Hechos 12:12 - Buglere

¹² Sugedu Pedroge lle boanga Chube alin nga ngaña giti Pedro jun siere skage, gire Pedro jo Juan-Marcos chebia kada María ngwadi, eni kwian ngle kledu mo litaba ule gerule Chube ole Pedro kledu skage giti.

Hechos 12:12 ပူးပေါင်းရင်းမြစ်များ

Hechos 12:25

Bernabé ule Saulo ole jogeba una Jerusalénge igi jige kwian Chubenu chugagwallage kwian Chubenu ulita alin chudaboagda bli suiale, Bernabé kaire Saulo ule Juan-Marcos ole kledu una Jerusalénge, gire ama ulita jo siere una Jerusalénge jo chke naskuni una Antioquíageni.

Hechos 12:5

Pedro tkere skage, guardia kwian skage mananga Pedro manade no ene Pedro me kige. Pedro kle skage gire kwian nu Jesu gerua gaba ulia me chegu ta chuge gerule Chube ole Pedro kle skage giti, kwian ulita kledu gerule Chube ole ene: “Chube, noare ba Pedro chudaboi ba ama jwen siere skage.”

Hechos 13:13

Una Pafoge Pablo ule chagemanalla ole du gau jo una Perge ngnagu nga kweri Panfiliage, jo chke una Pergege gire eni Juan-Marcos jo siere Pabloge kaire Bernabége joni naskuni una Jerusalénge.

Hechos 16:40

Pablo, Silas skajunlenga gire ama bonate jo muinga kada Lidia kle toi ngwadi, jo chke Lidia ngwadi kwian tanre nu Jesu gerua gaba kledu mo litaba, Pablo, Silas kwian e ulita nu Jesu gerua gaba ta gbu chage gwangerugu Jesu geruadi gire Pablo, Silas jo siere una Filipoge.

Hechos 4:23

Kwian israelita chugagwalla ulita Pedro, Juan chugu ngwadi gbale, gire Pedro, Juan jo mo lite ule daba na Jesu gerua ganga ole, Pedro, Juan geru tragu daba e ulita ole kwian israelita chugagwalla gerudu giti ulita ama ka bo Pedro ole Juan ole me gerule Jesu giti dare kwian na ole.

Colosenses 4:10

Che daballa Cristo giti kada Aristarco cha gatangadi aini skage ngwadi ama gbi kage ba ulita alin, kaire Bernabé dabagdalla kada Marcos gbi kage ba alin. Cha chada degu ba alin ngeru Marcos giti ama cha chudaboanga, ama joge basale badi ba ama gai ngwange no.

2 Timoteo 4:11

Lucas alin kle aini cha ole. Timoteo, ba chie ba joge Marcos nate, ba chie Marcos dbe ule, Marcos ñage cha chudaboi lle boi Chube alin aini.

Filemón 1:24

Cha chudaboanga Jesucristo gerua traganga kada Marcos kaire Aristarco kaire Demas kaire Lucas ama ulita gbi kage ba alin.

1 Pedro 5:13

Kwian Chubenu ulita kle mo lite aini una Babiloniage gbi kage ba ulita alin, Chube kwian una aige gau mo alin Chube ba ulita gau mo alin kare. Kaire Marcos gbi kage ba ulita alin, ama cha kirolla kare Jesucristo giti.