Gálatas 6:16 - Buglere

¹⁶ Kwian ulita bai kaire kle mo ta gbe Jesucristo alin gai ulia kle mo ta gbe chage Jesucristo takalin kare, kwian ene kwian Chubenu ulia Jesucristo giti, cha takalin Chube kwian ene ulita ta gbe suga no kaire Chube tai dage ama ulitage.

Gálatas 6:16 ပူးပေါင်းရင်းမြစ်များ

Juan 1:47

Natanael jo Felipe ole tienda Jesudi, Jesu gwagedu Natanael chie kodi Jesu ngnagu, Jesu gerudu Natanael giti: —Ai ulia kwian israelita no, ama kle gerule ulia diali no daba ole, ama me chage sole daba ole.

Juan 14:27

Cha be jogeni cha Ñenua ngwadi gire cha be ba ulita ta jige suga no, cha ba ta gbe suga no me salengwli kwian kle ta dbe suga no sugeti alin lle gweale giti, cha ta suga no kete, e chege diali ba tale. Malen ba me chegedale tañachuge tanre be boi giti, ba me ta dbadale olire, ba me ta dbadale kennga.

Juan 16:33

Cha gerudu ulita ba ole, ba tachkedale e giti ulita, ene cha giti ba be ta dbe suga no diali. Ba ulita chanu be boi daga ngwale nga dba ai giti kwian me chanuske, agwa ba me tallade e giti, ba me ta dbe kennga, ba mo ta gbadale diali cha kirallaske, cha kirachku ulita me no kiralladi.

Romanos 4:12

Kaire Abraham kwian ulita mo kwara tkabanga ñenua kwian kle mo ta gbe age Abraham agedu kare, Abraham mo ta gbu Chube gai ulia, kwian mo kwara tkabanga ulita bai kaire mo ta gbe Chube gai ulia Abraham Chube gau ulia kare, kwian ene kaire chege no trate me jiske Chube gwage Abraham chegu no trate Chube gwage kare.

Gálatas 1:3

Cha ulita takalin Chube che Ñenua kaire Jesucristo che Chugagwalla age no no ba ulita alin kle toi una kaire kairege nga Galaciage, kaire ama ba ulita ta gbe suga no.

Gálatas 3:29

Ba ulita bai Cristonu ba Abraham oindalla ulia Cristo giti, Chube gerudu unsuialin Abraham ole Chube be age no Abraham alin kaire Abraham oindalla ulita alin, Chube agedu no ba ulita alin Chube gerudu kare Abraham ole, Chube Cristo kagu.

Gálatas 5:16

Cha gerule ba ulita ole, Chube Oña kle ba tale, ba chagedale diali Chube Oña ba ta gbe kare, ba ulita chagedale ama takalin kare diali, ba me mo chugadale ngwadi age me no ba takalin kare.

Gálatas 5:25

Nege Chube Oña kle toi che tale, ama alin ñage che ta gbe chage no, che Chube Oña chugadale ngwadi che ta gbe age ama takalin kare. Che Chube Oña chuge ngwadi che ta gbe age ama takalin kare ama che ulita ta gbe toi no ule modi, ene che me toi sugaska modi. Che me tañachugadale mo tale: “Cha ma no daba na ulitage.” Che me mo ta gbadale geru jinade dabage daba gbagda skochie. Che me ta dbadale tañachuge me no dabadi lle dabanu giti, che me ta dbale che takalin lle dabanuge mau alin, che mo ta dbale tañachuge no daba ulita alin.

Efesios 6:23

Cha bitalla ulita Jesucristo giti, cha takalin Chube ba ta gbe nga suga no ole kaire ama ba ta gbe chege chage gwangerugu Jesucristo gerua ai gai diali mo tale ene ba toi no nga suga no ole ongoru ongoru daba ulita Jesucristo gerua gaba ole.

Filipenses 3:16

Che geru jwen Jesucristo giti, geru e suge chege bedre bedre, che chagedale geru e gerule kare.

Filipenses 3:3

Che ulia Chubenu, che gerule noare Chube ole, kaire nga suga noare chedi Jesucristo giti, Chube Oña kle che ta gbe che gerudale noare diali Chube alin ole. Che me tañachuge mo kwara giti che mo kwara tkangenga o me, e ngwale giti tangle me uñale ulia ta kle Chube ole o me.

Filipenses 4:7

Ba age ene Chube be ba ta gbe suga no diali, ene ba kle boi daga ngwale ba me ta dbe olire, nga suga noare badi. Kwian na gwage badi ba kle ta dbe ene, e me suge kwiange, Chube alin ba ta gbe suga noare diali. Uñale bage Jesucristo kle ba ole diali kle ba chudaboi diali, kaire ba talla kle Jesucristo ole Jesucristo talla kle ba ole.

1 Pedro 1:3

Che ulita gerudale no no Chube giti, Chube che Chugagwalla Jesucristo Ñenua, ngeru che chagedu age me no diali che kledu chage ta me no ole, che ene gire Chube taidu dage tanre chege, Chube Jesucristo kagu nga dba ai giti che alin, Jesucristo jokeda che agedu me no giti gire ama jaba chkuni gwade, e giti Chube che ta blitu ene che ta me nge kare, Chube che ta gbu no trate age no ama takalin kare. Nege Jesucristo giti che kle chui manade gire che be joge toi ule Jesucristo ole nga ngaña giti Chube kle ngwadi.

Judas 1:2

Cha takalin Chube ba ulita ta gbe suge ma ngle diali Chube tai dage ba ulitage, kaire cha takalin Chube ba ulita ta gbe nga suga no ole Chube ba ulita ta gbe mo ta dbe no Chube ole daba na ole.