Filemón 1:19 - Buglere

¹⁹ Cha Pablo cha geru ai dege agali ba alin Filemón mo ko giti, cha gerule ulia ba ole Onésimo jiske bage lle gweale giti ba lle e ñanalla kade chage cha be kete bage ama giti. Kaire cha ba ta gbe chke ba kaire jiske chage ba Jesucristo gerua gau giti, cha giti ba Jesucristo gerua keruchugu ba Jesucristo gerua gau ulia.

Filemón 1:19 ပူးပေါင်းရင်းမြစ်များ

Romanos 16:22

Cha kada Tercio, cha chada ai degu Pablo alin Pablo kle gerule kare kagadale ba ulita alin, cha kaire che Chugagwalla Jesucristo gau ulia, Chugagwalla Jesucristo giti cha gbi kage chada ai giti ba ulita alin.

1 Corintios 4:15

Kwian ngle ngle kle ba tke tangle Cristo giti, agwa cha geru Jesucristo giti du baske ma ngeru kwian daba tkanga tangle ulitage, malen cha alin allabi ba ñenua kare ba ulita ta gbanga geru Jesucristo giti gai ulia.

2 Corintios 10:1

Cha takalin suge trate ba ulitage cha kle gerule ba ulita ole cha kle baske o cha kle bate bage diali cha kle mo ta gbe gerule ta no no giti Cristo talla ole. Ba gweale kle gerule me no chadi kle gerule: “Pablo kle che ulitaske ama kle gerule nganake, ama kle bate ama kle gerule nganake, ama kle che ulitaske ama kle chage ta kwachie ole gerule che ulita gwa giti, agwa ama kle bate gire ama me kennga ama kle mo gbe gerule kiraske mno che ole chada giti.” Ba gweale kle gerule ene me no chadi.

2 Corintios 3:2

Me ene dale, cha me chagedale chada e kare ole. Ba me tañachugadale kwian gweale chada degadale cha giti ene suge bage cha kwian mine, me ene, ba ulita bai nu Cristo gerua gaba ulia tachkedale mo giti, ene be suge trate bage cha chagedu geru dbe no baske, geru e agedu tanre no ba tale, geru e ba ta blitu, ba me kle chage nge kare. Diali cha kle tachke ene ba ulita giti, ba kle cha tale diali cha kle tachke ba ulita giti. Boidu ba ulita tale Cristo gerua giti kle chke uñale kwian tanrege baini kaire cha kle chage ngwadi, ene e giti suge kwian nga ulitamuge cha kle chage Cristo gerua dbe no ulia, e ma no chagé chada olege nga kaire kairege.

Gálatas 5:2

Cha Pablo cha gerule ba ulita ole, cha takalin ba tachke geru ai giti cha kle gerule ba ole, ba ulita bai kaire kle mo ta gbe age naskuni mo kwara tkangenga suia gai, e giti ba kle tañachuge ba no trate Chube gwa giti ba ulita Chubenu, ba ulita age ene naskuni, Cristo agedu ulita ba kle chuge ngwadi ngwale ulita, ngwale ama agedu ba ulita alin.

Gálatas 6:11

Chada gwagwa kweri kweri ai ba batenga, chada ai cha kle dege agali mo kodi ba ulita alin, cha agali geru ai bdagli dege chada giti ba alin.

Tito 1:4

Cha chada ai degange ba alin Tito, che boke Chubenu, cha kaire ba Chube gerua gau ulia mo tale, kaire ba cha alin ba salengwli cha kirolla kare. Cha takalin Chube che Ñenua kaire Jesucristo che jwannga siere ji chugege age me no gdale ama age no no ba alin ama ba ta gbe suga no diali.

Filemón 1:18

Cha gerule ba ole ba tañachuge Onésimo agedu gweale me no ba ole kaire jiske bage lle gweale giti, ba ñage lle e ñanalla kade chage cha be lle e ñanalla kete bage Onésimo giti.