Efesios 6:12 - Buglere

¹² Che Cristo gerua ganga me kle dole kwian che kare salengwli ole, agwa che kle dole dolla Satanás ole kaire dolla na tanre me no ulita kle chage nga ulitage nga dba ai giti kaire nga ngaña ngwalege, ama lle boanga mo chugagwalla Satanás alin ama Satanás chudaboangalla, ama ulita ole che mo ta gbale dole dolla ole.

Efesios 6:12 ပူးပေါင်းရင်းမြစ်များ

Mateo 16:17

Gire Jesu gerudu Simón-Pedro ole: —Simón, ba Jonás kirolla, cha Ñenua nga ngaña giti agedu no ba alin, ama ba ta gbu chke suge ulia cha ama Kirolla, malen ba gerudu ene cha giti, ni kwian gdaite ba ta gbu suge ene.

Lucas 13:24

—Kwian tanre ta jogekalin toi Chube ngwadi agwa kwian me mo ta blite ulia Chube ole joge siere age me noge, kwian ene me ñage joge toi Chube ngwadi. Malen cha gerule ba ulita ole, ba ta jogekalin toi Chube ngwadi ba mo ta gbadale ulia kiraske Chube ole age no ama takalin kare. Joge Chube ngwadi salengwli joge tangle ugaka ka ulege kare,

Lucas 22:53

Chui ulitage diali cha kledu ba ulita ole u gerungwa Chube olege, ni bitaite ba cha gau dbale skadi. Agwa nege chui chku ba alin age cha ole Chube kle ba chuge ngwadi age kare, malen nege ba ñage age cha ole ba takalin kare Satanás kiralla giti, Satanás kwian me no ulita chugagwalla, ba ulita kle age ama takalin kare.

Juan 12:31

Chui kle kodi gire cha Ñenua be ji gbe kwian ulita alin bai me cha gai ulia Chube cha kagu, kwian ene be chege sugekare cha Ñenuage diali, cha be jogeda giti che dolla Satanás mi chege nga ulita chugagwallale dare.

Juan 14:30

Cha me ñage chege gerule tanre dare ba ulita ole, kwian me chanu ulita chugagwalla Satanás kle kwian amanu ta gbe biale chie age me no cha ole. Satanás me ma kweri chage, cha me mo chuge ngwadi amage ama me ñage age cha ole,

Juan 16:11

Chube Oña be kwian ta gbe suge che dolla Satanás be ji chuge tirare bdagli, Satanás kwian ulita me chanu chugagwalla, Satanás jiske kweri cha Ñenua gwa giti, cha Ñenua be ji gbe kweri ama alin, ene kaire cha Ñenua be ji gbe kwian ulita me chanu alin.

Hechos 26:18

Kwian e ulita me Chube uñe kle chage nga jereske kare, ba ama ulita ta gbadale cha geruage ene amage suge cha mine ene ama mi chage nga jereske kare. Cha gerua giti ama ñage Chube uñe ñage chage no Chube takalin kare kwian chage no jichra giti kare, ene kwian mi chage dare dolla Satanás kle kwian ta gbe age kare. Kwian cha gerua gai ulia, ene ama agedu me no ulita Chube talla mlienga, kwian ene Chubenu, Chube be age no ama alin Chube kle age no kwian ulita bai cha gerua gai ulia alin.” Jesu gerudu ene cha ole jonke joge una Damasco ngnagu.

Romanos 8:38

Uñale chage trate trate Chube kle che ulita monu manade diali, ni ulita kle boi che ole ñage che gbe siere amage, kwian che gwakalinda, kwian che gbe boi daga ngwale, che chugagwalla nga dba ai giti age me no che ole, dolla Satanás mo chudaboangalla ulita ole age me no che ole, lle kle boi nege, lle be boi chui chiege,

1 Corintios 15:50

Cha daballa cha ibotea Cristo giti, cha gerule ba ulita ole, che jegwale nga dba ai giti me ñage joge jegwale e ole llagli toi nga ngaña giti Chube kle ngwadi, che jegwale nga dba ai giti me ñage toi diali chui tangle, che jegwale nga dba ai giti boi jogeda me chege diali, malen me ñage joge toi nga ngaña giti diali chui tangle.

2 Corintios 11:14

Kwian ene ulita kle age dolla Satanás age kare, dolla Satanás agali agenga me no Chube dollale agwa diali ama kle mo gbe suge kwiange agenga no trate lle boanga no no ulia Chube alin kare.

2 Corintios 4:4

Che dolla Satanás kle ko gate kwian ene ta giti, malen kwian ene ta kle nga jereske kare sugekare Chubege, kwian ene kle age Satanás takalin kare, malen kwian me Cristo gai ulia, me suge kwian enege Cristo no kweri Cristo Chube Cristo giti ama ñage Chube uñe.

Gálatas 1:16

agwa Chube tadukalin cha ama uñe ulia gire ama cha ta gbu ama Kirolla uñe ene cha geru ama Kirolla giti tragadale ba kwian me israelita ulita ole. Chube cha ta gbu ene ulita no ama Kirolla giti gire cha me jo geru kade Jesucristo giti kwian gwealege,

Efesios 1:3

Che Jesucristo gau ulia mo Chugagwallale gire Chube Jesucristo Ñenua diali age tanre no che ulita alin, e giti nga suga noare chadi gerule no Chube ole, cha gerule no ama ole ene: “Chube toinga nga ngaña giti, ba noare ulia, ba kweri, ba diali age no cha ulita Jesucristo gerua gaba ulia alin.” Che gerudale no Chube ole ene. Ulia Jesucristo giti Chube ageba no tanre che alin.

Efesios 2:2

Ba kledu chage age me no kwian na ulita agenga me no kare, ba kledu chage diali che dolla Satanás takalin kare, dolla Satanás ama dolla na ulita kle nga ngaña ngwalege chugagwalla, ama kle kwian ta gbe diali age me no Chube dollale.

Efesios 3:10

Chube kwian me israelita Jesucristo gerua ganga gau mau alin gbu ule ulita kwaitre alin kwian israelita Jesucristo gerua ganga ole. Chube agedu ene, ene nege tangle ñage suge ma trate lle boanga Chube alin nga ngaña giti ulitage ulia Chube ta ngle ole age no ulita.

Colosenses 1:13

Ulia Chube agedu no che ulita alin. Ngeru che kledu age me no Chube dollale dolla Satanás takalin kare, che kledu chage nga jereske kare sugekare Chubege gire che Jesucristo gerua gau ulia giti Chube che jun siere age me no Satanás takalin karege gire ene Satanás me ñage chege che chugagwallale dare ngeru kare. Che Jesucristo gerua gau ulia gire Chube che ta blitu che jun siere ji chugege agedu me no gdale, che agedu me no ama talla mliunga ulita. Chube no no mo Kirolla Jesucristo ole malen Chube che ta gbu Jesucristo gai mo Chugagwallale, ene Jesucristo kiralla giti che ñage age no no diali Chube takalin kare.

Colosenses 2:15

Cristo jokeda kruge chkuni gwade giti Chube che dolla Satanás kaire dolla Satanás chudaboangalla ulita gwa gbu modige Chube ma kiraske dolla Satanáge. Chube kirachku Satanádi kaire Satanás chudaboangalla ulitadi kwian ulita gwa giti Cristo chkuni gwade gire, Chube me Satanás jigu kira molen ngle Satanás me kweri Chube kare, Chube kiralla chegu ma kweri kiraske dolla Satanáge.

2 Timoteo 2:5

Kaire kwian kolanga boladi, ama me kolale no kolagda chadalla gerule kare ama me ñage kolagda ñanalla gai. Ene kaire ba me chage Jesucristo gerua alin gerule kare Chube me ñage age no ba alin.

Hebreos 12:1

Uñale chege che enusulian oña e ulita unsuialin tangle mo ta gbu ulia Chube ole Chube gai ulia age Chube takalin kare, malen che kaire agwe mo ta gbadale ulia Chube ole Chube gai ulia che enusulian oña e agedu kare. Che mo ta gbadale joge siere lle ulita kle che gbe age me noge, che kle age me no ulita che takalin kare che e ulita chugale ngwadi sugekare chege. Kaire lle ulita bai che ta gbe sugekare Chubege me age ulita Chube takalin kare che lle e ulita chugale ngwadi. Ulia che mo ta gbadale kiraske toi diali no Chube takalin kwian amanu toidale kare.

Hebreos 12:4

Ulia ba mo ta gbu toi Chube takalin kare me age me no kwian na kare gire ba kle boi daga ngwale e giti, agwa ulia ba me mo gwabada kwian Chube dollale kote Jesucristo boidu kare.

1 Pedro 3:22

Cristo jokeda chkuni gwade, gire joni nga ngaña giti Chube kle ngwadi, nege ama kle Chube ngena Chube ko taingwli giti. Lle boanga Chube alin nga ngaña giti, Cristo ama ulita Chugagwalla, kaire Cristo ma kweri ma kiraske dolla Satanáge kaire Satanás chudaboangalla ulitage.