Filemón 1:20 - Buglere

²⁰ Cha daballa Jesucristo giti Filemón, ba Jesucristo gerua gaba cha kare, cha takalin ba cha ta gbe suga no ole, ba cha chudaboadale age no Onésimo alin, ba Jesucristo gerua ganga no malen ba agedale no Onésimo alin.

Filemón 1:20 ပူးပေါင်းရင်းမြစ်များ

1 Corintios 16:18

Ama gdamai kle cha ole kle cha ta gbe suge tanre kiraske Jesucristo gerua giti ama kle ba ulita ta gbe diali gerudi ama kle ba ole kare. Daba e kare na ulita kle lle boi baske no Chube alin, ba ulita daba ene gadale dage, ba gerudale no ama ole ama kle lle boi no Chube alin baske giti.

2 Corintios 2:2

Cha ka boi mno ba ole cha ba ta gbe olire cha kaire be chege ta olire ba ulita giti, cha kle ba ulita gbe chege ta olire e giti cha be chege ta olire kaire, chadi nga suga no ba ulita ta kle nga suga no ole.

2 Corintios 7:13

Ba ulita cha gerua gbu gdadi agedu cha gerudu kare, malen nege nga suga no cha tale ba agedu giti cha chada degangu ba ta gbu kare, me e alin, kaire cha ta suge ma no gwage Titodi nga suga no no ole ba ulita giti, Tito kira jagere gau ba ulitage.

Filipenses 1:8

Uñale Chubege cha kle ta dbe no ba ulita ole Jesucristo kle ta dbe no ba ole kare.

Filipenses 4:1

Cha daballa cha ibotea Jesucristo giti, cha ta gwagekalin noare ba ulitadi, ba ulita ole cha no no, nga suga noare chadi ba giti. Diali ba agedale ulita no ba mo ta gbale no Jesucristo ole cha gerudu ba ole kare, diali ba mo ta gbale chage no che Chugagwalla Jesucristo takalin kare.

Filemón 1:12

Cha Onésimo kageni naskuni ba ngwadi cha takalin ba ama gai ngwange no ba cha gai ngwange kare.

Filemón 1:7

Filemón, chadi nga suga noare ba giti ba kle mo ta dbe no diali daba ulita ole, daba Jesucristo gerua ganga ta olire gire ba kle daba e ta gbe nga suga no ole.

Hebreos 13:17

Cha gerule ba ulita Chubenu ole, ba mo chugagwalla ba ta mananga Chube geruadi gadale dage ba agedale ama gerule kare, ama kle ba ulita manade no gerudi diali kle tañachuge ba giti kle ba chudaboi chage no Jesucristo geruage, ama me skwatige mo ta gbe ba tke tangle diali no Chube geruage. Ama kle mo ta gbe ene ama kle ba manade no, uñale amage bdagli ama gerudale Chube ole ama lle bo ulita giti ba ulitaske. Ba kwian ene gadale dage ba chugagwallale, ba agedale ulita ba chugagwalla e gerule kare gire amadi nga be suga noare. Agwa ba me ama gerua gbe gdadi gire ama be chege ta olire ole, kaire Chube mi age no ba alin ba tale chugagwalla e giti, malen ba mo ta gbadale ba chugagwalla gerua gbe gdadi Chube takalin kare.

1 Juan 3:17

Kwian gweale Chubenu lle molen tanre gire ama gwage daba nadi me lle molen, kwian lle molen daba ene chudaboadale, agwa kwian lle molen gwage dabadi me lle molen gire kwian me tai dage dabage kwian e me lle kete dabage, ¿ba tañachuge mine kwian ene giti? ¿Kwian e kle mo ta gbe no Chube ole? ¿Chube talla kle ama tale? Me dale.

3 Juan 1:4

Geru chke uñale chage cha olia gweale Jesucristo giti kle mo ta gbe toi no ulita Chube gerua ulia gerule kare, e giti nga suga no no chadi, malen e giti nga suga no no chadi ba giti.