Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Filipenses 2:6 - Buglere

6 Jesucristo amaña Chube, ama kweri agwa Jesucristo me tañachugu mau giti: “Cha Chube malen cha chegedale kweri cha Ñenua Chube kare aini nga ngaña giti, cha me ta jogekalin nga dba giti kwian kare.” Jesucristo me tañachugu ene, Jesucristo tañachugu nganake.

အခန်းကိုကြည့်ပါ။ ကော်ပီ




Filipenses 2:6
37 ပူးပေါင်းရင်းမြစ်များ  

“Muinga biale me chageba onbre ole, muinga ene be chege gaba ama be kirogwa molen, kirogwa ka be chege Emanuel.” Unsuialin Isaías Chube gerua degu ene. (Ka Emanuel e gerule: “Chube kle ule che ole.”)


Ni kwian gdaite nu gwageba Chubedi, Chube Kirolla alin giti kwian Chube uñe, Chube Kirolla gdaitre alin ama kaire Chube, ama talla kle ule diali mo Ñenua ole.


Cha Ñenua talla kle cha ole, cha talla kle cha Ñenua ole, cha Ñenua cha ole gdaitre alin.


Kwian israelita jaindunga Jesu kalen: —Cha ulita mi ba skie ba lle ulita no dodadu gdale, agwa ba kle gerule Chube dollale gdale cha ta ba skiakalin, cha ulitage uñale ba cha kwian onbre ulita kare gire ba agali ta mo gbakalin Chube kare cha ulita gwa giti.


agwa ba gwa giti cha lle daga ngwale no dodade Chube kiralla giti, e giti ba cha gadale ulia Chube Kirollale, sugedale bage Chube kle cha gbe e dodade. Ba me cha kerua gakalin ulia gerule mau giti cha Chube Kirolla, ma no ba cha gai ulia Chube Kirollale cha lle daga ngwale no dodade giti, e giti sugedale ba ulitage ulia cha Ñenua kle cha ole cha kle cha Ñenua ole, cha gdabonate gdaitre alin.


Ba ulita cha keruchugu gerule cha be jogeni cha Ñenua ngwadi, bigwa cha be chieni cha be kleni ba ulita ole. Cha Ñenua ma kweri chage, noare cha be jogeni ama ngwadi, ulia ba no cha ole ene ba ta dbadale suga no cha be jogeni cha Ñenua ngwadi giti.


Jesu gerudu Felipe ole: —Felipe, sbali cha kle chage ba ole cha kle ba ulitaske, ¿gire ba bebi cha uñe ulia cha chema? Kwian bai kle gwage chadi me kle gwage chadi alin, kle gwage cha Ñenuadi kaire. ¿Mineade ba kle geru kade cha mo Ñenua kaitadale bage?


Cha Ñenua, nege cha be jogeni ba ngwadi, cha takalin ba cha gbeni naskuni kweri cha kledu ba ole unsuialin nga ulita bebi dodadale gire cha kledu ba ole, cha klekalinni naskuni eni ba ole.


Tomás gerudu no Jesu ole: —¡Ba amaña ulia cha Chugagwalla, ba ulia cha Chubea!


Jesu gerudu ene giti gdale kwian israelita ulita mo ta gbu ma kiraske chage Jesu nate gwaleda, kwian israelita gwage Jesu me kle chada kle degaba undege chuia giti gbe gdadi, kaire Jesu kle mo gbe salengwli Chube kare Jesu kle gerule ama Ñenuanu Chube, e kwian israelita alin Jesu kle gerule me no me no.


malen kwian ulita cha gadale dage no kwian kle cha Ñenua gai dage no kare, cha Ñenua cha kagu nga dba ai giti, kwian me cha gai dage no kwian me kle cha Ñenua gai dage no kaire.


Kwian israelita ulita enusulian kada Abraham kada Isaac kada Jacob oindalla, ama ulitaske Cristo chiu, Cristo Chube Kirolla, Cristo amaña Chube, ama kweri, ama lle ulita nga ulita kwian ulita Chugagwalla, kwian ulita gerudale no ama giti diali, ene no no gerule no ama giti.


Che dolla Satanás kle ko gate kwian ene ta giti, malen kwian ene ta kle nga jereske kare sugekare Chubege, kwian ene kle age Satanás takalin kare, malen kwian me Cristo gai ulia, me suge kwian enege Cristo no kweri Cristo Chube Cristo giti ama ñage Chube uñe.


Uñale ba ulitage che Chugagwalla Jesucristo agedu no no ba ulita alin ta no giti, ba chegu sugekare Chubege gire Jesucristo mo ta gbu ba chudaboi chie nga dba ai giti, Jesucristo kledu nga ngaña giti, ama lle no no tanre molen nga ngaña giti, ama e ulita chugu ngwadi chiu nga dba ai giti me lle molen, ama jokeda ba ulita alin, ene ama agedu giti ba alin ba me chege sugekare Chubege dare, Jesucristo gai ulia giti ba chege Chubenu.


Che Chugagwalla Chube gdaitre alin allabi, ama me jogeda, amadi che me ñage gwage. Chube kwian ulita Chugagwalla unsuialin, nege, kaire diali gwangeruda alin. Che ama gadale dage, che gerudale noare ama giti diali chui ulita. Ene nobi.


Ulia Chube geru noare ketu chege, geru e kweri che alin, geru e gerule Jesucristo giti: Jesucristo chku nga dba ai giti kwian kare. Chube Oña giti chku uñale kwiange Jesucristo agedu no trate ulita nga dba ai giti. Lle boanga Chube alin nga ngaña giti gwagedu Jesucristodi age no ulita. Geru Jesucristo giti no chagedu nga ulitage, kwian nga ulitage geru e keruchugu, kwian nga ulitage gweale geru Jesucristo giti gau ulia. Chube Jesucristo duni nga ngaña giti, Chube Jesucristo gbuni Chube kle ngwadi. Ulia geru e noare, geru ulia, kwian Chubenu ulita geru e manadale no.


Che mo ta gbadale age ene no trate Jesucristo chieni chuia manade. Uñale chege Jesucristo be chieni ama gerudu kare, malen che kledale nga suga noare ole ama chieni chuia manade. Ama be chieni mo kirallaske, be chieni mo chrallaske, ama che Chubea kweri ama che jwannga siere ji chugege age me no gdale.


Jesucristo kle lle ulita manade, ama kiraske, ama kle gerule alin allabi gire lle ulita kle chege no. Jesucristo Chube Kirolla amaña Chube, Jesucristo giti che ñage ama Ñenua Chube uñe, che Jesucristo uñe, e salengwli che Chube uñe kare. Jesucristo Chube Kirolla kle Chube noare kiraske kaite nate chege. Jesucristo agedu ulita nga dba ai giti kwian ulita alin kwian jwanle siere ji chugege age me no gdale kwian gbagda trate no Chube gwa giti. Jesucristo agedu ene ulita nga dba ai giti gire ama joni nga ngaña giti ama toidu dba Chube ngena Chube ko taingwli giti kwian ulita Chugagwallale.


Chube mo Kirolla gdaitre alin Jesucristo kagu nga dba ai giti gire Chube gerudu mo Kirolla giti ene: “Cha takalin lle boanga ulita cha alin nga ngaña giti cha Kirolla gai dage mo Chugagwallale gerule no ama giti.” Chube gerudu ene mo Kirolla giti.


Agwa mo Kirolla Jesucristo ole Chube gerudu ai kare: “Ba Chube salengwli cha amaña Chube kare, ba be chege kwian Chugagwalla kweri diali dale alin, ba kle age ulita no trate kwian ole, diali ba kle age ulita ba kle gerule kare.


Uñale chege Jesucristo diali kle age ulita ama kle gerule kare, che ñage mo ta gbe ama gerua gai ulia, ama me mo ta blite nganake, ama kle chege nege tangle salengwli ama kledu chui ngeruge tangle kare, kaire ama be chege diali chui tangle ama mi mo ta blite.


Chube gerudu ene cha ole ulita, bigire ama gerudu dare cha ole ene: “Ulita boidu cha geru gbu kare, cha Chube, cha klebi lle ulita gwangeabi, kaire cha be kle chui diali dale alin. Cha lle ulita Chugagwalla gwangea ngerutabi kaire cha be chege lle ulita Chugagwalla chui bdaglige diali chui tangle. Kwian bai cha gerua gakalin ulia, ama ñage geru gai ulia alin allabi me lle ketadale chage geru e ñanale, gire geru gai ulia giti cha be kwian gbe toi nga suga no ole cha ole chui tangle diali. E salengwli kwian siechie gire cha ñage chi gwagwa no kwian gbagda toi chui tangle kete amage jadale sie ole kare.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ