Hechos 1:17 - Buglere

¹⁷ Judas-Iscariote ama geru jwannga Jesuge ama lle boanga Chube alin cha ulita gdataboko giti gdaite ole ule.

Hechos 1:17 ပူးပေါင်းရင်းမြစ်များ

Mateo 10:4

Simón (ama kwian kira batanga mo jwia gdale), Judas-Iscariote (bdagli ama jwlitedu Jesu dollale Jesu ketu gwaleda). Jesu mo kiralla ketu kwian e ulita gdataboko giti gdabokege gire Jesu ama ulita kagu Chube gerua dbe kwian nage.

Marcos 3:19

Judas-Iscariote (bigwa ama jwlitedu Jesu dollale Jesu ketu gwaleda). Jesu kwian e ulita gdataboko giti gdaboke gau ama gerua ketangale kwian nage.

Lucas 22:47

Jesu kle gerule ene kwian geru jwannga amage ole gire kwian geru jwannga Jesuge na gdaite kada Judas-Iscariote chku kwian ngle dbe ule Jesu kle ngwadi. Judas-Iscariote jo chke Jesudige Jesu sobadadale, ene chke uñale kwian Jesu dollage Judas-Iscariote giti e Jesu, ene Jesu dolla ñage Jesu gai.

Lucas 6:16

Judas (ama Santiago na daballa), Judas-Iscariote (bigwa ama jwlitedu Jesu dollale Jesu ketu gwaleda). Jesu kwian e ulita gdataboko giti gdaboke gau ama gerua ketangale.

Juan 17:12

Nege cha kle ama ulita ole nga dba ai giti chage ule ama ole, ba ama ulita gbu chage cha ole, cha ama ulita manadu no ba kiralla giti, ene cha ama ulita ta gbu chage no ba geruage. Ba ama ulita ta gbu chage cha ole, ama ulita mo ta gbu cha gai ulia, ama kle chage cha ole diali, ni gdaite jonga chage, agwa ama gdaitre alin me mo ta gbu cha gai ulia, ama chagedu alin cha ole agwa ama ta me kledu ule cha ole, ama jonga sugekare chage, ama gdaite e boidale ene ba gerua degaba unsuialin gerule kare.

Hechos 1:25

Daba boke ai ba gdaite gai ene ama chege lle boi Jesu gerua ketangale cha ole Judas-Iscariote tanege. Judas-Iscariote me agedu no Jesu ole malen Judas-Iscariote me ñadu lle boi dare Chube alin, Judas-Iscariote oña jo nga ji chugangwage nga dbigu giti.”

Hechos 12:25

Bernabé ule Saulo ole jogeba una Jerusalénge igi jige kwian Chubenu chugagwallage kwian Chubenu ulita alin chudaboagda bli suiale, Bernabé kaire Saulo ule Juan-Marcos ole kledu una Jerusalénge, gire ama ulita jo siere una Jerusalénge jo chke naskuni una Antioquíageni.

Hechos 20:24

Chube lle ketu boale chage nga dba ai giti ama gerua dbe kwian ulitage, malen cha chage ta suga no no ole Chube gerua Jesu giti trage kwian ole nga ulitage, Chube no kwian ole geru amanu kwian ulitage chkedale uñale. Cha toi gwade o cha jogeda e giti cha me tallade, agwa cha Chube gerua ketakalin kwian ulitage, Chube gerua Jesu giti chkedale uñale kwian ulitage.

Hechos 21:19

Cha ulita jo chke, cha ulita gbi kadu ama ulitage gire Pablo geru tragu ulita trate Chube agedu no no ama giti kwian me israelitaske, Chube agedu no kwian me israelita e ulita alin.

2 Corintios 4:1

Chube taidu dage chage agedu no cha alin, ama agali cha gau cha gbu ama gerua jagere Jesucristo giti dbe kwianske, malen cha me skwatige cha me e chuge ngwadi, cha mo ta gbe gwangerugu geru dbe Chube alin.

2 Corintios 5:18

Chube alin ñage age ene kwian tale Cristo giti. Ngeru cha kledu tañachuge ulita age ulita Chube dollale, agwa Cristo giti Chube cha gbu ama skatemanallale, ene nege Cristo giti cha ta chege no Chube ole, nege Chube kle cha kage geru Cristo giti kete kwian nage, ene kwian na kaire ñage chege Chube skatemanallale Cristo gai ulia giti.