Hechos 10:15 - Buglere

¹⁵ Pedro geru keruchugu nabitaite gerule: —Chube bda e ulita gbu trate ba alin gutadale, Chube gwage bda e me sugaska ba ñage bda e gute.

Hechos 10:15 ပူးပေါင်းရင်းမြစ်များ

Mateo 15:11

Ni lle gdaite kwian kle gute kle kwian gbe me no jiske Chube gwa giti, agwa kwian kle tañachuge me no mo tale gire kwian kle gerule me no age me no ama kle tañachuge kare, e ulita kle kwian gbe me no jiske Chube gwa giti.

Marcos 7:19

Che blire gire bligda me kle joge chke che tale che ta gbagda age me no Chube dollale, agwa che kle blire gire bligda kle joge che kdege bigire bligda e kle joge tangle ulita, che kle mlienga. Jesu gerudu ene bligda giti, Jesu kwian ta gbu bligda ulita no trate kwian alin gutadale.

Hechos 10:16

Gerudre ene Pedro ole bitamai gire lle jamaka kare duleni naskuni nga ngaña giti.

Hechos 10:28

Pedro gerudu kwian ulita ole: —Ba ulitage uñale cha bitalla kwian israelita me ñage chege ule geru trage kwian me israelita ba kare ole. Cha bitalla kle gerule kwian israelita me ñage joge gwa kwian me israelita ullage. Kwian me israelita sugaskare kwian israelita gwage, agwa Chube cha ta gbu cha me ñage kwian me israelita gai kwian sugaska kare.

Hechos 11:9

Gire cha geru keruchugu nabitaite gerule: “Chube bda e ulita gbu trate ba alin gutadale, Chube gwage bda e me sugaska ba ñage bda e gute.”

Hechos 15:20

Che geru kagadale chada giti kwian me israelita ulita Jesu gerua gaba alin, che gerudale ama ole lle gweale ai kare che kwian israelita suia giti, che chada degale ene: “Kwian gweale me Chubenu kle lle oña dodaba mo kodi gai mo chubeale gire kle samla e kaite lle oña ege, ba me samla e gige, ba me gute. Kaire ba me samla gute be ole llagli, ba me samla be jai. Kaire ba ulita onbrenu muirenu mo ta gbadale me mo chuge ke giti.” Che chada dege ene kare kwian me israelita Chubenu ulita alin.

Hechos 15:29

Kwian gweale me Chubenu kle lle oña dodaba mo kodi gai mo chubeale gire kle samla kaite lle oña ege, ba me samla e gige, ba me gute. Kaire ba me samla gute be ole llagli, kaire ba me samla be jai. Kaire ba ulita onbrenu muirenu mo ta gbadale me mo chuge ke giti. Lle ulita ai giti cha kle gerule ba ole, ba ulita mo ta gbadale chege sugekare age ai karege me mo chuge ngwadi age ene, ene ba ñage chege no ule cha kwian israelita Chubenu ole diali mo lite geru Jesu gitidi. Cha gerule ene ulita ba ole chada ai giti, ba chege no llani chage no Chube ole. Che kle meni.”

Hechos 15:9

Che chudalla israelita kaire kwian na chudalla me israelita, Chube gwage che ulita salengwli. Kwian me israelita Jesu gerua gau ulia gire Chube ama ta blitu Chube che ta blitu kare.

Romanos 14:14

Cha che Chugagwalla Jesu gaba ulia, chage mo tale suge trate trate bligda ulita no cha alin gutadale, chage suge ni bligda gdaite me no cha alin gute Chube gwa giti. Agwa daba gweale Chubenuge suge mo tale bligda gweale me no ama alin gutadale, suge amage ene agwa ama bligda e gute ama kle age me no Chube dollale, ulia daba e alin e me no gutadale.

Romanos 14:20

Daba na me lle gute ulita, ama tañachuge lle gweale me no ama alin gutadale agwa bage suge lle ene no gutadale, ba me daba ene ta gbe joge siere geru Cristo gitige me blire salengwli giti, daba e Chubenu, bedre bedre Chube kle ama ta gbe suge ma trate agwa daba bebi geru ulita uñe trate, me no daba ene ta gbe joge siere geruge ba kle blire giti, ba tachkedale daba na giti ba kle lle ulita gute giti, ulia lle ulita no gutadale agwa bage suge daba me no lle ene ole ma no me lle ene gute daba bai me kle lle gute gwa giti.

1 Corintios 10:25

Ba ulita joge samla gige samla chbadakle ngwadi, ba samla gige ba me geru kadadale samla e jo kaitaba o me jo kaitaba lle oña kwian kle gai chuberege, ene ba ñage samla e ulita gute me tañachuge samla giti.

Tito 1:15

Kwian bai ta no trate molen, diali ama tañachuge no ama age no Chube gwa giti. Kwian bai me Chube gerua gai ulia, ama ta me no, diali ama tañachuge me no ama age me no, amage me suge kle age ulita me no, ama tañachuge kle age no.