Hechos 12:22 - Buglere

²² Kwian ngle me chugagwalla gdaite keruchugaba gerule e kare gire ulita gerudu Herodes giti: “Ama me kwian ngwale, ama chube.”

Hechos 12:22 ပူးပေါင်းရင်းမြစ်များ

Hechos 12:21

Herodes chui gbu geru trage kwian una Tiromu ole kwian una Sidónmu ole, chui e chku geru tragadale gire Herodes mo ngama tku no no ñometra gwadetrangaske geru tragadale kwian ole. Ama toidu dba toingwa no giti u kweri kwian kle mo lite geru trage chugagwalla ole ngwadi gire Herodes gerudu lle tanre giti kwian ngle ulita ole.

Hechos 12:23

Gire sugeti ngwale lle boanga Chube alin nga ngaña giti Herodes gbu oga jabale mo gbe kweri gdale, Herodes mo gbu kweri kwian gwage me tañachugu Chube giti Chube gbe ma kweri amage, malen gwita ama gutu gwade gire ama jokeda gwi kote.

Judas 1:16

Kwian daba tkanga tangle geru ngwalege kle ba ulita Chubenuske, ama ulita kwian gerunga me no diali, ama kwira me ngwedi, diali ama kle gerule lle ulita giti me ta no ole, kwian ene tañachuge mo alin giti age ama ta agekalin kare, ama gerule no kweri mo giti, kaire ama gerule no daba na giti ene daba na ta jwlite ama ole age no ama alin ama takalin kare.

Apocalipsis 13:4

Lle jorisi kare lle gude chadale kare gbu chege kweri kiraske age ulita ama kirallaske, malen e giti kwian toinga nga dba giti me Chubenu ulita chagedu lle jorisi kare gai dage gerule no ama giti. Kaire kwian ulita lle gude chadale kare gau dage gerudu no ama giti ene: “¿Chema ñage chege kiraske lle gude chadale e kare? ¿Chema ñage age ulita ama dollale kirachke amadi? Ni kwian gdaite kweri kiraske ama kare.” Kwian ulita lle gude chadale kare gau dage gerudu no ene ama giti.