Gálatas 6:10 - Buglere

¹⁰ Uñale chege che age no Chube takalin kare che me kle age ngwale, malen noare diali che ñage kare che mo ta gbadale age no kwian ulita alin kwian ulita chudaboi, che me ta jogedalenga age no daba Chubenu alin diali, che daba Chubenu Jesucristo giti chudaboadale ngeru kwian na ulitage.

Gálatas 6:10 ပူးပေါင်းရင်းမြစ်များ

Mateo 12:50

Kwian bai age cha Ñenua Chube takalin kare, kwian ene cha daballa kare cha ibotea kare kaire agwe cha chebia kare, ama cha bitallanu ulia, cha no no ama ulita ole —Jesu gerudu ene ulita.

Mateo 25:40

Kwian be geru kade ene chage, gire cha be jainnga: “Cha gerule ulia ba ulita ole, kwian tanre cha gerua gaba ulia me lle molen, ba kwian ene manadu no, ba lle ketu amage, ba ama chudabo, e salengwli ba cha agali chudabo kare.”

Mateo 5:43

’Kwian daba tkanga tangle Moisés chadalla giti kle ba ulita tke tangle geru giti, ba ulita kle geru e keruchuge gerule ene: “Ba mo ta dbadale no ba skatemanalla ole, agwa ba me mo ta dbadale no kwian ba dolla ole.” Nege ba kle mo ta gbe age daba ole geru e kle degaba kare.

Marcos 3:4

Onbre oga chku gdate kwian ulita gwa giti, gire Jesu geru kadu kwian ulita kle amadi tanglege: —¿Che llema boadale undege chuiage? ¿Che age no kwian alin o che age me no kwian alin? ¿Che ñage kwian oga chudaboi o che kwian oga chugadale ngwadi boi daga ngwale jogekeda? Jesu geru kadu ene kwiange, agwa kwian ulita chegu kamne kwian me jaindunga Jesu kalen.

Lucas 6:35

Ba me ñage tañachuge kwian ulita tañachuge kare, ba tañachugadale nganake. Ba mo ta dbadale no mo dolla ole age no ama alin diali. Ama lle gweale kade sugeti bage ba lle ketadale me tañachuge lle e gaini naskuni. Ba mo ta dbe ene mo dolla ole, bdagli nga ngaña giti Chube be lle noare kete bage age no ene ñanale, ba age ene ba kle age ba Ñenua Chube takalin kare, ulia ba Chube olia. Chube kweri, ama noare ulita, ama age no kwian ulita alin, me age no kwian no alin allabi, agwa kaire ama age no kwian me no alin, kwian me Chube uñe ni gerule no Chube ole Chube kle age no ama alin.

Juan 12:35

Jesu gerudu: —Cha mi chege toi ba ole sbali dare nga dba ai giti, agwa nege cha kle aini ba ulitaske, nege chui kle ba ulita alin cha gai ulia. Cha kle chage nga dba ai giti jichra kare kwian ulitaske, kwian bai cha gai ulia cha kwian ene ta gbe suge cha giti ene ama me chege age me no salengwli jichra kwian gbe ten nga jereske kare ene ama chagedale mine jichra giti nga jereske. Kwian kle chage nga jereske ama me ten ama jogenga, ni uñale amage ama joge baini. Ene kaire ba bai me cha gai ulia, ba be chege chage sugekare Chubege nga jereske kare. Agwa ba cha gai ulia, ene ba be chage nga chra no ngajudi kare giti, ene ba mi jogenga Chubege ba mi chege sugekare Chubege. Jesu gerudu ene ulita mo giti kwian ole gire Jesu jo siere kwian ngle ulitage, kwian ngle ulitage me uñadu Jesu jo baini.

Juan 9:4

Nege cha kle nga dba ai giti che lle boadale blike cha kaganga cha kagu lle boi ama alin kare, chui kle kodi gire cha be jogeda che mi ñage lle boi dare.

Hechos 6:7

Chube gerua Jesu giti chagedu dare kwian ngleske, kwian ngle Jesu gerua gau ulia una Jerusalénge. Kaire kwian israelita gerunga Chube ole daba alin ngle mo ta gbu ulia Chube ole Jesu gerua gai ulia.

2 Corintios 2:8

Ba me ama chugale ngwadi ta olire ole, malen cha takalin ba ulita ama gaini naskuni baske ba age no ama alin, ene be suge trate amage ba kle mo ta dbe no ulia ama ole.

Gálatas 1:23

ama ulita geru cha giti keruchugu alin allabi, geru ai chku ama ulita ologe: “Ngeru ama chagedu che kwian Cristo gerua ganga nate che gadale gwadaleda Jesucristo gerua gdale, ene ama tañachugu geru Jesucristo giti me jriennga dare, ama agenga ene ngeru, nege ama kle gerule kwian ulita ole kwian mo ta gbale Jesucristo gerua gai ulia.”

Efesios 2:19

Malen Jesucristo giti nege ba kwian me israelita ulita ñage Chube uñe cha israelita kare. Nege ba me ngeru kare, ba Jesucristo gerua gai ulia giti ba me kle sugekare Chubege, Chube kle ba manade kle ba chudaboi kle age no ba alin salengwli ama kle age no cha israelita alin kare. Che ulita Jesucristo gerua gaba ulia che chege Chube bitalla kare, che ulita Chubenu.

Efesios 3:15

Chube kwian Cristo gerua ganga ulita Ñenua. Kwian gweale nu Cristo gaba ulia jogebakeda ama oña kle nga ngaña giti Chube ole, kwian gweale nu Cristo gaba ulia kle nga dba ai giti, Chube ama ulita Chugagwalla.

Efesios 4:28

Ba bai skwe bo ngeru ba bebi Cristo gerua gai ulia gire, ba mo ta gbadale me skwe boi dare, ba mo ta gbadale lle boi mo kodi agali ene ba ñage lle molen toigda kaire ba ñage daba me lle molen chudaboi ba llea giti.

Efesios 5:16

Chui nege tanglege kwian tanre kle age me no, malen ba kwian Chubenu me ñage chui kagenga ngwale, ba diali mo ta gbadale age no kwian alin kwian chudaboi, ba gerudale no Chube giti kwian ole ba ñage gire.

Filipenses 4:10

Chadi nga suga noare che Chugagwalla Jesucristo giti, ama ba ulita ta gbu cha chudaboi nabitaite igi giti. Sbali ba me ñadu cha chudaboi, uñale chage ba ulita me cha talla mliunga, ba tadu cha chudaboakalin agwa ba me ñadu cha chudaboi.

Colosenses 4:5

Ba mo ta gbadale me chui kagenga ngwale, ba diali gerudale kwian ole Cristo giti. Ba toidale diali no trate ta giti Chube takalin kare kwian me Chubenu gwa giti, ene ba ñage gerule no Cristo giti kwian ole, ene kwian geru gai ulia ba giti.

1 Tesalonicenses 5:15

Kwian gdaite age me no daba ole gire mo jiale age me no kaire daba ole, ba me agedale ene, ma no ba mo ta gbadale age no diali daba ulita ole bai Chubenu bai me Chubenu ole.

1 Tesalonicenses 5:21

Ma no ba ama gerua gbe gdadi ulita kle gerule ulita Chube giti ulia o me, ene be chke uñale bage bai no ulia ba alin. Ama kle gerule Chube giti trate no ba e gai ba geru e gbe mo tale,

Tito 2:14

Jesucristo mo chugu ngwadi jogeda che ulita alin, ama jokeda alin giti ama che jun siere, ene che amanu. Ama che ta blitu, ama che ta gbu nganake, ene suge chege che me agedale me no dare gire che ta agekalin no diali ama takalin kare.

Tito 3:8

Cha gerudu kare ulita, e ulia ulia, malen cha takalin ba me ka chite geru e trage kwian ulita ole, ba kwian tke tangle geru ege, ene be suge kwian ulitage kwian bai nu Chube gaba ulia ama mo ta gbadale age no diali Chube takalin kare. Geru e no kwian ulita alin, malen ba kwian ulita tkadale tangle no, geru e giti ba be kwian ulita chudaboi.

Hebreos 13:16

Kaire ba ulita me ta jogedalenga mo ta gbe age no diali daba ulita alin daba chudaboi, kaire ba mo ta gbadale lle monu girabate daba na me lle molen ole, age ene daba alin e no no Chube gwage Chube no age ene ole. Age ulita ai kare e salengwli kwian bda ketu Chubege unsuialin tangle kare.

Hebreos 3:6

Agwa ulia Chube Kirolla Jesucristo chku gire ama chegu ma trate ma kweri Moisége salengwli kwian u mauña kirollanu kle chege ma kweri lle boanga gwa ama alinge kare. Jesucristo agedu ulita no trate che kwian Chubenu alin ama Ñenua Chube ama gbu age kare. Ulia che ulita mo ta gbadale kiraske diali Jesucristo gai ulia gwangerugu tañachuge ulia ama ñage che chudaboi lle ulitage chui tangle dale gire ene che chege Chube oliale ulia Jesucristo giti.

Hebreos 6:10

Ulia Chube noare, Chube ta no trate molen, diali ama kle age no kwian alin kwian bai kaire kle ama gai ulia age ama takalin kare. Kaire Chube me ta jogenga ba agedu giti ta no ole daba Chubenu na chudaboi daba ta gbe kiraske Jesucristo giti ba kle age diali kare, gire ene suge Chubege ba noare Chube ole.

1 Pedro 4:17

Nege nga dba ai giti kwian Chubenu age me no, Chube kwian ene chuge ngwadi boi daga ngwale age me no e gdale, ene kwian ta mo ta gbakalin ma kiraske chege siere age me noge, ene me ibule Chube gwa giti chui bdaglige. Chui bdaglige Chube be gerule kwian ulita ole kwian agedu giti ulita nga dba ai giti, ngeru be gerule kwian Chubenu ulita giti bigire be gerule kwian me Chubenu ulita giti, chui ege Chube be ji gbe kweri kweri kwian ulita alin bai kaire me Chube gerua ulia no gau mo alin. Kwian Chubenu ole boi dagale nga dba ai giti agwa chui bdaglige ama be tien gitiru Chube ji gbege.

1 Juan 5:1

Kwian ulita bai kaire mo ta gbe Jesucristo gai ulia, suge kwian enege ulia Jesucristo Chube Kirolla Chube nu ama kagaba kwian ulita jwanngale siere ji chugege age me no gdale, kwian ene Chube olia. Kwian Chubenu ulita bai kaire mo ta dbe no Chube ole kwian ene kaire mo ta dbe no kwian na Chube olia ulita ole.

3 Juan 1:10

Malen e giti cha be joge chke ba ulita ngwadi gire cha be ka boi mno tanre Diótrefes ole ama kle mo ta gbe chagé age giti, ama kle geru jinade ngwale chadi. Ama me kle age ene alin allabi agwa ama kle age tanre me no. Ama me takalin daba na Chubenu gakalin ngwange no ama ngwadi gwa, kaire kwian na bai takalin daba Chubenu gai ngwange no mo ngwadi gire ama me kle daba e chuge ngwadi daba na gai ngwange daba chudaboi. Ama takalin daba chege ama kare ulita age ama kle age kare. Kaire agwe daba gweale me kle Diótrefes kerua gai dage agwa kwian kle age no daba Chubenu chudaboi gire Diótrefes kle kwian daba chudaboanga e mlie siere u mo litangwage, Diótrefes me takalin kwian daba chudaboanga e chege mo lite ule daba Chubenu na ulita ole.

3 Juan 1:11

Ba cha daballa no Jesucristo giti, ba ole cha gerule, ba me agedale Diótrefes kle age kare. Ba me sui jwen amage age me no ama kle age kare, ma no ba sui jwen daba agenga noge. Kwian bai kaire kle age diali no Chube takalin kare kwian ene Chubenu ulia, agwa kwian bai kaire kle age me no diali Chube dollale kwian ene me Chubenu dale ama me Chube uñe.

3 Juan 1:3

Ulia cha gerule ba ole, nga suga noare chadi ba giti, che daballa gweale Jesucristo giti chku aini cha kle ngwadi basale chadi gire ama geru tragu ba giti cha ole, ba diali kle mo ta gbe Jesucristo gerua ulia giti, ba kle toi no trate ulita Chube gerua ulia gerule kare, geru ketre chage ene ba giti, e giti nga suga noare ulia chadi ba giti.