Filipenses 4:5 - Buglere

⁵ Ba agedale no kwian ulita alin, ene kwian ulita gwage ba ulitadi suge kwiange Chube kle ba ta gbe noare kwian ulita ole. Ba tañachugadale diali Chugagwalla Jesucristo giti ama be chieni chuia kle kodi.

Filipenses 4:5 ပူးပေါင်းရင်းမြစ်များ

Mateo 6:25

’Cha gerule ba ole, ba me mo ta dbe tañachuge tanre diali lle toigda alin giti, ba be llema gute ba be llema jai toigda chui bdugu, llema giti ba be mo ngama tke. Noare ba bligda molen gutadale, noare ba chi molen jadale, noare ba ñometra molen mo ngama tkagda, agwa me no tañachuge tanre diali bligda alin giti chi alin giti ñometra alin giti mo alin toigda. Chube ba dodadu ama ba gbu toi gwade, ene kaire Chube be lle ulita kete bage toigda, malen ma no ba mo ta gbe tañachuge diali Chube giti me lle alin allabi giti toigda no nga dba ai giti.

Tito 3:2

Kwian Chubenu me ñage gerule kwian gdaitedi me no, ama me ñage kira bate daba ole, ama toidale taingwli daba ole, ama agedale no kwian ulita alin, ama mo gadale dage kwian ulita ole.

Hebreos 10:37

Ba ulita tachkedale Chube gerua degaba unsuialin kle gerule Jesucristo giti, chada e gerule: “Chube gerudu: ‘Me sbali gdaite be chieni be chke blikare, ama mi manade tanre ama be chieni.

1 Pedro 4:7

Chui bdagli chege kodi malen ba ulita Chubenu mo ta gbadale tañachuge no trate diali Chube takalin kare me mo chuge ngwadi tañachuge age me no, ene ba ñage gerule no Chube ole ta no trate giti diali.

1 Corintios 6:7

Ba ulita Chubenu gweale kle kira bate modi moske e me no, ene ba ulita mi ñage chage no gwangerugu kwian gwage Chube takalin kare. Daba kle age gweale ba dollale, ba me talladale e giti, daba skwe boi ba ngeru ba me daba e gbadale mo gwallaske ni chugagwalla Chubenu ngwadi, ma no ba mo ta gbe chege kamne me kira bate daba ene ole me mo ta gbale blike skochie daba ene ole, ba mo ta gbadale age no ama alin diali.

Hebreos 10:25

Che diali mo litadale ule daba na ulita ole kira gai daba nage Chube gerua giti. Che me ñage age kwian na tanre kle age kare me takalin mo lite ule daba ole kle mo gbe sugekare diali daba Chubenu na ulitage kare. Agwa che mo litadale ule diali kira gai moge ongoru ongoru diali no Chube gerua giti. Suge chege Jesucristo che Chugagwalla chieni chuia kle kodi malen che ulita mo ta gbadale ma no daba ole ongoru ongoru Chube gerua giti Chube gerua jwen ma no ule.

Apocalipsis 22:7

Jesucristo gerule ene: “Cha be chieni blike. Nga be suga no kwiandi kwian bai kaire kle Chube gerua gbe gdadi Chube gerua kle degaba chada ai giti kare.” Jesucristo gerule ene.

1 Corintios 8:13

Ulia suge chage ene: Cha kle blire giti cha daba gbe siere Chube geruage, suge chage cha kle age me no ama ole bligda giti, ma no cha me bligda ene gute dare, ene daba me geru gaba sbali me tañachuge me no, ene ama mi joge siere geru uliage cha blire giti. Che gdaite gdaite tañachugadale no no ene ulita daba me Chube gerua gaba sbali alin.

Mateo 6:34

Malen ba me tañachugadale tanre ba be toi llema giti suialindale, suialin chui be kle tañachugangwa, ba me tañachuge nege be boi gweale suialin giti, ba me chegedale tañachuge tanre e giti Chube be ba manade be ba chudaboi be boi gweale giti ba ole.

Apocalipsis 22:20

Jesucristo lle boanga mo alin nga ngaña giti kagu cha ta gbe geru ulia ai ulita giti, ama kle gerule ene: “Ulia cha be chieni sugeti.” Gire cha jainnga Jesucristo kalen: “Cha Chugagwalla Jesu, cha takalin chege ulita chada ai kle gerule kare. Cha takalin ba chieni blikare ba kle gerule kare. Ene nobi.” Cha gerule ene Jesucristo chieni giti.

1 Corintios 9:25

Kwian kolanga boladi ta kolakalin no trate ama me ñage mo chuge ngwadi age ama ta agekalin kare, ama mo gbadale biale kolale no. Kolanga age ene ama takalin kolagda ñanalla gai mo alin, agwa ama mo chuge ngwadi age nganake me ñage kolagda ñanalla gai. Kolanga kolagda ñanalla e gai agwa e me jage diali. Ene kaire che ulita Chubenu me ñage mo chuge ngwadi age che ta agekalin kare, che mo ta gbadale biale chage no Chube ole age Chube takalin kare, che age no ama takalin kare ñanale Chube be ñanalla kete chege, ñanalla e mi jogenga dale, e jage diali.

Lucas 21:34

Ba ulita chagedale ta giti me mo chuge ngwadi age me no, ba me sui chuge lle gage jai, me mo ta gbe tañachuge lle nga dba ai giti alin ole, ba me chegedale tañachuge kle boi ba ole no o me no skegiti, cha be chieni chuiage ba me skatedale alenske.

1 Corintios 16:22

Kwian gweale me mo ta dbe no che Chugagwalla Jesucristo ole, ulia ma no bdagli kwian ene chege sugekare Chubege chui tangle diali ji chugadale kweri. Cha takalin che Chugagwalla Jesucristo chieni blike.

2 Corintios 10:1

Cha takalin suge trate ba ulitage cha kle gerule ba ulita ole cha kle baske o cha kle bate bage diali cha kle mo ta gbe gerule ta no no giti Cristo talla ole. Ba gweale kle gerule me no chadi kle gerule: “Pablo kle che ulitaske ama kle gerule nganake, ama kle bate ama kle gerule nganake, ama kle che ulitaske ama kle chage ta kwachie ole gerule che ulita gwa giti, agwa ama kle bate gire ama me kennga ama kle mo gbe gerule kiraske mno che ole chada giti.” Ba gweale kle gerule ene me no chadi.