Hebreos 6:4 - Buglere

^4-6 Ulia tirare kwian me mo ta gbe kiraske suge ma ngle Chube gerua giti. Ulia kwian me kle mo ta gbe ene, gire ene kwian nage Chube gerua kle ama tale mlienga ngwale ñage ta jogenga Chube gerua giti kwian me mo ta gbakalin kiraske ma ngle Chube gerua giti gdale. Kwian bai kaire Chube gerua Jesucristo giti keruchuge Chube gerua e skwen no amage gire ama geru e gai ulia, kaire Chube Oña chke ama tale kaire suge amage Chube gerua no ulia, suge amage trate Chube kiraske tanre Chube be chege kwian ulita Chugagwalla kweri chui bdaglige, kwian e kare ene mo ta bliteni naskuni toi ama toidu ngeru kare ama mo tkeni dole ulita Chube gerua Jesucristo giti ole, ama geru Jesucristo giti mlienga mo tale me gai ulia dare, e ulita salengwli ama kle Jesucristo Chube Kirolla gbe Jesucristo me ñanaske kare, ama kle Jesucristo ibade kwian gwa giti ama kle Jesucristo jokeda gai ngwale me ñanaske ama jwanle siere ji chugege age me no gdale, kwian bai kle mo tkeni dole Jesucristo dollaleni ene me ñage mo ta bliteni Chube ole naskuni ama Chube gerua gau gwangea kare. Malen cha gerule ba ole, ba chagedale ta giti me mo tke dole Jesucristo ole.

Hebreos 6:4 ပူးပေါင်းရင်းမြစ်များ

Mateo 12:45

Kwian ta skwen ene dollage u gballa biale kare, gire dolla e joge dolla na tirare gdaguke jwen toi ule ama ole kwian e tale, bdagli kwian e boi ma dare ngeruguge. Ba ulita agenga me no kle toi nege tangle be boi kaire cha gerudu boidu kwian ai giti ole kare, ba cha gerua keruchuge agwa gire me cha gerua gai ulia malen ba be boi ma daga ngwale kledu toi ngeru karege.

Mateo 5:13

Jesu gerudu dare kwian geru jwannga amage ulita ole: —Cho mana noare agwa cho joge skeke gire cho ene me ñage jwliteni naskuni bale gutadale. Cho sketigeda me no, kwian cho ene mlienga goga tangle, kwian chage cho e giti ama me tallade, cho e ngwale. Ene kaire ba me toi no daba gwa giti Chube takalin kare, Chube be ba gbe ji chuge, ene ba be chege salengwli kwian kle cho sketigeda mlienga kare. Ba toidale no kwian ulita gwa giti Chube takalin kare, ene Chube ñage ba gbe lle boi ama alin nga dba ai giti Chube takalin kare.

Juan 15:6

Bai kaire me ta chege ule cha ole, kwian ene be chege sugekare cháge ji chuge, ama me no me ñage age no salengwli uvananga chege sugekare girage me ñage gbachie kare, uvananga ene lita ole ama mlianga sugekare uva girage, uvananga be junbate gire uvananga draba guga.

Juan 3:27

Juan-Bautista gerudu kwian geru jwannga amage ole: —Chube me kle kwian ole kwian me ñage age Chube kiralla giti.

Juan 4:10

Jesu jaindunga: —Noare bage suge chema kle gerule ba ole, cha giti Chube ta chi no ketakalin bage. Suge trate ene bage, ba chi kade chage blike, ene cha chi gwade kete bage.

Juan 6:32

Jesu gerudu: —Cha gerule ulia ba ulita ole, ba kle tañachuge Moisés gballa bligda nga ngaña giti ketu ba enusulian ulitage gutadale, me ene ba kle tañachuge kare, cha Ñenua bligda kagu ba enusulian unsuialin ulita alin gutadale, bligda e kira alin gbagda. Agwa kaire cha Ñenua bligda na ma no nga ngaña giti kete kwian ulitage, bligda e chiu nga ngaña giti chku nga dba ai giti, bligda e kwian ulita gbagda gwade toi diali chui tangle cha Ñenua ole.

Hechos 10:45

Kwian israelita nu Jesu gerua gaba gweale chieba Pedro ole una Jopege, ama kwian me israelita keruchugu gerule kwira nale me jwanba gerule no Chube giti gire chku uñale kwian israelita ege Chube Oña chku kwian me israelita tale, kwian israelita e chegu tañachuge tanre e giti, ama tañachugu mo tale: “¿Mineade Chube Oña chku kwian me israelita tale?”

Hechos 11:17

Chube mo Oña gbu kwian me israelita e ulita tale salengwli Chube mo Oña gbu che israelita tale kare che che Chugagwalla Jesucristo gau ulia mo tale chuiage. Cha me ñage mo gbe ma kweri Chubege gerule Chube ole: “Ba me ñage mo Oña gbe kwian me israelita tale.” Cha me ñage gerule ene Chube ole, Chube ñage age ama takalin kare.

Hechos 15:8

Chube kwian ulita talla uñe malen kwian me israelita ama gerua gau ulia gire Chube mo Oña gbu ama tale salengwli ama mo Oña gbu che tale kare. Ene chke uñale kwian ulitage Chube no kwian me israelita ole kaire agwe.

Hechos 8:20

Pedro gerudu Simón ole: —Ba ule ba igia ole, joga nga dbigu giti nga ji chugangwage sugekare Chubege. Ba kle tañachuge Chube kiralla gige igire giti, cha gerule ba ole ba me kle tañachuge no, ba talla kle sugekare Chubege. Chube mo kiralla kete kwian bai kairege ama takalin mo kiralla kete, e che me ñage gige igire.

Romanos 1:11

Cha ta jogekalin ba ngwadi ba chudaboi, cha ta ba ulita tkakalin tangle ma no Jesucristo giti, ene ba ulita chege mo ta gbaba Jesucristo alin gai ulia diali.

2 Corintios 4:4

Che dolla Satanás kle ko gate kwian ene ta giti, malen kwian ene ta kle nga jereske kare sugekare Chubege, kwian ene kle age Satanás takalin kare, malen kwian me Cristo gai ulia, me suge kwian enege Cristo no kweri Cristo Chube Cristo giti ama ñage Chube uñe.

2 Corintios 4:6

Unsuialin nga ulita kledu nga jereske gire Chube nga gwangea dodadu, Chube nga chra gbu gire nga jere chegu sugekare nga chrage, nga chra chegu sugekare nga jerege. Chube e amaña Jesucristo kagu nga dba ai giti chage kwianske kwian ta gbe Chube uñe, kwian me Chube uñe kle chage nga jereske kare, Jesucristo kwian ta gbe suge salengwli jichra kwian gbe ten nga jereske kare, Jesucristo giti che Chube uñe, Jesucristo giti suge trate chege Chube noare kweri.

Gálatas 3:2

Cha geru kadakalin ai kare bage, ba ulita kledu Moisés chadalla alin gai dage, ¿Chube Oña chku ba tale geru e giti? ¿O ba geru Jesucristonu keruchugu ba geru gau ulia gire e giti Chube Oña chku ba tale? ¿Ba tañachuge geru bai giti Chube Oña chku ba tale?

Gálatas 3:5

Chube mo Oña gbe ba ulita tale, Chube Oña kle age tanre no ba tale, ba ta me nge kare, ¿mineade Chube Oña kle age ene ba ulita alin? E me kle gerule ba ulita kle Moisés chadalla gai age Moisés chadalla kle gerule kare e giti Chube Oña kle age. ¡Me ene! Ba ulita geru Jesucristo giti keruchugu, ba geru e gau ulia, e giti Chube Oña chku ba ulita tale.

Efesios 1:18

Kaire Chube, ba ama ta gbe suge ama Jesucristo gerua gaba giti ama ñage toi diali no ba ole chui tangle, kaire ba ama ta gbe suge ba kle age no ngle diali ama alin chui negege tangle kaire chui bdagli be chkege, ba be chege ama ole ama manade no no diali.

Efesios 2:8

Ba ulita mo ta gbu Jesucristo gai ulia, e giti Chube ba jun siere ji chugege ba agedu me no gdale. Ba me tañachugadale ba gballa mo jun siere ji chugege, me dale ene. Chube ba jun siere ji chugege Jesucristo giti, ama agedu ene mau tale ba alin ama no no ba ole.

Efesios 3:7

Uñale chage cha me ñage geru dbe kwianske gballa mo kiralla giti agwa Chube agedu no cha alin Chube cha gbu geru no amanu Jesucristo giti dbe ama kiralla giti ba ulita me israelitaske.

Efesios 4:7

Che ulita mangire batre Cristo gerua gaba Chube kle che ta gbe ule kwaitre alin kaire Cristo kle ta kete che gdaite gdaitege lle boi no kaire kaire Chube takalin kare daba Chubenu chudaboagda.

1 Timoteo 4:14

Sbali kwian Chube gerua ketanga gerudu ba ole: “Timoteo, Chube geru ketu chage ba giti Chube ba gau ama gerua Jesucristo giti dbe kwian ulitage, nege joga lle e boi Chube gerudu kare, Chube be kira kete bage ama gerua dbe.” Kwian Chube gerua ketanga gerudu ene ba ole, kaire chui amañage kwian Chubenu chugagwalla ulita ko gbu ba giti gire Chube ba ta gbu lle boi ama alin. Cha gerule ba ole ba me ñage e kagenga ngwale, Chube ba gbu lle boi ama alin.

2 Timoteo 2:25

ama gerudale ta no giti kwian Chube gerua dollale ole, ene Chube ñage kwian ta blite, kwian ñage tañachuge nganake gire kwian ñage geru ulia gai mo tale.

2 Timoteo 4:14

Alejandro kwian hierro dodanga agedu me no me no cha dollale, uñale Chubege, Chube be ji gbe ama alin cha gdale.

Hebreos 10:32

Ba ulita tachkedale chui ngeru giti ba Jesucristo gerua gau ulia gire, e suiage gwangerugu ba mo ta gbu kiraske jage boi ulita daga ngwalege ta no ole. Ba me Jesucristo gerua chugu ngwadi dale ba boidu daga ngwaleske ba me jo siere geruge.

Hebreos 2:4

Chube Jesucristo kaire kwian Jesucristo gerua ketanga dabage gbu lle daga ngwale no tanre dodade Chube kiralla giti kwian tanre gwa giti, kaire Chube Oña giti Chube ta ketu kwian ulita ama gerua gaba uliage lle gweale boale ama alin ama takalin kare. E giti sugedale chege Chube gerua Jesucristo giti geru e ulia, che geru e gbadale gdadi no trate mo tale me geru e kagenga ngwale.

1 Juan 5:16

Chege chke uñale daba che bitalla Jesucristo giti gweale kle chage age me no gweale Chube dollale che gwage agwa ulia ama me kle mo ta gbe mo tke dole Chube ole chui tangle dale, gire daba e giti che gerudale Chube ole gire ene Chube be daba e ta me no blite be daba e gbe toi no chui tangle diali ama ole. Agwa kaire agwe chke uñale chege daba gweale kle mo tke dole Chube ole chui diali dale alin daba e kle age me no gweale mo gbe sugekare Chubege ama kle Chube gerua gai geru ngwale kare. Cha gerule ba ole, daba e kare giti ba me gerule Chube ole, daba e kle age giti ama kle mo gbe chege sugekare Chubege diali dale alin ama chege salengwli kwian jogebakeda kare Chube gwa giti.