Efesios 3:6 - Buglere

⁶ Geru ai Chube cha ta gbu giti kle gerule ene: Kwian me israelita bai geru no Jesucristo giti gai ulia ñage tien gitiru ji chugege agedu me no gdale salengwli kwian israelita geru no Jesucristo giti gai ulia kare mi ji chuge ama agedu me no gdale. Chube kle age no kwian israelita Jesucristo gerua gau ulia alin kaire Chube be age no kwian me israelita alin bai Jesucristo gerua gai ulia alin. Chube kwian me israelita gbu ule kwian israelita ole kwaitre alin Jesucristo giti, kaire Chube gerudu kwian israelita ole Chube be age no ama alin kaire ene geru amaña ñage chege kwian me israelita ulita alin kwian bai geru no Jesucristo giti gai ulia alin.

Efesios 3:6 ပူးပေါင်းရင်းမြစ်များ

1 Corintios 12:12

Che gdaite jegwale ngle molen, agwa ulita gdaitre alin ule. Ene kaire kwian ngle Cristo giti kwian gdaitre alin kare.

1 Corintios 12:27

Ene kaire ba ulita Chubenu, ba Cristo jegwalenu kare, ba ulita gdaite gdaite Cristo jegwale gwealenu kare.

Gálatas 3:14

Jesucristo ji chugu che giti ama jokeda gli dodaba krulege ngaña che giti, ene Jesucristo giti Chube agedu no kwian alin, me kwian israelita alin allabi, agwa kwian me israelita alin kaire. Chube gerudu kare Abraham ole unsuialin, ene kaire che Jesucristo gai ulia mo tale Chube mo Oña gbe che tale ama gerudu kare sbali.

Gálatas 5:24

Kwian bai kaire Jesucristo gau ulia, kwian ene Jesucristonu, kwian ene mo talla ulita ngeru me no mliunga, ama me mo chuge ngwadi age me no dare ulita ama takalin kare ama agedu ngeru kare.

Efesios 3:3

Cha chada degangu gwangea sidri chada ai giti Chube mo ta gbu gwangea age kwian ulita alin giti, kwian me geru e uñe trate, geru e chege skwlenre kwiange, Chube cha ta gbu geru e gbe chke uñale kwiange.

Efesios 5:7

Ba ulita Chubenu me chegedale ta ule kwian agenga me no ole gai mo skatemanallale.

Colosenses 2:19

Kwian e me kle Cristo gai ulia mo Chugagwallale malen ama kle gerule ngwale mau tale alin. Agwa ba nu Cristo gerua gaba ulia ba mo chugale ngwadi Cristo ba ta gbe no trate ule kwaitre alin daba na Chubenu ole geru ulia giti ene ba be ñage chege no Chube gwa giti Chube takalin kare. Ba ulita Cristo gerua ganga ulia ba Cristo jegwalenu kare, Cristo ba ulita Chugagwalla, Cristo kle ba ulita kira gbe toi ma no chui kaire kairege Chube takalin kare.

1 Juan 1:3

Cha ba ulita ta gbe chke Jesucristo giti, cha ulita gwagedudi mo gwagwa giti kaire cha ulita geru keruchugu mo olodi, cha geru e kete ba ulitage chada ai giti, ene ba ulita ta chege ule kwaitre alin mo skatemanallale cha ulita ole Jesucristo giti cha ulita kle mo ta gbe Chube che Ñenua ole kare kaire cha ulita kle mo ta gbe ule Jesucristo ole kare.

1 Juan 2:25

Jesucristo agali gerudu che ulita amanu mo ta gbale chege ene ule ama ole kaire Chube ole, ene che ulita amanu be toi chui tangle diali Chube ole.