Efesios 4:32 - Buglere

³² Ba mo ta dbadale no daba ole ba mo chudaboadale ongoru ongoru, ba taidale dage dabage. Daba gweale age me no ba ole, ba tale ama agedu me no talla mliadalenga ba chegedale ta no ole ama ole. Ba agedu me no talla Chube mliunga ba Cristo gerua gau ulia gire, ba agedale ene kaire daba na alin.

Efesios 4:32 ပူးပေါင်းရင်းမြစ်များ

Mateo 6:12

Cha agedu me no cha takalin ba talla mlienga, ene kaire daba age me no cha ole cha talla mlienga.

Marcos 11:25

Agwa ba kle biale gerule Chube ole gire ba tale talla me no kle daba gweale agedu me no ba ole giti, ba talla e mliadalenga me tañachuge daba agedu giti ba ole dare, gire ene kaire che Ñenua Chube be ba agedu me no ama dollale talla mlienga kaire agwe. Ba age ene ulita gire ba ta kle biale gerule Chube ole.

Lucas 1:78

Chube noare kwian ulita ole, Chube tai dage che kwian israelita ulitage malen Chube be kwian jwannga siere kage che ulita alin, kwian jwannga siere be chie kwian ta gbale suge ma no trate Chube giti chui chra kle chie ngabebita kle kwian gbe ten kare.

Lucas 11:4

Cha agedu me no cha takalin ba talla mlienga, ene kaire daba age me no cha ole cha talla mlienga. Ba me cha chuge ngwadi che dolla Satanáge, ene ama me ñage age me no cha ole. Ba cha jwen siere lle me no ulitage.” Ba ulita gerudale ene Chube ole.

Lucas 17:4

Chui gbaite ama age me no bitaguke ba dollale gire bitaguke ama mo ta blite chke gerule ba ole: “Cha me age dare me no ba dollale”, bitaguke ama agedu me no ba dollale ba talla mlienga.

Lucas 6:35

Ba me ñage tañachuge kwian ulita tañachuge kare, ba tañachugadale nganake. Ba mo ta dbadale no mo dolla ole age no ama alin diali. Ama lle gweale kade sugeti bage ba lle ketadale me tañachuge lle e gaini naskuni. Ba mo ta dbe ene mo dolla ole, bdagli nga ngaña giti Chube be lle noare kete bage age no ene ñanale, ba age ene ba kle age ba Ñenua Chube takalin kare, ulia ba Chube olia. Chube kweri, ama noare ulita, ama age no kwian ulita alin, me age no kwian no alin allabi, agwa kaire ama age no kwian me no alin, kwian me Chube uñe ni gerule no Chube ole Chube kle age no ama alin.

Lucas 6:37

Jesu gerudu dare kwian ulita ole: —Me no mo ta dbe tañachuge ba alin allabi kle age no Chube gwa giti gerule daba nadi daba me no Chube gwa giti, me no mo ta dbe daba gbe jiske diali lle gweale giti, ba ta daba gbakalin jiske ene diali ta me no ole, ene kaire Chube be ba gbe jiske. Daba na age gweale me no ba ole ba talla e mlienga, ene kaire Chube be ba age me no Chube dollale talla mlienga.

Hechos 28:2

kwian toinga nga ege cha ulita gau ngwange no. Noi boi suiale nga skeke tanre, kwian nga emu jita kweri teun gire kwian nga emu cha ulita kadu jita ngwachuge.

Romanos 12:10

Ba mo ta dbadale no modi mo daballanu kare daba ulita ole. Ba daba na gadale dage ma kweri moge salengwli ulita.

1 Corintios 13:4

Ulia che no daba na ole che mo ta dbale ai kare daba ole: Mo ta gbe jage me skochie dabadi. Age no daba alin. Me tañachuge me no dabadi daba lle no tanre molen giti. Me mo gai dage dabadi, me tañachuge mo giti ma kweri dabage.

2 Corintios 2:10

Ba ulita onbre gdaite ene agedu me no ene talla mliunga, cha kaire mo ta gbe daba ene agedu me no ene talla mlienga Cristo gwa giti Cristo takalin kare. Che ulita Chubenu mo ta gbe ule ene daba age me no talla mlienga,

2 Corintios 2:7

Ma no ba ulita mo ta gbe no ama ole ama chudaboi ama agedu ulita talla mlienga, ba me ama jige ta olire ole, ama chege ta olire ole ama ta ñage chege bate Chubege ama ña joge siere Chubege ta olire ole.

2 Corintios 6:6

Kaire cha mo ta dbe toi no trate kwian gwa giti, cha Chube gerua Jesucristo giti uñe trate tragadale kwian ole, kwian gweale age me no cha dollale cha me ta dbe me no skochie amadi, cha age no kwian ulita alin kwian chudaboi no, Chube Oña kle cha tale cha ta gbe age no Chube takalin kare, cha mo ta dbe no ulia daba ulita ole,

Efesios 5:1

Ba ulita Chube olia kare Cristo giti, Chube no no ba ole, ba mo ta gbadale chage Chube talla ole age ama takalin kare.

Santiago 5:11

Ulia uñale chege kwian bai kaire ñadu mo ta gbe jage ta no ole boi daga ngwale ulitaske kwian enedi nga sugadu noare ama mo ta gbu giti ulia age ulita Chube takalin kare. Ama boidu tanre daga ngwale jere jere agwa ama me mo talladu ama chegu ta no ole diali. Bage geru jo tragaba kwian unsuialin tangle kada Job giti, ba geru keruchugaba Job boidu giti ama mo ta gbu jage ta no ole ama boidu tanre daga ngwaleske, kaire uñale bage bdagli Chube agedu no tanre Job alin, ulia Chube diali no, ama kle tai dage chege ama no che ole, ama me takalin che boi me no daga ngwale tanre.

2 Pedro 1:7

Ba mo ta dbadale no daba Chubenu ulita ole chudaboi ta no ole mo ta dbe mo daballanu ole kare. Ba mo ta dbadale no kwian na ulita ole.

1 Juan 1:9

Malen talla me no kle che tale che age gweale me no, che mo ta gbale gerule Chube ole che agedu me no giti, Chube ta no trate molen ama diali mo ta gbe age no diali che alin, malen Chube che agedu me no ulita talla mlienga ama tale ama mi tachke dare che agedu me no giti, ama be che ta lite no trate che mi chege jiske Chube gwa giti che agedu me no giti.

1 Juan 2:12

Ba ulita cha olia kare, uñale chage ba che Ñenua Chube uñe, uñale chage Jesucristo agedu giti Chube ba agedu me no talla mliunga ulita ama mi tachke dare ba agedu me no giti, ene ba chege trate Chube gwa giti, malen cha chada ai dege ba alin ba ulita ta gbagda. Cha chada ai dege ba kwian juma ulita alin, ba geru Jesucristo giti uñe trate, uñale bage Jesucristo klebi enebi lle ulita gwangeabi, malen cha kle chada ai dege ba alin ba ta gbagda dare. Cha chada ai dege ba ulita kirogwa biale alin, ulia ba mo ta gbaba kiraske Chube gerua giti, ba Chube gerua Jesucristo giti gau ulia mo tale kaire Chube kiralla giti ba kle kirachke che dolla Satanádi, malen cha kle chada ai dege ba alin ba kira gbagda, ene ba ulita chege ma kiraske chada ai batenga giti.