Filemón 1:17 - Buglere

¹⁷ Filemón, ba kle gerule ba kle cha gai mo daballale Jesucristo giti, ene kaire ba Onésimo gale ngwange no ba cha gai ngwange kare.

Filemón 1:17 ပူးပေါင်းရင်းမြစ်များ

Mateo 10:40

’Cha kle ba kage cha gerua trage kwian na ole, kwian bai ba gai ngwange no ba keruchuge no, kwian ene me kle ba alin allabi gai ngwange, kaire ama kle cha gai ngwange no agali kare ba giti. Chube cha kagu nga dba ai giti ama gerua kete kwiange, kwian bai cha gai ngwange no, kwian ene me kle cha alin allabi gai ngwange, kaire ama kle cha kaganga gai ngwange no agali kare cha giti.

Mateo 18:5

Kwian bai kaire no cha ole ulia, kwian ene kle kirogwa ai kare gai ngwange no kle age no ama alin, kwian age ene me kle kirogwa alin allabi gai ngwange no, kaire ama kle cha gai ngwange no kle age no cha agali alin kare, kwian ene be ma kweri Chube ngwadi.

Mateo 25:40

Kwian be geru kade ene chage, gire cha be jainnga: “Cha gerule ulia ba ulita ole, kwian tanre cha gerua gaba ulia me lle molen, ba kwian ene manadu no, ba lle ketu amage, ba ama chudabo, e salengwli ba cha agali chudabo kare.”

Hechos 16:15

Kaire Lidia bitalla ulita Jesu gerua gau ulia, gire Lidia mo ñeangu chiske Jesu kalla giti ule mo bitalla ulita ole. Lidia gerudu cha ulita ole: —Bage suge trate cha ulita Jesu gerua gau ulia mo tale, cha takalin ba chie cha ole chege cha ngwadi. Lidia mo ta gbu cha ulita gai ngwange mo ullage gire cha ulita cheguda ama ullage.

2 Corintios 8:23

Kwian gweale baske geru kade bage Tito giti ba gerule Tito cha chudaboanga geru Cristo giti dbe, ama lle boanga cha ole Cristo gerua dbanga ba ulita alin. Kaire kwian gweale baske geru kade bage daba boke kle chage Tito ole giti ba gerule kwian Chubenu nga aimu daba e boke kagu ule Tito ole, daba e boke no no Cristo ole lle boanga Cristo alin kaire.

Efesios 3:6

Geru ai Chube cha ta gbu giti kle gerule ene: Kwian me israelita bai geru no Jesucristo giti gai ulia ñage tien gitiru ji chugege agedu me no gdale salengwli kwian israelita geru no Jesucristo giti gai ulia kare mi ji chuge ama agedu me no gdale. Chube kle age no kwian israelita Jesucristo gerua gau ulia alin kaire Chube be age no kwian me israelita alin bai Jesucristo gerua gai ulia alin. Chube kwian me israelita gbu ule kwian israelita ole kwaitre alin Jesucristo giti, kaire Chube gerudu kwian israelita ole Chube be age no ama alin kaire ene geru amaña ñage chege kwian me israelita ulita alin kwian bai geru no Jesucristo giti gai ulia alin.

Filipenses 1:7

Cha tañachuge cha kle tañachuge no ene ba ulita giti, ulia cha no no ba ulita ole. Ba kle bate chage cha kle bate bage agwa cha me kle ta jogenga ba giti. Cha kle skage cha me kle skage baini kaire cha be kle gerukalin no trate Jesucristo gerua ulia giti kwian ole, gerukalin no trate kwian chugagwalla ole Jesucristo che jwannga siere giti. Ba kle gerule Chube ole cha giti, ba kle cha chudaboi, ene che kle ule kare. Chube age no che alin kaire ule, Chube age no ba alin kaire cha alin.

1 Timoteo 6:2

Kwian Chubenu daba na Chubenu gai gbe lle boi mau alin, lle boanga toi lle boi mo mauña alin ama me tañachugadale mo tale mo mauña giti: “Ama cha daballa Chube giti malen ama me ñage cha kage, cha me ama gadale dage.” Lle boanga me tañachugadale ene dale. Ama boke Chubenu, ma no tañachuge lle boi no no mo mauña alin diali. Mo mauña Chube gerua gau ulia, kaire Chube noare ama boke ole, malen lle boanga Chubenu lle boadale no mo mauña Chubenu alin. Ba kwian ulita tke tangle, ba gerule kwian ole ama agedale cha chada ai ulita degu gerule kare.

Filemón 1:12

Cha Onésimo kageni naskuni ba ngwadi cha takalin ba ama gai ngwange no ba cha gai ngwange kare.

Filemón 1:18

Cha gerule ba ole ba tañachuge Onésimo agedu gweale me no ba ole kaire jiske bage lle gweale giti, ba ñage lle e ñanalla kade chage cha be lle e ñanalla kete bage Onésimo giti.

Hebreos 3:1

Cha bitalla ulita Jesucristo giti, Chube che ulita gau mau alin ama che ta gbu Jesucristo gai ulia, malen ba ole cha gerule ene: Ba mo ta gbadale tañachuge ulia Jesucristo giti Jesucristo Chube gerua ulia ketanga kwian ulitage, ama giti suge chege Chube takalin che toi mine, kaire Jesucristo gerunga Chube ole che Chubenu alin che kle age me no giti, ama gerunga che alin Chube ole ma no trate ama ma kweri gerunga na Chube ole ulitage. Gire ene sugedale chege Jesucristo ñage che chudaboi ma no chudaboanga na ulitage.

Hebreos 3:14

Che ta chegekalin Chube ole ule Jesucristo ole diali dale alin gire ene che mo ta gbadale ulia kiraske Jesucristo gerua giti chui tangle kaire tañachuge ulia Chube ñage che chudaboi che ama gerua gau gwangea kare gire.

Santiago 2:5

Cha bitalla ulita Jesucristo giti, ba ulita cha keruchuge no cha be gerule giti ba ole. Kwian bai kaire me lle molen tanre nga dba ai giti kwian e Chube nu gaba ama alin ama gerua Jesucristo giti gai ulia, kwian e me kle chege dale me lle molen. Chube gwa giti kwian e lle molen ma ngle kwian lle molen tanrege nga dba ai giti. Kwian e me lle molen ñage chege lle molen nga ngaña giti Chube nu geruba kare kwian ulita unsuialin tangle ole kare, kwian bai kaire no Chube ole kaire kle age Chube takalin kare kwian ene alin Chube be age no nga ngaña giti, kwian e be toi Chube ole diali chui tangle.

1 Pedro 5:1

Nege cha gerule ba daba Chubenu chugagwalla ulita ole, cha daba Chubenu chugagwalla ba ulita kare. Cha gwagedu mo gwagwa giti Cristodi ji chuge dagale nga dba ai giti, Cristo chieni chuiage che ulita be gwage Cristodi ule, chui ege che ulita be joge toi ule ama ole nga ngaña giti.

1 Juan 1:3

Cha ba ulita ta gbe chke Jesucristo giti, cha ulita gwagedudi mo gwagwa giti kaire cha ulita geru keruchugu mo olodi, cha geru e kete ba ulitage chada ai giti, ene ba ulita ta chege ule kwaitre alin mo skatemanallale cha ulita ole Jesucristo giti cha ulita kle mo ta gbe Chube che Ñenua ole kare kaire cha ulita kle mo ta gbe ule Jesucristo ole kare.