia, ba kwian ene ulita ñeadale chiske gai ngaña chigage cha Ñenua kalla giti cha Chube Kirolla kalla giti kaire Chube Oña kalla giti.

Marcos 5:22

Jesu kle kwian ulita tke tangle gire onbre gdaite kwian israelita chugagwalla u mo litangwa Chube gerua jwanngwage chku Jesu kle ngwadi, onbre e kada Jairo ama chku Jesudi gire ama jongnagwa skutu dba Jesu gwangnagu mo chudaboi kade Jesuge,

Marcos 5:35

Jesu kle gerule ene muinga ole gire kwian gweale chiu Jairo ullage chku geru jige Jairoge jonke Jairo jian giti, kwian e ulita gerudu: —Ba kwian tkanga tangle chuge ngwadi lle na boi, ngwale ba kle ama dbe mo ullage, ba jian me chegu.

Hechos 10:2

Cornelio diali mo ta gbu chage trate no Chube gwa giti Chube gai dage, ama ule mo muiralla ole mo olia ulita ole Chube gau dage, ama igi ketu ngle kwian israelitage bai me lle molen chudaboi kaire ama diali mo ta gbu no gerule Chube ole.

Hechos 11:14

Gire Pedro be gerule ba ulita ole ba ulita agedale mine gire ba tien gitiru ji chugege age me no gdale ba kaire kwian mangire batre kle toi gwa ba ole.” Lle boanga Chube alin gerudu ene ama ole cha giti.

Hechos 13:15

Kwian gweale Moisés chadalla batunga kaire kwian Chube gerua ketanga chadalla batunga, chada batrengabi gire kwian u mo litangwa chugagwalla gerudu Pablo ole Bernabé ole: —Cha bitalla, ba ta gerukalin kwian ulita kle mo litaba aini ole ama kira gbagda Chube geruadi, ba gerule.

Hechos 16:34

Kwian e amaña Pablo, Silas du mo ullage, ama Pablo, Silas ullu bligdadi. Ama ulita Jesu gerua gau ulia malen ama ulitadi nga suga no no Jesu giti.

Hechos 18:1

Boidu ene una Atenage, gire Pablo jo siere una ege, Pablo jo una Corintoge.

Hechos 18:17

Gire kwian ulita onbre kada Sóstenes gau batu kwian ulita gwa giti ngmadi Galión kle gerule kwian giti ngwadi. Kwian ulita Sóstenes batu ene Galión gwa giti, agwa Galión me talladu me ka bo Sóstenes gdale, Sóstenes ama kwian ulita lle boanga u israelita mo litangwage chugagwalla.

Hechos 19:1

Apolos kledu una Corintoge nga Acayage gire Pablo chiu nga Frigiage chagedu gliske bate una Efeso ngnagu, chku una Efesoge. Eni kwian tanre Jesu gerua gaba skwendu Pabloge.

Hechos 8:12

Felipe geru no ulita Jesucristo giti tragu kwian ole, Felipe geru ketu kwiange kwian bai mo ta gbe Jesucristo gai ulia mo Chugagwallale kwian ene chege Chubenu. Kwian tanre Felipe keruchugu geru ene Jesucristo giti trage, kwian geru Jesucristo giti gau ulia gire ama ulita kwian muirenu kwian onbrenu mo ñeangu chiske Jesu kalla giti, ene chke uñale kwian nage kwian e Jesucristo gau ulia.

2 Corintios 1:1

Cha Pablo chada ai degange ba ulita Chubenu alin kle mo lite Chube geruadi una Corintoge kaire daba Chubenu na ulita alin kle toi una na kaire kairege nga kweri Acayage: Chube tale Chube cha gau cha gbu Jesucristo gerua ketangale, cha ule daba Timoteo ole gbi kage chada ai giti ba ulita Jesucristo gerua gaba alin.

2 Corintios 1:23

Ulia ngeru cha tañachugu joge una Corintoge tienda ba ulitadi gerule ba ulita ole agali, agwa bdagli cha tañachugu ma no ba ulita alin cha me joge ba ngwadi cha tañachugu ngeru kare, malen cha mo ta blitu cha me jo. Ba ñage tañachuge cha me kle gerule ulia, agwa uñale Chubege cha kledu tañachuge mine ba ulita giti, cha me kle gerule ene ulia ba ole Chube be cha gbe jiske cha kle gerule giti ba ole.

2 Corintios 6:11

Cha bitalla ulita Jesucristo giti una Corintomu, cha kle gerule ulia trate ba ulita ole chada ai ulita giti, ene ñage suge trate bage cha kle tañachuge mine ulita ba giti. Cha gerule ulia ba ole cha no no ba ulita ole,

2 Timoteo 4:20

Erasto chegu una Corintoge, Trófimo chegu oga una Miletoge.