Hechos 11:29 - Buglere

²⁹ Bli e kweri suiale gire kwian Jesu gerua gaba nga kweri Judeage me chegu bligda molen, malen kwian Jesu gerua ganga una Antioquíage mo ta gbu igi lite ole kage daba Chubenu nga Judeage chudaboagda, gdaite gdaite igi ketu ama ñage kare.

Hechos 11:29 ပူးပေါင်းရင်းမြစ်များ

Mateo 25:17

Kaire agwe kwian lle boanga na gdaite igi gau dos mil mo chugagwalla alin, ama agedu kaire agwe, igi jriendunga ama ole bitaboke tangle ma ngle, ene ama igi litu ole ngle cuatro mil.

Juan 2:2

E suiale Jesu chebia kledu ule mo jwen chuiadi, Jesu kaire geru jwannga Jesuge jo kadaba mo jwen chuiadi.

Hechos 1:15

Chui e suiale kwian ngle ciento y veinte nu Jesu gerua gaba kledu mo litaba ule kwian Jesu gerua ketanga gdataboko giti gdaite ole. Kwian ngle e ulita gwa giti Pedro gerudu: —Cha daballa cha ibotea Jesu giti, cha gerule ba ulita ole, boidu ulita David Chube gerua degu unsuialin gerule kare, unsuialin Chube Oña David gbu chada dege Judas-Iscariote be boi ulita giti. Judas-Iscariote kwian Jesu dollale jonlla dbanga Jesu ngwadi Jesu gai tkadale skage.

Hechos 11:1

Kwian Jesu gerua ketanga ulita kaire kwian ulita nu Jesu gerua gaba kledu nga Judeage, geru chku kwian israelita e ulita kote kwian me israelita Chube gerua Jesu giti gau kaire.

Hechos 11:26

Bernabé jo chke una Tarsoge, Saulo skwendu amage gire Bernabé Saulo du una Antioquíage. Una Antioquíage Saulo kaire Bernabé chegu chura gdaite, una ege ama diali mo litu daba ulita Jesu gerua gaba ole, ama kwian ngle tku tangle Jesu gerua giti. Una Antioquíage kwian Jesu gerua ganga ka chegu gwangea “kwian Cristonu”.

Hechos 13:52

Kwian ulita una Antioquíamu bai nu Chube gerua Jesu giti gaba ama ulitadi ta sugedu nga suga no no ole, ama ulita chegu toi Chube Oña kirallaske.

Hechos 14:20

Kwian ulita nu Jesu gerua gaba ulia una ege mo litu Pablo jabadi tangle gire kwian e ulita gwa giti Pablo chku bduge ama chku gdate gire joni nabitaite unaske. Nagbietege ama jo ule Bernabé ole una Derbege.

Hechos 14:22

Una e ulita gdamaige kwian tanre geru Jesu giti gaba, Pablo, Bernabé kwian e ulita kira gbu Jesu geruadi, gerudu kwian e ulita ole: —Ba mo ta gbadale chage diali tañachuge Jesu geruage, me ama talla mlienga. Che ulita Chubenu boidale daga ngwale nga dba ai giti kwian me Chube uñe kote, gire ene bdagli che be joge Chube kle ngwadi toi diali chui tangle Chube ole.

Hechos 24:17

’Chura gwealege cha kledu chage nga nage me cha jwiage gire cha joni una Jerusalénge igi dbe, igi e cha bitalla Chubenu kagu kwian israelita Jesu gerua gaba me lle molen alin, cha kledu una ege gire cha joni u gerungwa Chube olege bda kete gwaleda Chube gwa giti.

Hechos 4:34

Kwian Jesu gerua ganga ulitaske ama ulita mo ta gbu mo chudaboi, ene ama ulita lle molen toigda, bai dbi molen u molen gweale chbadu igi ketu kwian Jesu gerua ketangage girabatadale daba ulita Jesu gerua gaba ole bai me lle molen, girabatu mo kaire kaire.

Hechos 6:1

E suiale gwangerugu kwian tanre Chube gerua Jesu giti gau ulia gire kwian Jesu gerua ganga chku ma ngle. Kwian israelita gerunga kwira griego gerudu me no kwian israelita gerunga kwira hebreodi kwian gerunga hebreo me kle muinga gerunga griego chegeba oli ñengulage chudaboi no muinga gerunga hebreo chudaboakle kare chui gdale no igi giti kaire lle na tanre giti.

Hechos 9:19

Gire Saulo joni gudegu, blidu, ama kira chkuni naskuni. Saulo mo ta gbu chege toi chui gweale ule kwian Jesu gerua gaba ole una Damascoge,

Hechos 9:25

Kwian Jesu gerua ganga gweale Saulo chudabo, ama Saulo gbu ski kweri toli gire ama Saulo tku dbige skige ngajrege una gerea gití dbige kwian me kle Saulo manade ngwadi. Ene Saulo tiendu gitiru kwian tadu Saulo gwakalindage una Damascoge, joni una Jerusalénge.

1 Corintios 13:5

Mo ta gbe daba gai dage. Me tañachuge mo giti alin age no mo alin. Me mo ta gbe skole daba ole. Daba age me no ole me oge mo tale.

Gálatas 2:10

Santiago, Pedro, Juan cha ta gbu lle gdaitre alin giti, ama gerudu cha ole cha me ta jogedalenga daba Jesucristo ganga ulia me lle molen chudaboi, e uñale chage cha agedale ene, diali cha kle mo ta gbe age ene daba Jesucristo ganga ulia me lle molen alin, e me jagere cha alin.