Hechos 18:10 - Buglere

¹⁰ Cha kle ba ole diali ba manade, ene una aige kwian be mo ta gbakalin age gweale me no ba ole me ñage age, ba mo ta gbale gerule kwian ole no cha giti, una aige kwian tanre be cha gerua gai ulia.

Hechos 18:10 ပူးပေါင်းရင်းမြစ်များ

Mateo 1:23

“Muinga biale me chageba onbre ole, muinga ene be chege gaba ama be kirogwa molen, kirogwa ka be chege Emanuel.” Unsuialin Isaías Chube gerua degu ene. (Ka Emanuel e gerule: “Chube kle ule che ole.”)

Mateo 28:20

Kaire ba kwian e ulita tkale tangle cha gerua gai dage ulia age diali ulita cha gerudu ba ole kare. Ba ulita joge cha gerua dbe ene, gire cha be kle ba ole ule diali ba chudaboi chui tangle chui ulitage —Jesu gerudu ene ulita kwian geru jwannga amage ulita ole.

Lucas 21:18

agwa cha ngeru ba mi jogenga gdaite, kaire ni ba ulita chugaga gdaite be jogenga chage.

Juan 10:16

Kwian na ngle chudalla me israelita chanu kaire kle, ama bebi cha Ñenua Chube uñe, cha gerua jogedale chke amage gire ama be cha gai ulia, cha giti kwian israelita kaire kwian me israelita be cha Ñenua uñe, gire kwian israelita kwian me israelita be chege mneitre alin, cha ama ulita mananga.

Juan 11:52

me kwian israelita chudalla alin allabi, kaire Jesu be jogeda kwian chudalla na ulita alin kle toi bate nga nage kaire kaire, ene Jesu giti kwian e ulita be chege mneitre alin bai kaire Jesu gai ulia.

Hechos 15:14

Simón-Pedro geru tragu che ole Chube agedu no no gwangea kwian me israelitaske, kwian me israelita chudallaske Chube kwian gweale gau mo alin.

Hechos 15:18

Chube gerudu ene ulita. Unsuialin uñadu ulita Chubege bdagli giti kle boi nege tangle giti e ulita uñadu Chubege ama be age ene kwian alin.” Chube gerua degaba unsuialin gerule ene.

Hechos 18:11

Jesu gerudu ene gbire Pablo ole gire Pablo chegu eni una Corintoge nga Acayage chura gdaite giti dai gdadereke kwian tke tangle geru Jesu gitige kwian una Corintomuske.

Hechos 18:9

Bitaite ngajrege Jesu gerudu gbire Pablo ole: —Ba me kennga geru dbe kwiange, ba mo ta gbadale chage diali geru cha giti kete kwiange, ba me ka chite cha gerua giti.

Romanos 8:31

Chube agedu no tanre ene che alin, Chube no che ole, malen che me tañachugadale dare kle boi mine che ole. Lle na me salengwli kiraske Chube kare, Chube kle che ole, Chube kle che manade malen ni kwian gdaite ñage age me no che ole che gbe siere Chube agedu che alinge.

2 Corintios 12:9

agwa Cristo gerudu cha ole: “Cha no no ba ole agwa cha me ba skibachie jwennga, ma no cha be kira kete bage diali jage skibachiege chage gwangerugu cha gerua dbe, ene kwian gwage badi ba skibachieske be chke uñale trate amage ba agali me kle mo kira gbe lle boi cha alin cha gerua dbe, kwiange be suge trate cha kle mo kiralla kete bage diali malen ba ñage chage gwangerugu cha gerua dbe.” Cristo gerudu ene cha ole malen cha mo ta gbu nga suga no ole toi oga skibachieske, ene cha agali me kira molen giti ñage suge kwiange Cristo kle mo kiralla kete chage.

2 Timoteo 4:17

Che Chugagwalla Jesucristo alin kledu cha ole, ama cha ta gbu, ama cha kira gbu, ama cha chudabo no, ene cha giti geru ulita Jesucristo giti chku uñale kwian nga na tanrege kledu cha keruchuge. Che Chugagwalla Jesucristo cha manadu no kwian cha dollalege Jesucristo gerua giti, ene kwian cha dollale ulita me ñadu cha gweda, cha tiun gitirule kwian cha dollalege.

2 Timoteo 4:22

Cha takalin che Chugagwalla Jesucristo kle ba ole ba ta kira gbe, kaire cha takalin Chube age no ba alin kaire age no daba Chubenu ulita alin. Geru ai ene ulita cha Pablo chada degangu ba alin Timoteo. Che kle meni.