Efesios 6:9 - Buglere

⁹ Ba ulita kwian lle boanga chugagwalla, ba taidale dage kwian lle boanga ba alinge, ba me ñage gerule me no ama ole ama oña gbe boi daga ngwale. Ba kwian chugagwalla, chkedale uñale bage kaire lle boangage Chube gwa giti ba ulita salengwli, kwian lle boanga ba alin Cristo ama Chugagwalla kaire Cristo ba Chugagwalla, Chube gwa giti ba ulita salengwli. Malen ba me kwian lle boanga ba alin gbe boi daga ngwale.

Efesios 6:9 ပူးပေါင်းရင်းမြစ်များ

Mateo 22:10

Chugagwalla gerudu ene gire kwian lle boanga chugagwalla alin jo chage jonkare, kwian ulita skwendu amage, ama kwian e kadu, kwian e gweale kwian no kaire gweale kwian me no. Kwian e ulita jo mo lite mo jwen chuia ollade, gire kwian chugagwalla ulla chku ete kwian ngle ole chui ollade.

Mateo 22:8

Bigire kwian chugagwalla gerudu nakwaite kwian lle boanga na gweale ole: “Lle ulita kle boabale chui ollade kwian alin agwa kwian me tadu chiekalin, kwian e ulita ta me no, ma no che kwian na jinade mo jwen chuia ollade.

Mateo 24:48

Agwa kwian lle boanga u mauña alin me no, u mauña kwian ene jige lle boanga na ulita chugagwallale gire joge nga gwealege, lle boanga me no e be tañachuge mo tale: “Cha chugagwalla u mauña mi chieni blike, cha me lle boadale blike dale.”

Mateo 24:51

U mauña kwian jigu lle boanga ama alin ulita chugagwallale, kwian e be skate u mauñage age me no, malen u mauña be ji gbe kweri kwian ene giti, ama me agedu u mauña gerudu kare, u mauña be ama mlienga, ama be joge boi daga ngwale ule kwian na agenga me no ulita ole, ne ngwadi ama be olire tanre be boi daga ngwale tirare —Jesu geru ñachugu ene kwian lle boanga u mauña alin giti, ene ñage suge trate kwian ulitage kwian mo ta gbadale age no Chube takalin kare diali Jesu chieni chuia manade ngwange ta giti.

Mateo 7:12

’Ba takalin kwian na ulita age ba alin, kaire ene ba mo ta gbadale age ene kwian na ulita alin. Moisés nu Chube gerua degaba unsuialin kaire kwian Chube gerua ketanga ulita nu Chube gerua degaba unsuialin, geru e ulita gerule kwian ulita agedale no ene daba alin.

Lucas 6:31

Ba takalin kwian na ulita age no ba alin, kaire ba mo ta gbadale age no ngeru kwian na ulita alin.

Juan 13:13

Ba ulita kle cha kade ba tkanga tangle geruge, kaire ba kle cha kade ba chugagwalla, e ulia, cha ba chugagwalla cha ba tkanga tangle ba kle cha kade kare.

Hechos 10:34

Cornelio gerudu ene ulita Pedro ole gire Pedro gerudu: —Nege suge chage trate ulia Chube alin kwian me mo kaire kaire, Chube takalin kwian nga ulitage ama gai ulia, Chube alin kwian chudalla ulita salengwli.

Romanos 2:11

Chube gwage kwian israelita me ma no kwian me israelitage, kwian israelita kwian me israelita salengwli Chube gwage, Chube age salengwli kwian israelita kwian me israelita alin.

1 Corintios 7:22

Kwian bai kaire lle boanga mo mauña alin gire Chube kwian ta gbe Chube gai ulia, Cristo giti Chube kwian ene ta gbe joge siere age me noge, agwa ama chege lle boi mo mauña alin kaire Cristo alin. Kwian na me lle boanga mo mauña alin gire Chube kwian e ta gbe Chube gai ulia, Cristo giti Chube ama ta gbe joge siere age me noge kaire, kwian ene chege lle boangale Cristo alin.

Colosenses 3:25

Sugedale kwian Cristo gerua gabage Chube gwa giti kwian ulita salengwli, malen kwian ulita bai me age Chube takalin kare, Chube be kwian ene gbe ji chuge agedu me no kbiale. Chube be gerule kwian ulita giti ta salengwli ole, ama be gerule chema jiske chema me jiske ama gwa giti.

Colosenses 4:1

Ba ulita kwian lle boanga chugagwalla, ba tañachugadale kwian lle boanga monu giti ama kle lle boi giti ba me ñage ama boi jere jere ba takalin kare, ba taidale dage amage ba ama manadale no ba ñage mangire batre, kaire ba gerudale ta no giti ama ole. Chkedale uñale bage ba kaire mo Chugagwalla molen nga ngaña giti, ama kle gwage badi ba kle age giti, ama be gerule ba ole ba agedu no giti ba agedu me no giti.

Santiago 2:13

Kwian bai kaire me kle tai dage dabage ama kle daba chuge ngwadi boi daga ngwale gballa, kwian ene giti Chube be ji gbe chui bdaglige, ji chuge chuia chke gire ni Chube be tai dage kwian ege salengwli kwian e me taidu dage daba nage kare, kwian e daba chugu ngwadi boi daga ngwale gballa e gdale Chube be ji gbe ama giti mno. Agwa kwian bai kaire tai dage dabage ama age no daba alin daba kle boi daga ngwale gire, kwian ene be chege nga suga no ole Chube gwa giti chui bdaglige.

Santiago 2:8

Ba ulita Chubenu mo ta dbadale no daba ulita ole salengwli, ba age ene ba kle age Chube gerua degaba unsuialin gerule kare, chada e gerule: “Ba mo ta dbadale no daba na ulita ole salengwli ba no mo ole naskuni kare.” Chube gerua degaba unsuialin gerule ene. Ba age no ulita geru e kle gerule kare ba kle age no Chube takalin kare.

Santiago 5:4

Ulia cha gerule ba ole, kwian e me agedu no lle boanga ama alin ole, lle boanga chude skutu kwian e alin deage gire kwian me igi ketu lle boangage ama lle bo ñanale. Geru e kle kwian lle tanre molen giti, Chube che Chugagwalla kweri kiraske ulita kwian lle boanga kwian lle molen alin e keruchugu gerule mo giti kwian me igi ketu amage giti. Chube be kwian lle boanga e keruchuge gerule mo giti gire Chube be lle boanga chugagwalla e gbe ji chuge.