Chui ege gwangerugu kwian ulita bai nu Jesu gerua gaba ulia mo ta gbu chage diali Chube gerua Jesu giti jwen kwian Jesu gerua ketanga gdataboko giti gdabokege, kwian Jesu gerua ketanga ulita kwian Chubenu ulita tku tangle diali Jesu geruage. Kwian Chubenu ulita kledu mo chudaboi, bai lle molen ama daba me lle molen chudabo no ulita. Kaire ama ulita kledu mo lite ule diali gerule Chube ole kaire diali ama kledu mo lite ule blire uva chia jai tachkegda Jesu jokeda giti.
Filipenses 1:5 - Buglere5 Cha tachke ba giti, gwangea cha jo chke Jesucristo gerua trage una Filipoge ba ulita cha chudabo u giti bligda giti igi giti, kaire nege diali ba kle cha chudaboi ngerugu, ene cha ñage chage geru Jesucristo giti trage nga nage. အခန်းကိုကြည့်ပါ။ |
Filipenses 1:5
23 ပူးပေါင်းရင်းမြစ်များ
Agwa Abraham chudalla israelita gweale me Chube gau ulia, Chube kwian israelita ene chugu ngwadi sugekare, gire Chube ba kwian me israelita gau gbu israelita tanege mo alin. E salengwli kwian gli mananga glinanga me no me gbachie tkenga mlienga kare, gire kwian gli mananga glinanga chudea na gai gbe glinanga tkunga taneage, ene gli chege gdaitre alin. Chube agedu ene ba alin, ba kwian na chudalla me gaba mo alin, Chube ba gau mo alin ene ba chegu Chubenu.
Chube ba ulita gau ba ulita ta gbu mo Kirolla Jesucristo uñe, Chube ba ta gbu Jesucristo ole, Chube me takalin ba ta chege sugekare Jesucristoge. Chube agedu no ene ba ulita alin, Jesucristo giti ba ulita Chubenu malen ñage suge trate ba ulitage Chube be ba ulita manade no chui bdagli alin Chube gerudu kare, Chube gerudu be kwian amanu ulita manade no chui bdagli alin, Chube age ama gerule kare.
Geru ai Chube cha ta gbu giti kle gerule ene: Kwian me israelita bai geru no Jesucristo giti gai ulia ñage tien gitiru ji chugege agedu me no gdale salengwli kwian israelita geru no Jesucristo giti gai ulia kare mi ji chuge ama agedu me no gdale. Chube kle age no kwian israelita Jesucristo gerua gau ulia alin kaire Chube be age no kwian me israelita alin bai Jesucristo gerua gai ulia alin. Chube kwian me israelita gbu ule kwian israelita ole kwaitre alin Jesucristo giti, kaire Chube gerudu kwian israelita ole Chube be age no ama alin kaire ene geru amaña ñage chege kwian me israelita ulita alin kwian bai geru no Jesucristo giti gai ulia alin.
Cha daballa cha ibotea Jesucristo giti, cha gerule ba ulita ole cha kle skage geru Jesucristo giti dbe gdale, agwa ba me tañachugadale geru Jesucristo giti mi chage dare cha kle skage giti. Me ene dale. Cha takalin chke uñale ba ulitage cha kle skage geru Jesucristo giti gdale agwa cha me kle chege kamne Jesucristo gerua giti, ene cha giti Jesucristo gerua kle chage ma no kwian ulitaske. Guardia donga ulita kwian skage manangage kaire kwian na ulitage uñale cha kle skage Jesucristo giti, ama ulita kle cha keruchuge tanre gerule Jesucristo giti.
Ama gerule Jesucristo giti suge amage kwian na ama gai kweri, ama me geru Jesucristo giti trage mo tale ta no giti, ama ta cha ta gbakalin olire aini skage, ama tañachuge cha be skochie ama kle geru dbe giti. Na me ene, ama kle geru dbe no ta no giti, uñale amage Chube cha gau geru Jesucristo giti trage kwian ole, ama no cha ole malen ama ta cha chudaboakalin geru Jesucristo giti trage kwian ole.
Ba me tañachuge cha joge chkeni ba ngwadi giti o cha me joge chkeni ba ngwadi giti, ma no ba mo ta gbe toi Jesucristo gerua gerule kare che Chubenu toidale Chube takalin kare. Cha takalin geru ba giti chke cha kote gerule ba ulita kle chage no Chube ole lle amaña alin boi ule diali geru Jesucristo giti dbe kwian nage,
Cha tañachuge cha kle tañachuge no ene ba ulita giti, ulia cha no no ba ulita ole. Ba kle bate chage cha kle bate bage agwa cha me kle ta jogenga ba giti. Cha kle skage cha me kle skage baini kaire cha be kle gerukalin no trate Jesucristo gerua ulia giti kwian ole, gerukalin no trate kwian chugagwalla ole Jesucristo che jwannga siere giti. Ba kle gerule Chube ole cha giti, ba kle cha chudaboi, ene che kle ule kare. Chube age no che alin kaire ule, Chube age no ba alin kaire cha alin.
Cha daballa cha ibotea Cristo giti, cha no no ba ole diali. Cha kledu baske cha geru tragu ba ole ba chagedale ta giti kwian ulita gwa giti, ba agedu ulita cha gerudu kare. Nege cha kle bate, noare ba ta gbe age diali cha kle chada ai degange ba alin nege gerule kare. Chube ba jun siere ji chugege ba age me no gdale, Chube takalin ba age no diali, ba Chube gadale dage ba agedale no ama takalin kare.
Cha chudaboanga taingwli, cha takalin ba che ibotea boke e Jesucristo giti chudaboi, ba ama boke ta gbeni no daba ole, ene ama mi kira bate dare modi. Cha kledu baske gire muinga boke e lle bo tanre, ama cha chudabo geru Jesucristo giti dbe kwian nage ule Clemente ole, kaire daba na tanre cha chudabo geru dbe kwiange, ama ulita kalla kle degaba nga ngaña giti Chube kle ngwadi, bdagli ama be toi nga ngaña giti diali ule Chube ole.
Cha Simón-Pedro chada ai dege ba kwian Chubenu ulita alin: Cha lle boanga Jesucristo alin, cha Jesucristo gerua ketanga, cha chada ai dege ba ulita nu Jesucristo gaba ulia mo tale alin cha kle Jesucristo gai ulia kare, e no no ene mo ta gbe diali Jesucristo gai ulia. Che Chubea kaire che jwannga siere Jesucristo no no trate, ama agedu no che ulita alin, ama ba ulita ta gbu ama cha ta gbu kare, ene ba ulita ama gau ulia cha ama gau ulia kare.
Cha ba ulita ta gbe chke Jesucristo giti, cha ulita gwagedudi mo gwagwa giti kaire cha ulita geru keruchugu mo olodi, cha geru e kete ba ulitage chada ai giti, ene ba ulita ta chege ule kwaitre alin mo skatemanallale cha ulita ole Jesucristo giti cha ulita kle mo ta gbe Chube che Ñenua ole kare kaire cha ulita kle mo ta gbe ule Jesucristo ole kare.
ကြော်ငြာတွေ