Efesios 5:21 - Buglere

²¹ Ba onbre ba muire mo ta gbadale salengwli modi age no daba alin. Ba tañachugadale diali daba na Chubenu chudaboi, ba daba gadale dage ba nodale ama ole diali Cristo no kwian ulita ole kare.

Efesios 5:21 ပူးပေါင်းရင်းမြစ်များ

1 Corintios 16:16

Cha takalin ba Chubenu ulita daba e gai dage age ama gerule kare Jesucristo gerua giti. Kaire daba na ulita kle lle boi ene baske kle ba chudaboi, ba ama gai dage kaire.

2 Corintios 5:11

Uñale chage chui bdaglige che Chugagwalla Jesucristo be gerule cha ole cha agedu giti nga dba ai giti malen suge chage cha ama gadale dage no diali age no ama takalin kare. Kaire cha takalin chke uñale kwian ulitage kwian Jesucristo gadale dage, malen cha kle geru Jesucristo giti trage kwian ulita ole ene kwian ñage Jesucristo gai kweri Jesucristo gai dage. Uñale trate Chubege cha chage ta mine giti ama gerua dbe, cha takalin ba ulitage suge kaire ba tale cha geru du ba ulitaske ta no giti.

2 Corintios 7:1

Cha bitalla Cristo giti, cha no no ba ulita ole, cha gerule ba ulita ole ulia Chube age ene ulita che alin ama gerudu kare, malen che ulita Chubenu mo ta gbadale chege sugekare age me no ulitage tañachuge me no ulitage, che mo ta gbadale Chube gai dage, ene che be age ma no tañachuge ma no trate diali Chube takalin kare.

Gálatas 5:13

Ba ulita cha daballa cha ibotea Chubenu, Cristo giti Chube ba ulita gau mau alin, Cristo alin giti ba Chubenu, ba ene ba me mo ta gbadale age ulita Moisés chadalla gerule kare. E me gerule ba agedale me no ulita ba takalin kare, me ene, ba mo ta gbadale age trate ulita Chube takalin kare ta dbale no daba na Chubenu ulita ole ba mo ta gbale daba na chudaboi diali Chube takalin kare.

Efesios 5:22

Ba muinga ulita mo jwanbale, cha gerule ba ole, ba mo ñengulalla gadale dage ama kerua gbe gdadi age ama gerule kare. Ba Cristo gai dage mo Chugagwallale, talla ene ole ba mo ñengulalla gadale dage kaire.

Efesios 5:24

Che kle mo ta gbe Cristo gai dage mo Chugagwallale, che kle age Cristo takalin kare. E kare ene ba muinga mo jwanbale mo ñengulalla gadale dage diali mo chugagwallale ama gerua gbe gdadi ama gerule kare.

Filipenses 2:3

Ba lle boi Chube alin me tañachuge mo giti: “Cha ma kweri daba nage, daba na gerudale no cha giti.” Ba me tañachugadale ene, ba tañachugadale nganake, ba daba na gadale ma kweri moge.

1 Timoteo 2:11

Muinga kaire onbre mo lite ole Chube geruadi, muinga ulita chegedale kamne Chube gerua keruchuge alin, muinga ulita kwian tkanga tangle gadale dage.

1 Timoteo 3:4

Mo ullaske ama mo gbadale chugagwallale no mo kirogwalla gbe mo gai dage age ama gerule kare,

Hebreos 13:17

Cha gerule ba ulita Chubenu ole, ba mo chugagwalla ba ta mananga Chube geruadi gadale dage ba agedale ama gerule kare, ama kle ba ulita manade no gerudi diali kle tañachuge ba giti kle ba chudaboi chage no Jesucristo geruage, ama me skwatige mo ta gbe ba tke tangle diali no Chube geruage. Ama kle mo ta gbe ene ama kle ba manade no, uñale amage bdagli ama gerudale Chube ole ama lle bo ulita giti ba ulitaske. Ba kwian ene gadale dage ba chugagwallale, ba agedale ulita ba chugagwalla e gerule kare gire amadi nga be suga noare. Agwa ba me ama gerua gbe gdadi gire ama be chege ta olire ole, kaire Chube mi age no ba alin ba tale chugagwalla e giti, malen ba mo ta gbadale ba chugagwalla gerua gbe gdadi Chube takalin kare.

1 Pedro 2:13

Ba ulita mo chugagwalla ulita nga dba ai giti gadale dage age ama gerule kare, Chugagwalla Chube takalin ba mo ta gbe age no ene chugagwalla nga dba ai giti ole. Chugagwalla ma kweri chugagwalla na ulitage nga dba ai giti, ba ulita ama gadale dage,

1 Pedro 2:17

Ba ulita mo ta dbadale no daba Chubenu na ulita ole. Ba ulita mo ta gbadale Chube gai dage no no. Ba ulita mo ta gbadale mo chugagwalla ma kweri chugagwalla na ulitage nga dba ai giti gai dage no. Ba kwian ulita gadale dage no.

1 Pedro 5:5

Ene kaire cha gerule ba kwian Chubenu ulita ole kle mo lite Chube geruadi, ba ulita mo ta gbale no daba ba chugagwallale ole ongoru kaire ulita mo ta dbe salengwli modi, ba ulita daba ba chugagwallale gadale dage diali. Kaire ba ulita Chubenu mo ta gbadale daba na ulita gai dage ongoru ongoru moske me sugedale mo tale ma kweri daba nage. Chube gerua degaba unsuialin gerule e giti, chada e gerule: “Kwian me ñage tañachuge mo tale: ‘Cha ma kweri daba nage.’ Chube me age no kwian ene alin me kwian ene chudaboi, agwa kwian tale suge soli Chube mo ta dbe no kwian ene chudaboi.” Chube gerua degaba unsuialin gerule ene.