Hechos 11:25 - Buglere

²⁵ Bernabé daba ulita Jesu gerua gaba una Antioquíage kira gbu Jesu geruadi gire Bernabé jo una na kada Tarsoge Saulo jwen dbadale una Antioquíage.

Hechos 11:25 ပူးပေါင်းရင်းမြစ်များ

Hechos 15:34

agwa bdagli Silage sugedu ma no chegeda una Antioquíage kwian tke tangle dare geruge.

Hechos 21:39

Pablo gerudu guardia donga chugagwalla ole: —Cha me kwian nga Egiptomu, cha kwian israelita. Cha medunga una Tarsoge nga Ciliciage, una e kweri kwian tanre kle toi una ege. Cha takalin ba cha chuge ngwadi gerule kwian kle chie cha nate ole.

Hechos 4:36

Leví oindalla gdaite kada José agedu no daba alin bai me lle molen lle ketu kwian Jesu gerua ketangage girabate daba e ole. José medunga ngadrega bleske kada Chiprege, kwian Jesu gerua ketanga ulita José e ka na gbu ama ka jun Bernabé, ka e gerule “ama daba ta gbanga suga no”. Bernabé diali daba me lle molen chudabo,

Hechos 9:11

Jesu gerudu Ananías ole: —Mo gbe biale, joga chage jon kada Tainkwlige jegwale, eni kwian kada Judas ulla kle, ba geru kade Judage kwian una Tarsomu giti kadakle Saulo, Saulo kle Judas ngwadi gerule Chube ole.

Hechos 9:27

Kwian Jesu gerua ganga ulita tañachugu ene Saulodi agwa ama gdaite kada Bernabé Saulo chudabo, ama Saulo du kwian Jesu gerua ketanga gdataboko giti gdaboke kledu ngwadi. Bernabé gerudu Saulo giti kwian Jesu gerua ketanga ole, Bernabé gerudu: —Saulo jo chage jonkare una Damasco ngnagu, gire Chugagwalla Jesu medu Sauloge, gerudu Saulo ole jonke, Jesu Saulo ta blitu, Saulo jo chke una Damascoge gire eni Saulo geru Jesu giti ketu kwiange trate no ulita kira giti. Bernabé gerudu ene Saulo giti kwian Jesu gerua ketanga ulita ole.

Hechos 9:30

Kwian Jesu gerua ganga ulitage chku uñale kwian ta Saulo gwakalinda, gire ama ulita Saulo du una Cesareage, una ege Saulo kagle duge una Tarsoge Saulo jwiage.