Hechos 16:1 - Buglere

¹ Gire Pablo, Silas jo dare jo chke una Derbege kwian Jesu gerua gaba ta gbe ma no Jesu geruadi una Derbege, gire jo tangle jo chke una Listrage kwian Jesu gerua gaba una ege ta gbe ma no chage Jesu geruadi dare. Ama boke jo chke una Listrage gire kwian gdaite Jesu gerua gaba kada Timoteo skwendu Pabloge. Timoteo chebia muinga israelita Jesu gerua gaba, ama ñenua kwian griego me Jesu gerua gaba.

Hechos 16:1 ပူးပေါင်းရင်းမြစ်များ

Hechos 14:1

Pablo, Bernabé jo chke una Iconioge gire ama bonate jo gwa u mo litangwa Chube gerua jwanngwage, eni Pablo, Bernabé Chube gerua Jesu giti ketu kwiange ama kle age kare diali. Chube kirallaske Pablo, Bernabé gerudu no Jesu giti kwian ole, kwian kledu mo litabage geru e sugedu gire kwian tanre israelita kaire me israelita Jesu gerua gau ulia.

Hechos 14:21

Pablo, Bernabé geru no Jesu giti ketu kwian una Derbege, una ege kwian tanre Jesu gerua gau ulia gire Pablo jo naskuni dare Bernabé ole una Listrage una Iconioge una Antioquíage nga Pisidiage.

Hechos 14:6

Agwa Pabloge kaire Bernabége chku uñale kwian kle mo ten amadi gire Pablo, Bernabé kigedu jo una Listrage una Derbege, una Listra kaire una Derbe kle chege nga kweri Licaoniage. Pablo, Bernabé chagedu nga Licaoniage ulita geru Jesu giti kete kwiange.

Hechos 17:14

Malen kwian Jesu gerua gaba una Bereamu Pablo kagu blike ble kagdage du gadale, agwa Silas kaire Timoteo cheguda ngmadi una Bereage.

Hechos 18:5

Nga Macedoniage Silas, Timoteo chiu, chku una Corintoge Pablo kle ngwadi. Chui ege gwangerugu Pablo mo ta gbu geru Jesu giti alin dbe kwiange kaire gerule kwian israelita ole Jesu amaña Cristo, Pablo lle boi ngeru kare chugu ngwadi.

Hechos 19:22

Pablo mo chudaboanga boke kagu ngeru nga Macedoniage, e Timoteo kaire Erasto, Pablo ama boke kagu. Pablo agali chegu ngmadi una Efesoge nga Asiage chui na darege.

Romanos 16:21

Timoteo lle boanga Jesucristo alin ule cha ole gbi kage chada ai giti ba ulita alin, kaire Lucio kaire Jasón kaire Sosípater ama gdamai kle cha gatedi, ama cha bitalla chuda giti, ama gbi kage chada ai giti kaire ba ulita alin.

1 Corintios 16:10

Timoteo joge chke ba ngwadi ba mo ta gbadale ama gai ngwange no, ene ama be suge moge ama kle mo bitallaske kare. Timoteo Jesucristo gerua traganga kwian ole cha Jesucristo gerua traganga kare,

1 Corintios 4:17

Ba ulita chagedale cha kle chage kare mo ta gbe Jesucristo ole mo ta gbe age Jesucristo takalin kare. Nege cha me kle baske ba me ñage gwage chadi cha kle chage mine ulita, malen cha Timoteo kagu ba ngwadi ba ulita ta gbe chke cha giti, Timoteo cha kirolla kare che Chugagwalla Jesucristo giti, cha no no ama ole, ama diali kle mo ta dbe no cha ole kaire Chube ole. Timoteo be gerule ba ulita ole cha kle gerule mine kwian Jesucristo gaba ole nga ulitage, baini kaire cha kle joge chke ngwadi cha kle kwian Jesucristo gaba tke tangle Jesucristo giti, Timoteo be gerule e giti ba ulita ole.

1 Corintios 7:14

Muinga Chubenu ñengulalla me Chubenu, muinga giti Chube age no onbre alin onbre ñage Chube uñe muinga giti, kaire onbre Chubenu muingalla me Chubenu, onbre giti Chube age no muinga alin muinga ñage Chube uñe onbre giti. Malen muinga Chubenu chegedale toi mo ñengulalla me Chubenu ole, onbre Chubenu chegedale toi mo muingalla me Chubenu ole, ama boke chege ule giti Chube age no ama olia alin kaire, ama olia ñage Chube uñe.

2 Corintios 1:1

Cha Pablo chada ai degange ba ulita Chubenu alin kle mo lite Chube geruadi una Corintoge kaire daba Chubenu na ulita alin kle toi una na kaire kairege nga kweri Acayage: Chube tale Chube cha gau cha gbu Jesucristo gerua ketangale, cha ule daba Timoteo ole gbi kage chada ai giti ba ulita Jesucristo gerua gaba alin.

2 Corintios 1:19

Cha ta chagekalin age no ulita Chube Kirolla Jesucristo agedu kare nga dba ai giti, malen cha me sole ba ole. Cha kaire Silvano kaire Timoteo cha gdamai chagedu ba ulitaske Jesucristo gerua trage ba ulita ole cha me sodu ba ole, cha gerudu ulia ba ole Jesucristo giti. Jesucristo diali gerudu ulia ni sodu sidri, Jesucristo agedu ulia diali ama gerudu kare.

Filipenses 1:1

Cha Pablo chada ai degange ba ulita Jesucristo gerua gaba ulia una Filipoge alin: Cha ule Timoteo ole lle boanga Jesucristo alin, cha boke gbi kage chada ai giti ba ulita alin. Cha gbi kage ba daba Chubenu chugagwalla alin kaire ba daba Chubenu chugagwalla chudaboanga alin kaire ba na ulita nu Jesucristo gerua gaba alin kle toi una Filipoge, ba ulitage cha gbi kage no no chada ai giti.

Filipenses 2:19

Che Chugagwalla Jesucristo takalin cha be Timoteo kage me sbali chui gwealege tienda ba ulitadi, ene ama be chieni cha kle ngwadi be chke uñale chage ba kle mine llani, Timoteo be geru trage cha ole ba ulita giti, ene nga be suga noare chadi.

Colosenses 1:1

Cha Pablo chada ai degange ba ulita Jesucristo gerua gaba ulia una Colosage alin: Chube tale Chube cha gau cha gbu Jesucristo gerua ketangale dabage, cha ule che daballa Jesucristo giti kada Timoteo ole gbi kage chada ai giti ba ulita alin, ba ulita kle mo ta gbe no Jesucristo gerua gai ulia diali kaire ba kle chage no trate Chube gwa giti mo ta gbe diali gwangerugu Chube geruadi. Cha takalin Chube che Ñenua kaire Jesucristo che Chugagwalla age no no ba ulita alin, kaire Chube nga suga no gbe ba ulita tale.

1 Tesalonicenses 1:1

Cha Pablo chada ai degange ba ulita Jesucristo gerua gaba ulia kle mo lite Chube geruadi una Tesalónicage alin: Cha ule Silvano ole Timoteo ole gbi kage ba ulita alin chada ai giti. Ba ulita kle mo lite Chube geruadi, ba che Ñenua Chubenu kaire ba che Chugagwalla Jesucristonu, cha takalin ama age no ba ulita alin ama ba ta gbe suga no.

1 Tesalonicenses 3:2

Gire cha Timoteo alin kagu gballa tienda ba ulitadi, Timoteo daba Chubenu lle boanga Chube alin ule cha ole, ama geru Cristo giti traganga kaire. Cha Timoteo kagu ba alin ama ba kira gbe Chube geruage ene ba me geru chuge ngwadi, ama ba ta gbe Chube geruage diali ene nga be suga noare badi geru giti.

1 Tesalonicenses 3:6

Timoteo chiuni ba ngwadige Timoteo chkuni cha ngwadige, Timoteo geru tragu no ba ulita giti cha ole, ama gerudu ba ulita nu Chube gaba kle mo ta gbe diali Chube geruadi kaire ba ulita kle mo ta dbe no daba ole Chube ole. Kaire Timoteo gerudu cha ole ba kle tachke ta no ole cha giti, ba ta gwagekalinni chadi kaire cha kle tañachuge ba giti ba kle tañachuge cha giti kare.

2 Tesalonicenses 1:1

Cha Pablo chada ai degange ba ulita Jesucristo gerua gaba ulia kle mo lite Chube geruadi una Tesalónicage alin: Cha ule Silvano ole Timoteo ole gbi kage ba ulita alin chada ai giti. Ba ulita kle mo lite Chube geruadi, ba che Ñenua Chubenu kaire ba che Chugagwalla Jesucristonu.

1 Timoteo 1:18

Timoteo, ba cha kirolla Jesucristo giti, cha gerudu ba ole ba me kwian kle daba tke tangle geru ngwalege chuge ngwadi daba tke tangle dare, ba daba ulita tke tangle geru ulia Jesucristo gitige. Me cha alin allabi kle gerule ene ba ole, sbali kwian Chube gerua ketanga gerudu ba ole: “Chube ba gau ama gerua dbe kwian nage.” Ba tachkedale geru e giti Timoteo, ene ba be kira gai lle boi no Chube alin, kwian ba dollale Chube gerua giti ba me tallade, ba chage gwangerugu lle boi Chube alin.

2 Timoteo 1:2

Timoteo, ba cha kirolla kare Jesucristo giti, cha noare ba ole, cha takalin Chube che Ñenua kaire Jesucristo che Chugagwalla age no ba alin tai dage bage ba ta gbe suga no diali, cha takalin ba toi Jesucristo talla ole diali.

2 Timoteo 1:5

Cha kle tachke bage ba Chube gau ulia mo tale giti, ba ta salengwli ba sulian Loida kaire ba chebia Eunice kare, ama boke mo ta gbu ngeru Chube gai ulia no mo tale, cha gerule ba ole ulia ba kaire ta ene molen Chube gai ulia mo tale.

2 Timoteo 3:11

kwian agedu tanre me no cha ole, cha boidu daga ngwale Jesucristo gerua giti. Uñale bage cha boidu ulita ene una Antioquíage una Iconioge una Listrage, una ege ulita kwian me gwagedu ngwaña chadi, ama agedu me no cha ole agwa Chube cha chudabo, ama cha manadu no kwian me no ulitage.

Filemón 1:1

Cha Pablo chada ai degange ba alin Filemón: Ba cha skatemanalla no no ba cha chudaboanga Jesucristo gerua traganga kwian ole. Aini cha kle skage Jesucristo gerua dbe giti cha chada ai degange ba alin ule che daballa Jesucristo giti Timoteo ole.

Hebreos 13:23

Cha takalin chke uñale bage che daballa Jesucristo giti kada Timoteo junlennga siere skagege, ama be chke blike aini cha kle ngwadige gire cha be ama dbe ule kaire basale ba ngwadi.