Filipenses 2:4 - Buglere

⁴ Ba me tañachuge mau alin giti: “Cha takalin lle noarege mau alin gballa, cha toikalin ma no kwian na ulitage.” Ba me tañachugadale ene, ba tañachugadale nganake, ba tañachugadale daba na giti kaire.

Filipenses 2:4 ပူးပေါင်းရင်းမြစ်များ

Mateo 18:6

Jesu gerudu dare kwian geru jwannga amage ulita ole: —Cha gerule ulia ba ulita ole, kwian bai kaire age me no kwian chanu ole kwian cha gerua gaba ulia me sbali kwian na daba ene ta gbeni bliteni naskuni age gweale me no Chube dollale, ma no kwian daba gbanga age me no ene alin ke kweri lugaba mo siroge mlienga ble jereske age me no giti gdale kwian chanu ole, ene kwian e be jogekeda mi chege dare kwian chanu ta gbe age me no joge siere cha geruage.

Romanos 12:15

Ba sugedale daba na kle ta suge kare, ama kle nga suga no ole ba mo ta gbadale nga suga no ole ule ama ole, daba na kle ta olire boi daga ngwale giti ba mo ta gbadale ta olire ule ama ole.

Romanos 15:1

Che ulita Chubenu bai kaire Chube gerua uñe ma trate gití dare daba Chubenu nage, daba na me geru uñe taneke geru uliage, che geru uñe ma trate daba na me geru uñe tanekege, che mo ta gbadale daba ene chudaboi no no, che me tañachugadale mo giti age che ta agekalin kare, ma no diali che tañachugadale daba me geru uñe taneke giti age no daba ene alin me age gweale daba ene gwa giti daba ta gbe joge siere geru uliage.

1 Corintios 10:24

Che me ñage tañachuge mo giti alin age che takalin kare ulita no che alin, che me ñage tañachuge ene, agwa kaire no mo ta gbe tañachuge daba na ulita giti che kle age e no o me no daba na alin.

2 Corintios 11:29

Suge chage kwian Chubenu gweale me kle mo ta gbe no kiraske geru uliadi, cha mo ta dbe olire tanre daba ene giti. Kaire suge chage kwian gweale daba Chubenu gweale ta gbe age me no ta gbe joge siere geru uliage, cha skochie tanre kwian enedi daba gdale.

2 Corintios 6:3

Cha kle lle boi Chube alin geru Jesucristo giti dbe kwian ulitaske, diali cha kle mo ta gbe chage ta giti trate me age sidri me no kwian ulita gwa giti, ene kwian gdaite me ñage gerule me no Jesucristo geruadi cha kbiale.

Filipenses 2:21

Kwian na ulita tañachuge mau alin giti lle boi no mau alin allabi, me tañachuge geru Jesucristo giti dbe kwian nage.

Santiago 2:8

Ba ulita Chubenu mo ta dbadale no daba ulita ole salengwli, ba age ene ba kle age Chube gerua degaba unsuialin gerule kare, chada e gerule: “Ba mo ta dbadale no daba na ulita ole salengwli ba no mo ole naskuni kare.” Chube gerua degaba unsuialin gerule ene. Ba age no ulita geru e kle gerule kare ba kle age no Chube takalin kare.