Filipenses 4:8 - Buglere

⁸ Cha daballa cha ibotea Jesucristo giti, cha gerule ba ole, ba mo ta gbadale tañachuge diali lle no ai kare giti: Ba tañachugadale geru ulia alinge. Ba tañachugadale age no ulita diali. Ba tañachugadale chage no trate Chube takalin kare. Ba tañachugadale age no Chube gwa giti kaire age no kwian gwa giti, ene kwian ulita gwage badi ba kwian agenga no gire kwian e gerule no ba giti. Ba tañachugadale age no kwian na alin, ene kwian ta dbe no ba ole. Ba ulita mo ta gbadale tañachuge no ene diali.

Filipenses 4:8 ပူးပေါင်းရင်းမြစ်များ

Mateo 22:16

Malen ama ulita mo skatemanalla gweale kagu ule kwian chugagwalla rey Herodes skatemanalla gweale ole tienda Jesudi Jesu kle ngwadi mo chuge Jesu ole Jesu gbe gerule gweale chugagwalla kweri emperador dollale giti, kwian e ulita jo chke Jesudige gire gerudu Jesu ole: —Ba kwian tkanga tangle geruge, uñale chage ba diali kle gerule ulia trate, kaire ba kle kwian ulita tke tangle geru ulia giti kwian toidale mine Chube takalin kare. Ba kle gerule kwian ulita ole salengwli, ba gwa giti kwian salengwli ulita. Ba kle mo ta gbe age ene diali me mo tallade kwian tañachuge mine badi giti.

Lucas 16:15

Jesu gerudu kwian fariseo ole: —Ba ulita takalin kwian na gwage ba kle age nodi, gire ba takalin kwian gerule ba giti ba noare ba kle chage trate. Ba age kwian gwa giti ene kwian tañachuge ba kle age trate ulia Chube takalin kare, agwa me uñale kwiange ba ta mine, Chube gwage ba tadi, uñale Chubege ba ta mine. Ba age no kwian tañachuge kare agwa Chube gwage ba kwian me no —Jesu gerudu ene kwian fariseo ole.

Lucas 2:25

E suiale kwian onbre kada Simeón kle toi una Jerusalénge, ama kwian no kle mo ta gbe diali chage no trate Chube ole kle Chube gai dage. Simeón kledu chui manade ngwange gire Chube be kwian jwannga siere kage kwian israelita ulita chudaboale, diali Chube Oña kledu Simeón ole ta gbe manade ta no ole.

Lucas 23:50

Onbre gdaite kada José kledu eni Jesu jokeda kruge ngwadi, ama kwian israelita chugagwalla gdaite, ama kwian no, ama chagedu no Chube takalin kare, ama kwian una Arimateamu nga Judeage.

Juan 7:18

Bai kle gerule mo talla giti agali, kwian ene kle age no daba na gwa giti ulita, ama takalin daba na ulita gerule no ama giti. Agwa cha me kwian ene kare, cha alin ma no kwian ulita gerule no cha kaganga giti, cha kle gerule ama talla giti, cha kle gerule ulia cha kaganga takalin kare, cha me kle sole.

Hechos 10:22

Kwian gdamai jaindunga Pedro kalen: —Cha chugagwalla Cornelio cha kagu, ama guardia donga chugagwalla, ama kwian no chage trate Chube gwa giti kaire ama gerule no Chube giti. Kwian israelita ulita kle toi una Cesareage ama gai dage, kwian e ulita no ama ole. Lle boanga Chube alin nga ngaña giti chku gerule ama ole: “Ba kwian kage Pedro jwen dbadale aini ba kle ngwadi, ba Pedro keruchuge ulita no trate Pedro be gerule giti ba ole.” Lle boanga Chube alin gerudu ene Cornelio ole gire cha chugagwalla Cornelio cha kagu ba jwen, nege che joge ule Cornelio ngwadi.

Hechos 22:12

’Una Damascoge onbre gdaite kada Ananías kle toi, ama mo ta gbanga chage trate Chube gwa giti kaire ama chada Moisés nu degaba ganga dage. Kwian israelita na ulita kle toi una Damascoge kle gerule no Ananías giti Ananías kwian no.

Hechos 6:3

Malen noare ba daba Chubenu ulita daba na gweale kle baske ba gadale gdaguke, kwian bai gakle dage, kwian ta ole kaire kwian bai Chube Oña kle ama ta gbe age Chube takalin kare, kwian ene kare ba gadale gdaguke. Cha Jesu gerua ketanga ulita daba ene kote cha lle girabate jige, ama be lle girabate ba daba Chubenu ulita ole, ama be ba daba Chubenu chudaboi lle ulita giti toigda.

Romanos 13:13

Che mo ta gbadale chage no trate diali Chube takalin kare kwian ulita gwa giti, che me chagedale ai kare: Che me chagedale llale lle gage kote. Che me nga olladale lle gage giti. Me no muinga onbre mo chuge ke giti mo ta gbe diali chege age me no ene. Me no mo ta gbe chage kira bate daba na ole. Me no tañachuge lle dabanuge mo alin.

Romanos 13:3

Chugagwalla ulita nga dba ai giti kwian kaganga, kwian age no ama me kwachie chugagwalla ngeru, chugagwalla me kwian ene gbe jiske. Agwa kwian me age no ama kwachie chugagwalla ngeru, chugagwalla kwian ene gbe jiske, kwian ene kwachie chugagwalla ngeru. Ba toikalin no me kwachie chugagwalla nga dba ai giti ngeru ba mo ta gbadale toi no chugagwalla gerua gai dage me age me no chugagwalla dollale, ene chugagwalla me ba chugedi,

Romanos 14:18

Ba ulita bai kaire mo ta gbe no ene lle boi Cristo alin ta no ene ole kle age no Chube gwage, nga suga no Chubedi ba kle age giti, kaire kwian na be gwage badi ba kle age no.

1 Corintios 4:5

Cristo alinge uñale trate kwian lle boanga Chube alin talla mine, Cristo alin ñage gerule trate kwian ene ulita kle age giti kwian kle lle boi no Chube alin o me kle lle boi no, ni kwian gdaite ñage gerule trate daba na giti kle lle boi no Chube alin o me kle lle boi no. Malen cha gerule ba ulita ole, ba me gerudale cha ulita lle boanga Chube alin giti blike kle lle boi no o me kle lle boi no Chube alin, ba manadale, nege cha ulita lle boanga Chube alin talla ulita kle skwlenre bage agwa che Chugagwalla Cristo chieni chuiage kwian lle boanga ulita talla ulita be chke uñale nate, chui ege Cristo be gerule trate ulita kwian lle boanga Chube alin ulita giti bai lle bo no Chube alin bai me lle bo no Chube alin, chui ege Chube be gerule no no lle boanga no ulita ole lle boanga lle bo no ama alin giti.

2 Corintios 13:7

E me gerule ba ulita gerudale no cha giti cha kle lle boi no Chube alin no baske malen ba kle mo ta gbe age no Chube takalin kare, cha me kle tañachuge kwian gerule mine cha giti, me ene, cha kle tañachuge ma no ba ulita giti ba ulita kle chage mine, cha takalin ba ulita mo ta gbe toi ma trate sugekare age me noge diali, cha ta mo ta dbakalin age no ba alin ba chudaboagda chage ene, agwa kaire uñale chage ñage suge ba gwealege cha me ñage age ene ba alin, cha me tallade kwian tañachuge ene cha giti, cha ta ba ulita chudaboakalin.

2 Corintios 6:8

Kwian gweale cha gai dage gerule no cha giti, gweale me cha gai dage gerule me no chadi cha dollale. Kwian tanre gerule chadi cha kwian me no cha kwian songa ngwale cha kwian anblitanga, agwa uñale chage cha kle geru ulia kete kwian ulitage.

2 Corintios 8:18

Tito be jogeni ba ngwadi cha be daba na gdaite kage ule, daba e geru Jesucristo giti dbanga no no daba Chubenuske kle geru Jesucristo giti trage trate kwianske, daba Chubenu ulita nga kaire kairege aini kle gerule no daba e kle geru dbe giti.

2 Corintios 8:21

Uñale Chubege cha be igi ulita kete agwa cha takalin suge trate daba ulitage ulia cha be igi ulita kete, malen daba e gdaite no no be cha gatedi igi dbe daba una Jerusalénmu alin, ene daba gweale me ñage tañachuge cha igi ngle gweale gai mo alin.

Gálatas 5:22

Kwian mo chuge ngwadi age kwian takalin kare, kwian ene be age me no diali, agwa kwian Chube Oña chuge ngwadi age ama tale, Chube Oña kwian ene ta gbe ai kare: Chube Oña kwian ta gbe mo ta dbe no daba na ulita ole. Chube Oña kwian ta gbe nga suga no ole. Chube Oña kwian ta gbe suga no me tañachuge boi daga ngwale giti. Chube Oña kwian ta gbe jage ulita boi daga ngwalege me skochie me skwatige. Chube Oña kwian ta gbe gerule ta no ole daba na ole. Chube Oña kwian ta gbe age no daba na alin daba na chudaboi. Kwian gerule be age gweale daba na alin, Chube Oña kwian ene ta gbe age ulia kwian gerudu kare.

Efesios 4:25

Ba ta me ngeru kare malen ba me geru jinadale dare ngwale, ba gerudale diali ulia moge ongoru ongoru. Che ulita Cristo gerua gaba che ulita kwian gdaitre alin kare che ta chege salengwli ulita malen che gerudale ulia no diali daba ole.

Efesios 6:14

Ba mo ta gbadale kiraske dolla Satanás ngeru salengwli guardia donga kle mo gbe biale dole kare: Guardia donga kle lle mno luge mo bonga tangle, lle e giti lle na ulita ama kle gbe mo jegwale kle chege kejre ama jegwale. E kare ene geru ulia chegedale ba tale ba gerudale diali ulia daba gwale me sole ni sidri, ene dolla Satanás me ñage age ba ole, ba kle chege Chube geruaske. Guardia donga kle lle gbe mo ta ngnagu mo ta managda, e kare ene ba mo ta gbadale chagé no trate Chube gwa giti, ene dolla Satanás me ñage age ba ole ba mo gbe chage no Chube ole giti.

Filipenses 3:1

Ba cha daballa cha ibotea Cristo giti, ba che Chugagwalla Jesucristonu malen ba nga dbadale suga no diali. Cha alin cha me skwatige gerule nabitaite cha chada degangu ba alin ngeru kare, noare ba tachke chagé no Jesucristo ole.

Colosenses 4:5

Ba mo ta gbadale me chui kagenga ngwale, ba diali gerudale kwian ole Cristo giti. Ba toidale diali no trate ta giti Chube takalin kare kwian me Chubenu gwa giti, ene ba ñage gerule no Cristo giti kwian ole, ene kwian geru gai ulia ba giti.

1 Timoteo 2:2

Ba me ta jogenga gerule Chube ole che chugagwalla nga dba ai ulitage giti, ba chudaboi kade Chubege che chugagwalla nga dba ai giti alin, ene Chube che chugagwalla nga dba ai giti ta gbe kwian kage no ta gbe kwian chudaboi, ene che ulita ñage toi no.

1 Timoteo 3:11

Kaire muinga agedale diali no mo onbrella kare, ene ama no kwian na gwage, kwian na ama gai dage. Ama me gerudale ngwale kwiandi. Ama me mo chugadale ngwadi age me no. Ama mo ta dbadale lle boi no diali.

1 Timoteo 3:4

Mo ullaske ama mo gbadale chugagwallale no mo kirogwalla gbe mo gai dage age ama gerule kare,

1 Timoteo 4:12

Ba kwian Chubenu ulita tke tangle Chube geruage, ama gweale gwage badi gerule ba me ñage kwian tke tangle ba biale me geru uñe. Kwian gerule ene ba me talladale, ma no ba age no ulita ama gwa giti, ba gerule no diali ama ole, ba ama ulita gai dage, ba ta dbe no ama ulita ole, ba Chube gai ulia diali, ba age no trate ulita diali Chube takalin kare. Ba chage ta age no ene ole, kwian Chubenu ulita gwage badi be suge amage ama chagedale ba kle chage kare, ba kwian biale no, ama me ñage gerule me no badi.

1 Timoteo 5:10

uñale kwian Chubenu ulitage muinga toidu ulita no lle no bo, muinga mo kirolla manadu no, muinga noare kwian basanga ole mo ullage kle kwian basanga gai ngwange no mo ullage, muinga ta dbe daba Chubenu na chudaboi diali, muinga daba kle boi daga ngwale chudaboi no ama kira gbe, kaire muinga kle lle na tanre noare dodade.

1 Timoteo 5:2

Ba mo ta dbale no muinga juma ole ba mo ta dbe mo chebia ole kare. Ba mo ta dbale no muinga biale ole ba mo ta dbe mo iboteanu kare, mo tale me tañachuge me no sidri ama ulitadi.

Tito 1:8

Ama daba basanga gadale ngwange no mo ullage. Ama kwian agenga no diali, ama no age no ole. Ama me mo chugadale ngwadi age me no sidri. Ama chagedale no trate Chube takalin kare. Ama kwian no Chube gwa giti. Ama mo ta gbadale age no diali me mo chuge ngwadi age me no.

Tito 2:14

Jesucristo mo chugu ngwadi jogeda che ulita alin, ama jokeda alin giti ama che jun siere, ene che amanu. Ama che ta blitu, ama che ta gbu nganake, ene suge chege che me agedale me no dare gire che ta agekalin no diali ama takalin kare.

Tito 2:2

Ba kwian onbre juma ulita tke tangle chage ene: Ama me mo chugadale ngwadi age me no. Ama agedale no diali, ene kwian na ama gai dage. Ama me mo chugadale ngwadi age ulita ama ta agekalin kare. Ama diali ta gbadale Chube gerua gai ulia. Ama mo ta dbadale no kwian ulita ole. Ama boi daga ngwale Chube gerua giti ama me talladale, ama mo ta gbadale chage ngerugu Chube takalin kare. Ba kwian onbre juma tke tangle chage ene ulita.

Tito 2:7

Ba agali chagedale no trate diali onbre biale gwa giti, ba me gerule alin allabi, ene be suge onbre bialege ama chagedale ba kle chage kare. Ba kwian tke tangle ba gerudale no ta giti, ba ama tke tangle no, ba tañachugadale no ba ta gbadale no trate kwian tke tangle.

Tito 3:14

Che ulita Chubenu daba chudaboadale no ulita ene. Kwian Chubenu gwage daba nadi, ulia daba na me lle molen mau alin, kwian Chubenu daba ene chudaboadale. Kwian Chubenu diali age no ene daba na alin ama me kle age ngwale, ama kle age no Chube gwa giti.

Hebreos 11:2

Che enusulian oña che sulian oña unsuialin mo ta gbu ulia Chube ole Chube gau ulia, gire e giti Chube gwagedu no ama ulitadi, Chubedi nga sugadu no kwian mo ta gbu giti ama ole.

Hebreos 13:18

Cha gerule ba ulita ole, ba ulita gerudale diali Chube ole cha giti. Cha suge moge cha ta kle no trate Chube gwa giti cha me jiske Chube gwage, agwa kaire agwe cha ta chagekalin ta trate ole diali toi no Chube gwa giti age ulita Chube takalin kare, e giti ba gerudale Chube ole diali cha giti.

Santiago 1:27

Che agekalin no trate ulia Chube che Ñenua gwa giti, che agedale ai kare: Kirogwa oli chegeba che ama chudaboadale kaire muinga chegeba oli mo ñengulallage che muinga ene chudaboadale. Che kwian oli ulita chudaboale ta giti ama manadale no, kwian ai kare ulita kle boi daga ngwale che kwian ene ta gbale nga suga no ole ama chudaboi diali ta no ole. Kaire che agali chagedale ta giti nga dba ai giti, che mo manadale no trate me age me no ni sidri kwian me Chubenu kle age me no kare. Che ta agekalin diali Chube takalin kare, gire ene che agedale chada ai kle degaba gerule kare.

Santiago 3:17

Agwa kwian Chubenu bai kle Chube chuge ngwadi ta kete amage toi trate ta ole Chube takalin kare, kwian ene kle mo ta gbe toi no trate daba na ulita gwa giti Chube takalin kare, me age me no ni tañachuge me no mo tale, kwian ene kle age ai kare: Ama mo ta gbe chege ta no ole daba na ulita ole, me kira bate daba ole. Ama mo ta gbe age no daba na alin diali daba gai dage daba chudaboi no. Ama mo ta gbe suge tai dage daba nage age no diali daba na alin. Ama kle mo ta gbe daba ulita gai dage no salengwli, age no daba ulita alin salengwli. Ama mo ta gbe gerule ulia ta no ole daba ole diali, me gerule sugekare dabadige.

1 Pedro 1:22

Nege ba ulita geru Cristo giti gai dage, ba kle Chube gerua gbe gdadi, geru e ulia giti ba kle mo ta gbe joge siere age me noge mo ta gbe age no geru e gerule kare, ene geru e giti ba no no daba na Chubenu ole. Geru ulia giti ba ulita mo ta gbadale diali gwangerugu mo ta dbe ma no trate daba na ole.

1 Pedro 2:12

Ba ulita mo ta gbadale toi no trate Chube takalin kare kwian me Chube uñe gwa giti, ba ulita mo ta gbe toi no ene trate kwian me Chube uñe gwa giti kwian me Chube uñe gerule me no badi ba kwian agenga me no kare agwa ba ulita mo ta gbe toi no kwian eneske diali age no kwian ole, ene bdagli Chube be kwian ene gerudu me no badi ta blite, ene be suge kwiange ba kledu age ulita ngeru no Chube takalin kare gire kwian ene be gerule no Chube giti.

1 Pedro 4:8

Ba ulita mo ta dbadale no ngle modi daba ole, ene daba na ñage age tanre me no ba dollale ba me skochie dabadi ba me daba mlienga, ta no tanre ole ba ñage daba agedu me no talla mlienga ulita diali, ta dbe age no ene daba ole e no no.

2 Pedro 3:1

Cha daballa cha ibotea Jesucristo giti, bitabokedale cha kle chada dege ba ulita alin, cha chada degu ngeru, kaire cha kle chada ai na dege, chada e ulita giti cha ta ba ta gbakalin tachke trate geru ulia giti.

1 Juan 3:18

Ba ulita cha olia kare Jesucristo giti, ba ole cha gerule, che Chubenu ulia me mo ta gbadale gerule alin allabi che no daba ole agwa me age no daba alin me daba chudaboi, che me kle mo ta gbe no daba ole ulia, che gerule che no daba ole che daba chudaboadale, ene ulia che kle tai dage dabage.

1 Juan 3:3

Che ulita bai kaire kle mo ta gbebi biale Jesucristo chieni chuia manade ngwange, che kle mo ta gbe toi no trate salengwli Jesucristo no trate kare.

1 Juan 4:1

Cha bitalla ulita Jesucristo giti, cha no ba ole, cha ba ta gbe ene: Ba me mo ta gbadale kwian ulita gerua gai ulia kwian gerule ba ole ama kle chage kwian tke tangle Chube gerua ulia giti gire. Ba me ama ulita kerua gai ulia blikare dale, agwa ma no ba kwian ene ta chugeda ulia ama kle chage Chube Oña talla giti o ama kle chage che dolla talla giti. Ba ama ta chugadaleda, ene be suge ma trate bage ama ulia Chubenu o me. Ulia ulia nga dba ai ulitage kwian tanre kle chage daba tke tangle geru ngwale me uliage, kwian e kle gerule ama kle chage geru ulia Chube giti kete kwiange, agwa me ulia dale ama kle kwian anblite ngwale.