Efesios 6:23 - Buglere

²³ Cha bitalla ulita Jesucristo giti, cha takalin Chube ba ta gbe nga suga no ole kaire ama ba ta gbe chege chage gwangerugu Jesucristo gerua ai gai diali mo tale ene ba toi no nga suga no ole ongoru ongoru daba ulita Jesucristo gerua gaba ole.

Efesios 6:23 ပူးပေါင်းရင်းမြစ်များ

Juan 14:27

Cha be jogeni cha Ñenua ngwadi gire cha be ba ulita ta jige suga no, cha ba ta gbe suga no me salengwli kwian kle ta dbe suga no sugeti alin lle gweale giti, cha ta suga no kete, e chege diali ba tale. Malen ba me chegedale tañachuge tanre be boi giti, ba me ta dbadale olire, ba me ta dbadale kennga.

Romanos 15:33

Chube ta suga no mauña, diali cha gerule ama ole ba ulita giti cha takalin ama ta suga no ene kete ba ulitage ama ba chudaboi ama age no ba alin diali. Ene nobi.

1 Corintios 1:3

Cha takalin Chube che Ñenua kaire Jesucristo che Chugagwalla age no ba ulita alin ba ulita ta gbe suga no diali.

2 Corintios 13:11

Bdagli cha gerule ba ole chada ai giti ba ulita cha bitalla kare Jesucristo giti, cha takalin ba ulita toi ta suga no ole, cha takalin ba ulita mo ta gbe toi trate Chube gwa giti Chube takalin kare ba ulita mo ta gbale kira gbe modi ongoru ongoru chage gwangerugu Jesucristo geruadi ba ulita toidale ta suge salengwli modi ta taingwli ole me kira bate modi, ba ulita toi ene Chube che ta gbanga no daba na ole che ta gbanga nga suga no ole, ama be kle ba ulita ole diali.

Gálatas 5:6

Che mo ta gbu Jesucristo gai ulia, che amanu, malen che me tañachugadale mo kwara sidri tkangenga o me mo kwara sidri tkangenga, e giti che me tañachugadale, e ngwale, e me che ta blite joge siere age me noge Chube gwage, agwa Jesucristo alin che ta blite age no Chube takalin kare, che mo ta gbadale ulia Jesucristo gai mo tale diali, ene Jesucristo giti che chege diali mo ta dbe no Chube ole kaire daba ulita ole.

Gálatas 6:16

Kwian ulita bai kaire kle mo ta gbe Jesucristo alin gai ulia kle mo ta gbe chage Jesucristo takalin kare, kwian ene kwian Chubenu ulia Jesucristo giti, cha takalin Chube kwian ene ulita ta gbe suga no kaire Chube tai dage ama ulitage.

Efesios 6:24

Cha takalin Chube age no no ba ulita alin ba bai nu mo ta gbaba no diali Jesucristo che Chugagwalla ole. Geru ai ene ulita cha Pablo chada degangu ba kwian Chubenu ulita una Efesoge alin. Che kle meni.

2 Tesalonicenses 1:3

Cha daballa cha ibotea Jesucristo giti, cha diali mo ta gbe gerule no Chube ole ba ulita giti ene: “Chube, cha gerule ba ole kwian una Tesalónicamu nu ba gerua gaba ulia giti, nga suga no chadi ba kle ama ulita chudaboi toi no trate ba takalin kare. Ama ulita kle ba gerua gai jumale kle tañachuge chui kaire kairege ma ngle ba giti. Diali ama ulita no daba ole kle tañachuge mo chudaboi ongoru ongoru ta no giti nga suga no ole ma ngle ngeruge, malen nga suga noare chadige daba e kle age giti.” Cha kle gerule diali ene Chube ole ba giti, noare ba kle toi Chube takalin kare.

2 Tesalonicenses 3:16

Cha gerule ba ole, cha takalin Jesucristo che Chugagwalla ta suga no mauña agali ba ta gbe nga suga noare ole diali chui tangle ba ulita kle boi giti, cha takalin suge trate bage Jesucristo kle diali ba ulita ole, cha takalin ama age no ba ulita alin.

1 Timoteo 1:14

Nege cha Jesucristonu, malen diali ama kle cha ta gbe Chube gerua gai ulia gwangerugu, kaire ama kle cha ta gbe ma no diali mo ta dbe no daba na ole ulita. Ulia Jesucristo agedu no cha alin.

1 Timoteo 1:3

Timoteo, che kledu ule una Efesoge, cha bebi joge nga kweri Macedoniage gire cha gerudu ba ole ba chegedale una Efesoge. Nege cha gerule nabitaite ba ole ba chegedale ngmadi una Efesoge daba ulita tke tangle dare geru uliage Jesucristo giti. Kwian gweale kle una Efesoge kle daba tke tangle geru ngwalege, ba me kwian ene chuge ngwadi daba tke tangle dare, ama me kle geru ulia dbe.

1 Timoteo 5:8

Kwian Chubenu gweale gwage mo bitalladi, mo bitalla me kle toi no, kaire chebialla, sulianlla, kwian Chubenu me tañachuge mo bitalla ene giti chudaboi, kwian Chubenu ene me kle age Chube takalin kare, ama me kle Chube gerua gai dage. Kwian me Chube uñe age ma no kwian e Chube uñege, kwian me Chube uñe tai dage mo bitallage, ama age no mo bitalla alin. Kwian Chube uñe me mo ta dbe no mo bitalla chudaboi ama ta me kle Chube ole ni kle Chube gai ulia.

1 Pedro 5:14

Ba ulita gbi kade no no moge ta no ole dabage ulita. Ba ulita Cristonu, cha takalin ba ulita gdaite gdaite mo ta dbe nga suga no ole Cristo giti. Geru ai ene ulita cha Pedro chada degangu ba kwian Chubenu ulita alin. Che kle meni.

3 Juan 1:14

Cha kle mo ta gbe suge moge me sbali cha be gwage badi mo gwagwa giti agali gire chui ege cha ñage gerule ba ole agali ulita.

Apocalipsis 1:4

Cha Juan kle chada ai ulita dege Chube talla giti ba ulita kwian Chubenu Jesucristo giti mne gdaguke toinga nga Asiamu alin, cha gbi kade ba ulita alin chada ai giti. Cha takalin Chube che Ñenua age no no ba ulita alin kaire cha takalin Chube che Ñenua ba ulita ta gbe nga suga no ole. Chube amaña klebi lle ulita gwangeage, kaire ama kle nege tangle kle chui diali dale alin. Kaire Chube Oña kle Chube ole Chube che Chugagwalla kle toiba dba ngwadi nga ngaña giti, Chube Oña no trate ulita, cha takalin Chube Oña age no ba alin ba ta gbe nga suga no ole.