Efesios 5:33 - Buglere

³³ Cha gerule nakwaite ba ulita ole, ba kwian onbre mo jwanbale, ba mo ta dbadale no mo muira ole diali ba no mo ole naskuni kare. Kaire ba muinga mo jwanbale, ba mo ñengulalla gadale dage diali ama gerua gbe gdadi ba ama gai mo chugagwallale.

Efesios 5:33 ပူးပေါင်းရင်းမြစ်များ

Efesios 5:22

Ba muinga ulita mo jwanbale, cha gerule ba ole, ba mo ñengulalla gadale dage ama kerua gbe gdadi age ama gerule kare. Ba Cristo gai dage mo Chugagwallale, talla ene ole ba mo ñengulalla gadale dage kaire.

Efesios 5:25

Ba onbre ulita mo jwanbale, ba nodale mo muira ole salengwli Cristo no kwian amanu ole kare. Cristo no no che ole malen Cristo mo chugu ngwadi boi daga ngwale gwaleda che ulita alin.

Efesios 5:32

Chube gerua e no kweri chkedale uñale nate chege, suge chage geru e kle gerule onbre muire mo jwen giti agwa kaire kle gerule Cristo giti kaire kwian Cristonu giti.

Colosenses 3:19

Ba kwian onbre ulita mo jwanbale, ba nodale mo muira ole, ba me ama gbadale boi jere jere ba takalin kare, ba gerudale mo muira ole ta no ole.

Hebreos 12:9

Che ulita kledu soli gire che ñenuanu nga dba ai giti che tku tangle che toidale mine kaire ama ji gbu che giti che agedu me no giti. Ama agedu ene che ole ta no ole che chudaboale gire ene che ama kerua gau dage. ¿Agwa gire mineade che me mo ta gbe Chube che Ñenua nga ngaña giti kerua gai dage age diali ama takalin kare? Ulia Chube ma kweri ma no ma kiraske che ñenuanu nga dba ai gitige, malen che Chube che Ñenua nga ngaña giti gerua gadale dage ama gerua gbe gdadi diali, ene che ñage toi no trate che Ñenua Chube takalin kare, gire ene Chube be che gbe toi no diali chui tangle ama ole ule nga ngaña giti.