Efesios 4:9 - Buglere

⁹ Geru kle degaba gerule Cristo joni nga ngaña giti, geru e giti sugedale chege ngeru Cristo kledu nga ngaña giti Chube kle ngwadi chku nga dba ai giti bigire joni naskuni nga ngaña gitini.

Efesios 4:9 ပူးပေါင်းရင်းမြစ်များ

Mateo 12:40

Cha chiu nga dba ai giti kwian kare, Chube cha kagu kwian kle toi chui aige alin salengwli Chube Jonás kagu kwian unsuialin toinga una Nínivege alin kare ama ulita ta gbe agedu me no giti. Jonás toidu chui gbamai ngwe kweri kweri tadi gire ngwe Jonás mliunga kedagu gwade, e giti chku uñale kwian ngle toinga Jonás suialege ulia Chube Jonás kagu Chube gerua trage kwian ole. Ene kaire cha be boi, cha gwabeda, cha be chege dbiske chui gbamai gire Chube be cha jaba gbeni gwade. Cha be boi ene gire be chke uñale trate ba ulitage Chube cha kagu.

Juan 20:17

María-Magdalena chku Jesu uñe nate, María-Magdalena be Jesu gai kodi gire Jesu gerudu María-Magdalena ole: —Ba me cha chugedi, cha bebi jogeni cha Ñenua ngwadi, agwa cha takalin ba joge kwian geru jwannga chage ulita ta gbe cha giti, ama ulita cha daballa kare, ba gerule ama ulita ole cha be jogeni cha Ñenua ngwadi, ba ulita chagedu cha ole, cha Ñenua ama ba Ñenua kaire, ama cha Chubea, kaire ama ba ulita chagedu cha ole Chubea.

Juan 3:13

Ni kwian gdaite nga dba ai giti jo nga ngaña giti Chube kle ngwadi gire chiuni nga dba ai giti geru kete kwian ulitage Chube giti, cha alin allabi kledu nga ngaña giti chiu nga dba ai giti gerule kwian ole Chube giti, cha ama Kirolla, ama cha kagu nga dba ai giti kwian kare.

Juan 6:38

Cha chiu nga ngaña giti cha chku nga dba ai giti, cha me ta agekalin cha takalin kare, agwa cha ta agekalin ulita cha Ñenua takalin kare, ama cha kagu.

Juan 6:41

Jesu gerudu ene kwian ulita ole gire kwian israelita mneite kledu chage Jesu nate ta me no ole, ama ulita Jesu keruchugu Jesu gerudu mau giti: “Cha bligda kare chiu nga ngaña giti chku nga dba ai giti.” Geru e giti kwian israelita ulita skochiu,

Juan 6:51

Cha kle gerule bligda giti, bligda e cha, cha chiu nga ngaña giti chku nga dba ai giti kwian kare kwian ulita alin, cha be mo jegwale kete gwaleda, kwian ulita bai kaire cha gai ulia mo tale be toi chui tangle diali cha Ñenua ole.

Juan 6:58

Cha kle gerule bligda giti bligda e chiu nga ngaña giti chku nga dba ai giti, cha me kle gerule ba enusulian unsuialin bligda gutu kare giti, ama bligda kira alin gbagda sugeti alin gutu, ama toidu gire jokeda. Cha me kle gerule bligda e giti, cha kle gerule bligda na giti, bligda na kwian gbagda toi diali chui tangle, kwian bai kaire bligda e gute be toi chui tangle diali Chube ole, bligda e cha.

Juan 6:62

Chube cha kagu nga dba ai giti kwian kare, ¿ba ulita ta chege sugamne chadi ba ulita gwa giti cha jogeni nga ngaña giti cha chiu ngwadi? ¿Ene ba be cha gai ulia o me?

Juan 8:14

Jesu gerudu kwian fariseo e ulita ole: —Cha kle gerule mau giti cha me kle gerule ngwale, ulita uñale chage cha mine, kaire uñale chage cha chema, kwian na me gerudale cha giti, uñale chage cha chiu baini kaire cha be jogeni baini, agwa ba ulitage me uñale cha chema cha chiu baini cha jogeni baini.

Hebreos 2:7

Kwian ulita me chege lle boanga ba alin nga ngaña giti kare, kwian ulita chege ma soli amage agwa ba kwian gbu no trate chege kweri, ba lle ulita ba nu dodaba jigu kwian ulita kote kwian chege lle e ulita chugagwallale.” David chada degu ama gerudu ene Chube ole kwian ulita giti unsuialin tangle, malen chada ai giti suge chege Chube lle ulita ama nu dodaba jigu kwian ulita kote, ama me lle jigu lle boanga ama alin nga ngaña giti kote dale, ni Chube lle gdaite jigu sugekare kwiange, lle ulita chegu kwiange kwian chegu lle ulita chugagwallale. Agwa kaire agwe uñale chege me klebi chegé ulita chada kle degaba kare, nege tangle kwian ulita me kle chege lle ulita chugagwallale dale.

Hebreos 2:9

Agwa sugedale chege Jesucristo giti lle ulita be chege Chube gerua kle degaba unsuialin tangle gerule kare. Jesucristo ma kweri ma kiraske lle ulitage, bdagli ama be chege lle ulita kwian ulita Chugagwalla kweri. Jesucristo chku nga dba ai giti ama medunga kwian kare ama mo gbu sugetidale ma soli lle boanga Chube alin nga ngaña giti ulitage ama mo gbu salengwli kwian ngwale kare, ene ama ñadu boi daga ngwale kwian kle boi kare. Chube noare kwian ole ulita malen Chube agedu no kwian ulita alin ama mo Kirolla Jesucristo kagu boadalenga daga ngwale jogekeda kwian ulita alin. Jesucristo guleda kwian ulita agenga me no alin, gire e giti Chube ama gbuni naskuni chegeni ma kweri lle ulitage kwian ulita Chugagwalla kweri.