Hechos 12:1 - Buglere

¹ E suiale kwian israelita chugagwalla rey kada Herodes ama mo ta gbu kwian na kage age daga ngwale kwian Jesu gerua ganga gweale ole.

Hechos 12:1 ပူးပေါင်းရင်းမြစ်များ

Mateo 14:1

E suiale kwian kada Herodes ama kwian nga Galileamu chugagwalla rey, Herodes kwian gweale keruchugu gerule Jesu giti.

Mateo 14:3

Juan-Bautista kledu gwade suiale gire ama nu ka boaba tanre Herodes ole muinga kada Herodías gdale, muinga e Herodes daballanu kada Felipe muira. Herodes kle toi Herodías e ole mo muira kare, e giti Juan-Bautista nu ka boaba tanre Herodes ole, Juan-Bautista gerudu: “Chube gerua degaba unsuialin gerule ba me ñage toi ba daballanu muira ole mo muira kare, e giti ba jiske tanre Chube gwa giti.” Juan-Bautista gerudu ene Herodes ole gire Herodes skochiu tanre Juan-Bautistadi e gdale, Herodes kwian kagu Juan-Bautista gai Juan-Bautista ko luge tkale skage.

Mateo 14:6

Chui jo tangle gire Herodes nu mebanga chuia chku chui e olladre, chui ege Herodías jian jo skwen gdate kwian ngle kadaba chui ollade gwa giti. Herodege skwendu noare Herodías jian skwendu gdate no ene kwian ulita gwa giti,

Mateo 24:9

Kaire kwian cha dollale be ba ulita cha gerua ganga kete mo chugagwallage, chugagwalla e kote ba be boi daga ngwale tanre, ba gweale gwabeda, kwian nga ulitamu be jainchke badi cha gerua giti.

Lucas 22:53

Chui ulitage diali cha kledu ba ulita ole u gerungwa Chube olege, ni bitaite ba cha gau dbale skadi. Agwa nege chui chku ba alin age cha ole Chube kle ba chuge ngwadi age kare, malen nege ba ñage age cha ole ba takalin kare Satanás kiralla giti, Satanás kwian me no ulita chugagwalla, ba ulita kle age ama takalin kare.

Juan 15:20

Ba ulita tachkedale cha gerudu kare ba ole: “Lle boanga me ma kweri mo chugagwallage.” Cha ba Chugagwalla, cha kledu toi kwianske kwian mo ta gbu age me no tanre cha ole, ene kaire kwian be mo ta gbe age me no tanre ba ole, kwian be chage ba nate age me no ba dollale. Kwian bai cha keruchugu cha gerua gbu gdadi mo alin, kwian ene kaire be ba kerua gbe gdadi cha giti.

Juan 16:2

Kwian ba dollale be ba mlienga siere u mo litangwa Chube gerua jwanngwage, kaire chui be chke gire kwian be ba gweda cha gerua dbe gdale, kwian ba gweda ene tañachuge ama kle age no Chube alin.

Hechos 11:30

Kwian Jesu gerua gaba una Antioquíage igi gau ene daba alin gire Bernabé gale Saulo gale igi dbe igi kete kwian Jesu gerua ganga chugagwalla nga Judeage girabatadale daba Chubenu ulita ole daba chudaboagda.

Hechos 12:2

Herodes kwian gbu Santiago chuga tkenga sbadi giti, Santiago Juan daballa.

Hechos 4:30

Kaire ba kira kete chage kwian oga dodade ba kiralla giti, ba cha ulita gbe age no kwianske lle daga ngwale tanre no dodade ba Kirolla no trate Jesu kiralla giti kwian ngle gwa giti. Ene nobi Chube.”

Hechos 9:31

Gire chui sbali kwian Jesu gerua dollale me chagedu dare kwian Jesu gerua ganga nate tkale skage Jesu gerua gdale, kwian Jesu gerua ganga ulita nga Judeage nga Galileage nga Samariage chegu toi no me boi daga ngwale Jesu gerua gdale. Chube Oña kwian Jesu gerua ganga ulita chudabo tanre, ene kwian kira gau toi ma no Jesu takalin kare, kaire kwian mo ta gbu Jesu gai dage ma no ulia mo Chugagwallale. Diali kwian na dare Jesu gerua gau ulia, gire ama ulita mo litu ule kaire daba na ulita ole Jesu geruadi.