Hechos 11:14 - Buglere

¹⁴ Gire Pedro be gerule ba ulita ole ba ulita agedale mine gire ba tien gitiru ji chugege age me no gdale ba kaire kwian mangire batre kle toi gwa ba ole.” Lle boanga Chube alin gerudu ene ama ole cha giti.

Hechos 11:14 ပူးပေါင်းရင်းမြစ်များ

Marcos 16:16

Kwian bai kaire ulita mo ta gbe cha gerua gai ulia, ba kwian e ñeadale chiske gai ngaña chigage. Kwian cha gerua gai ulia giti Chube be kwian e jwen siere ji chugege age me no gdale gire kwian e be toi diali chui tangle ule Chube ole nga ngaña giti. Agwa kwian bai kaire me cha gerua gai ulia ba geru kete amage kare, kwian ene Chube be ama kage ji chuge daga ngwale ngwadi toi diali sugekare Chubege.

Lucas 19:10

Cha chiu nga dba ai giti kwian kare kwian agenga me no alin, kwian agenga me no kle jogebanga sugekare Chubege, cha chiu kwian ene chudaboi ta blite Chube ole, cha chiu ama jwen siere ji chugege age me no gdale.

Juan 12:50

Uñale chage cha Ñenua gerua gai ulia giti kwian ñage toi diali chui tangle cha ole cha Ñenua Chube ole, malen diali cha mo Ñenua gerua trage kwian ole cha Ñenua cha kagu kare gerule kwian ole —Jesu gerudu ene ulita kwian ole.

Juan 20:31

Agwa chada ai chege degaba Jesu giti kwian ulita alin, kwian chada ai batenga ene chke uñale chada ai giti ulia Jesu Chube Kirolla, amaña kada Cristo kwian ulita jwannga siere ji chugege age me no gdale, kaire chke uñale kwiange chada ai giti kwian ulita bai kaire Jesu gai ulia kwian ene toi diali chui tangle Chube ole Jesu gai ulia giti.

Juan 4:53

Kirogwa oga ñenuage sugedu chui jwlite dbigu gire Jesu gerudu ama ole: “Ba kirolla mi jogeda, ama kleni noni.” Chugagwalla Jesu gerua tragu kwian gwa ulita ole Jesu agedu mine, ama kaire kwian gwa ulita Jesu gau ulia.

Juan 6:63

Cha gerudu ba ole cha me gerudu ba ulita cha jegwale gutadale ulia ene ba be toi diali chui tangle, me ene dale, ba ulita tañachugadale ba ta giti ba ta mine cha ole, ba cha gadale ulia mo tale, e alin allabi giti ba ulita ñage toi diali chui tangle cha Ñenua ole.

Juan 6:68

Simón-Pedro jaindunga Jesu kalen: —Cha Chugagwalla, cha ulita gdataboko giti gdaboke mi joge siere bage dale, cha joge siere bage ¿cha be chema gai cha Chugagwallale? Chugagwalla na me ba kare, ba gerua ulita ulia, geru e kwian ta gbagda toi diali chui tangle Chube ole.

Hechos 10:2

Cornelio diali mo ta gbu chage trate no Chube gwa giti Chube gai dage, ama ule mo muiralla ole mo olia ulita ole Chube gau dage, ama igi ketu ngle kwian israelitage bai me lle molen chudaboi kaire ama diali mo ta gbu no gerule Chube ole.

Hechos 10:22

Kwian gdamai jaindunga Pedro kalen: —Cha chugagwalla Cornelio cha kagu, ama guardia donga chugagwalla, ama kwian no chage trate Chube gwa giti kaire ama gerule no Chube giti. Kwian israelita ulita kle toi una Cesareage ama gai dage, kwian e ulita no ama ole. Lle boanga Chube alin nga ngaña giti chku gerule ama ole: “Ba kwian kage Pedro jwen dbadale aini ba kle ngwadi, ba Pedro keruchuge ulita no trate Pedro be gerule giti ba ole.” Lle boanga Chube alin gerudu ene Cornelio ole gire cha chugagwalla Cornelio cha kagu ba jwen, nege che joge ule Cornelio ngwadi.

Hechos 10:43

’Cha gerule ba ole, kwian Chube gerua ketanga dabage unsuialin Chube ama ulita ta gbu chada dege Jesu giti, chada e gerule kwian bai kaire Jesu gai ulia, Jesu giti Chube be kwian ene agedu me no ulita talla mlienga —Pedro geru tragu ene ulita Jesu giti kwian ulita kledu mo litaba ole Cornelio ullage.

Hechos 10:6

Pedro kle kwian na kada Simón ullage Simón bda kwara dodanga kle toi kodi ble kagdage.

Hechos 11:13

Gire onbre e geru ketu chage ama kledu gwa mo ullage gire ama gwagedu lle boanga Chube alin nga ngaña gitidige. Lle boanga Chube alin chku amadige gerule ama ole: “Ba kwian gweale kage una Jopege gerule Simón amaña kada Pedro ole ama chiedale aini ba ngwadi.

Hechos 16:15

Kaire Lidia bitalla ulita Jesu gerua gau ulia, gire Lidia mo ñeangu chiske Jesu kalla giti ule mo bitalla ulita ole. Lidia gerudu cha ulita ole: —Bage suge trate cha ulita Jesu gerua gau ulia mo tale, cha takalin ba chie cha ole chege cha ngwadi. Lidia mo ta gbu cha ulita gai ngwange mo ullage gire cha ulita cheguda ama ullage.

Hechos 18:8

Kwian onbre na kada Crispo, ama u kwian israelita mo litangwa mananga, onbre e ule ama olia ulita ole Jesu gerua gau ulia kaire kwian na tanre una Corintomu Pablo keruchugu gerule Jesu giti Ticio-Justo ullage. Kwian ulita bai Jesu gerua gau ulia ama ulita mo ñeangu chiske Jesu kalla giti.

Hechos 2:39

Chube be mo Oña kage Chube gerudu kare, e ba ulita alin ba kirogwalla alin kaire kwian na ulita alin, Chube kwian bai kaire gai mau alin Chube mo Oña gbe kwian ene ulita tale.

1 Corintios 1:16

Kaire cha Estéfanas Estéfanas bitalla ñeu chiske Cristo kalla giti, daba e alin allabi cha ñeu chiske agwa cha me tachke daba na giti, cha tañachuge kwian dare cha me su ñe chiske.