Hechos 17:20 - Buglere

²⁰ Ba kle kwian tke tangle geru e cha me keruchugaba giti, cha me geru e uñe. Geru ba kle kwian tke tangle giti cha uñakalin, ¿llema giti ba kle kwian tke tangle? —kwian geru kadu ene Pabloge.

Hechos 17:20 ပူးပေါင်းရင်းမြစ်များ

Marcos 9:10

Jesu kwian geru jwannga gdamai ta gbu ene kwian gwagedu giti kaire kwian geru keruchugu giti, gire kwian geru jwannga gdamai geru e ulita gatu mo tale, agwa ama gdamai kledu gerule modi ongoru ongoru: —Jesu gerudu ama be chkeni gwade, geru e me suge chage. ¿Ama kledu gerule llema giti? Ama gerudu modi ene agwa boidu ulita jwichuga giti ama me geru e ketu kwian nage.

Juan 6:60

Kwian ngle chagedu Jesu nate geru jwanle Jesuge, baini kaire Jesu kle ngwadi ama kle Jesu ole, ama ulita Jesu keruchugu kwian tke tangle ene mau giti, gire ama ulita gerudu modi: —Mnoare che alin age ama kle gerule kare, ¿chema be ama gai ulia ama kle gerule kare?

Hechos 10:17

Pedro chegu tañachuge tanre mo tale: “¿Mineade lle e medu chage?” Pedro kledu tañachuge ene ama gwagedudige giti gire Cornelio nu kwian kagaba kwian e kledu chage geru kade u Simónnu giti Simón kle toi baini.

Hechos 17:19

Kwian epicúreo kaire kwian estóico ulita diali kle mo lite geru trage tanre modi nga kada Areópagoge, nga ege kwian e ulita Pablo du Pablo jo chke nga ege gire kwian geru kadu Pabloge: —Ba kle chage kwian tke tangle geru jagerege, cha takalin ba geru e trage cha ole cha ulitage chke gda uñale.

Hechos 17:21

Kwian ulita una Atenamu kaire kwian nga namu kle toi una Atenage kwian e ulita diali kle mo ta gbe geru na jagere keruchuge alin lle ulita giti gire bigwa kle geru e trage modi tanre geru keruchugu giti. Malen ama ulita ta Pablo keruchugakalin Pablo kle gerule giti ulita.

Hechos 2:12

Kwian e ulita ta me jo sugano kaire ni chku uñale amage kle boi giti, ama ulita geru kadu dare modi: —¿Ulita kle boi che gwa giti e gerule mine?

1 Corintios 1:18

Che ulita Chubenuge suge geru Cristo jokeda kruge giti geru e no geru kiraske, uñale chege Cristo jokeda kruge giti Chube che jwen siere ji chugege che agedu me no gdale. Agwa kwian me Chubenu ama Cristo jokeda kruge gerua gai ngwale, kwian ene kle jogebanga geru uliage, kwian ene be joge sugekare Chubege ji chugale.

1 Corintios 1:23

Agwa che ulita Chubenu kle geru Cristo jokeda kruge giti gai ulia, uñale chege Cristo alin giti che Chube uñe, che ulita kle geru e trage kwian na ulita ole. Geru Cristo jokeda kruge giti kwian israelita tanre me ta chege no, ama me no geru e ole. Kaire kwian me israelita tanre tañachuge geru Cristo jokeda kruge e ngwale, ama tañachuge: “¿Chema ñage Chube uñe jogeda ene giti?”

1 Corintios 2:14

Kwian me Chubenu, Chube Oña me kle kwian ene tale, kwian enege geru Chube giti me suge ama me geru Chube giti gai ulia, kwian ene kle geru Chube giti gai geru ngwale kare, Chube Oña alin kwian ta gbe suge Chube giti, kwian me Chube Oña molen me ñage suge kwian enege Chube giti.

Hebreos 5:11

Ulia geru na tanre kle tragale Jesucristo chege gerunga Chube ole kwian alin giti, agwa kaire mnoare geru e ulita gbe chke uñale ba ulitage, ba geru keruchuge agwa ba kianchie mo ta gbe geru gbe gdadi malen geru me suge bage.

1 Pedro 4:4

Kwian agenga me no ulitage me suge mineade ba ulita me chege ama ole age dare ama age kare, ba kle age nganake, e giti kwian agenga me no diali kle gerule me no ba ulitadi toi Chube takalin kare giti.