Gálatas 5:14 - Buglere

¹⁴ Chube gerua degaba unsuialin gerule: “Ba mo ta dbadale no daba na ulita ole salengwli ba no mo ole naskuni kare.” Geru e ma kweri che alin Chube gerua degaba na ulitage. Ba age no ene daba na ole ba mo ta gbe age mo ole kare, gire ba kle age ulita Chube gerua ulita kle gerule kare.

Gálatas 5:14 ပူးပေါင်းရင်းမြစ်များ

Mateo 7:12

’Ba takalin kwian na ulita age ba alin, kaire ene ba mo ta gbadale age ene kwian na ulita alin. Moisés nu Chube gerua degaba unsuialin kaire kwian Chube gerua ketanga ulita nu Chube gerua degaba unsuialin, geru e ulita gerule kwian ulita agedale no ene daba alin.

Marcos 12:31

Agwa kaire agwe geru na gbabokedale kweri ba gbadale gdadi, geru e kle gerule: “Ba mo ta dbadale no daba na ulita ole salengwli ba no mo ole naskuni kare.” Geru na tanre kle gbaba ba alin agwa geru gbaboke e ma kweri ulitage ba mo ta gbadale geru e gai dage ulia ba agedale ulita geru gbaboke e kle gerule kare.

Marcos 12:33

Kwian unsuialin tangle bda guda bda gugu Chube gwa giti kwian agedu me no giti, age ene giti Chubedi nga sugadu no. Agwa nga suga ma no Chubedi che mo ta dbe no ama ole diali, che tañachuge mo tale diali ama giti, che mo ta gbe kiraske lle boi ama alin ama takalin kare, kaire che mo ta dbe no daba na ulita ole salengwli mo ole naskuni kare. Che age ene ulita geru kle gbaba gerule kare, e skwen no no Chubege, e kle ama gbe nga suga no ole che giti.

Juan 13:34

Cha be geru ai jagere kete ba ulitage, ba geru ai gbe gdadi: Ba ulita mo ta dbadale no modi cha ta dbe no ba ulita ole kare, ulia ba mo ta dbadale ulita no modi daba ole.

Gálatas 1:6

Me suge chage mineade ba ulita kle mo ta gbe joge siere blike Chubege, Chube ba gau mau alin Cristo giti, Cristo agedu no ba ulita alin. Cristo alin giti ba ñage tien gitiru ji chugege ba agedu me no gdale, ¿mineade ba kle mo ta gbe geru na nganake Cristo gitige gai?

Gálatas 6:2

Ba kwian Chubenu ulitaske daba gweale boi daga ngwale daba gweale mo ta gbakalin age me no, ba ulita bai kaire kle chage no Chube ole trate ba mo ta gbadale diali daba chudaboi ongoru ongoru ta no giti, ba age ene ba kle ta dbe no daba na ole Cristo geru gbu kwian ulita alin kare.

1 Timoteo 1:5

Ba gerudale ene kwian me geru ulia dbanga ole, ene be suge amage ama mo ta blitadale ene ama ñage age Chube takalin kare, ama me agedale ama agali takalin kare. Chube takalin che mo ta gbe ulia no trate ulita daba ole. Che agedale no ta no giti, che agedale no diali Chube takalin kare ene che me jiske, che mo ta dbadale ulia Chube gai me gerule alin: “Cha Chube gai ulia.” Kwian mo ta gbadale age no diali ulita ene, gire ama ñage ta dbe no ulita daba ole.