Efesios 3:20 - Buglere

²⁰ Cha kle gerule ene Chube ole ba ulita giti, uñale chage che lle ulita kade Chubege ama ñage age ulita mo kiralla giti, ama kira molen lle ulita boi. Kaire Chube age ma ngle che alin ama takalin kare che kle lle kadege kaire che kle tañachuge gitige, che me ñage tañachuge Chube me ñage che chudaboi lle gweale che takalinge giti. Uñale chage Chube Oña kiralla giti Chube ñage age no ma ngle che kle tañachuge karege. Chube Oña kle che tale, ama giti kle suge chege Chube kle age no diali che alin ta no giti.

Efesios 3:20 ပူးပေါင်းရင်းမြစ်များ

Mateo 3:9

Ba me ñage tañachuge mau giti: “Cha enusulian oña Abraham oindalla, malen Chube me ji gbe cha giti cha agedu me no gdale.” Ba me ñage tañachuge ene. Cha gerule ba ulita ole, ba me mo ta blite Chube ole ba me ña tien gitiru ji chugege ba agedu me no gdale. Ba Abraham oindalla, agwa ba me kle age Chube takalin kare. Chube takalin ama ñage ke blite Abraham oindallale gire ke e joge blitaba kwianle kwian e be age Chube takalin kare.

Juan 10:10

Kwian skwe boanga joge ovejaske skwe boi ovejage oveja gai gweda age me no oveja ole ulita, ama chage ta e kare alin ole oveja nate diali, agwa cha me ene, cha chiu nga dba ai giti kwian alin age no kwian alin ene cha giti kwian ñage toi diali chui tangle nga suga no ole, cha kwian ta gbe ene.

Romanos 16:25

Cha kle ba jige Chube kote, ama ñage ba kira gbe mo ta gbe kiraske diali geru uliage cha ba tku tangle kare Jesucristo giti. Chube me boi, ama chege gwade diali chui tangle, unsuialin Chube kwian tanre Chube gerua ketanga ta gbu chada dege be boi Jesucristo ole giti, boidu ene ulita Chube kwian ta gbu mo gerua dege kare. Ngeru Chube nga dodaduge Chube mo ta gbu Jesucristo kage nga dba ai giti kwian jwanle siere ji chugege age me no gdale, geru e chegu ogaba kare skwlenre ba kwian me israelitage, agwa nege geru e chku uñale bage kaire kwian na nga ulitage, ene kwian nga ulitage ñage mo ta gbe Chube gai ulia mo Chubeale Jesucristo giti age Chube takalin kare.

Romanos 4:21

Kaire sugedu trate Abrahamge Chube kira molen age ulita Chube gerudu kare ama ole.

1 Corintios 2:9

Me sugedu kwian enege Chube agedu no ngle kwian alin Jesucristo giti, Chube gerua degaba unsuialin gerule be boi ene giti, chada e gerule: “Chube be age no ngle kwian alin bai kaire mo ta dbe no ulia Chube ole, agwa mi suge kwian me Chubenu gdaitege Chube kle age ulita giti, kwian talla giti kwian tañachuge kare ni suge trate kwian gdaitege Chube age giti.” Chube gerua degaba unsuialin gerule ene.

2 Corintios 9:8

Ba igi kete ta ene giti Chube be age no no ba alin, Chube be ba manade no ene ba be lle molen toigda no, Chube be ba chudaboi ene ba be lle ma ngle molen ene ba ña daba chudaboi ma no dare, kaire ba be lle molen toigda mo alin.

Efesios 1:19

Kaire ba ama ta gbe suge ba kiraske tanre lle ulita giti ba ñage age ulita ba takalin kare cha ulita Jesucristo gerua ganga alin. Ene nobi Chube.” Cha kle gerule ene ulita ba giti Chube ole. Chube agedu no ba alin mo kiralla giti ene kaire kira ai amaña giti Chube Cristo gbuni gwade. Ama Cristo gbuni gwade gire Chube Cristo gbu toi dba mo ngena ko taingwli giti nga ngaña giti kwian ulita nga ulitage Chugagwallale. Chube Cristo gbu ma kweri ma kiraske kwian ulitage nga dba ai giti kaire lle boanga Chube alin nga ngaña gitige kaire che dolla Satanáge kaire dolla Satanás chudaboangallage, Cristo chegu ma kweri ma kiraske ama ulitage chui negege tangle kaire chui tangle diali.

Efesios 3:7

Uñale chage cha me ñage geru dbe kwianske gballa mo kiralla giti agwa Chube agedu no cha alin Chube cha gbu geru no amanu Jesucristo giti dbe ama kiralla giti ba ulita me israelitaske.

Colosenses 1:29

Cha takalin chege cha kle gerule kare malen cha kle mo ta gbe kiraske lle boi diali Chube takalin kare Chube kirallaske kwian ulita alin.

1 Timoteo 1:14

Nege cha Jesucristonu, malen diali ama kle cha ta gbe Chube gerua gai ulia gwangerugu, kaire ama kle cha ta gbe ma no diali mo ta dbe no daba na ole ulita. Ulia Jesucristo agedu no cha alin.

Hebreos 11:19

Ulia ulia Abrahamge sugedu Chube kira molen tanre Chube ñage ama kirolla Isaac jogekeda gbeni gwadeni, malen Abraham mo ta gbu biale Isaac gweda ulia, Chube gwagedu Abrahamdi Abraham kle biale mo kirolla gweda gire Chube bda cordero gbu Abraham jonllage gwadaleda Isaac taneage, gire Isaac chegu gwade toi ngerugu. Agwa Abraham alin chegu salengwli Isaac jokeda ulia chkuni gwadeni kare.

Hebreos 7:25

Jesucristo kle toi diali dale gerule Chube ole diali kwian ama gerua ganga ulia alin, malen e giti ulia Jesucristo ñage kwian jwen siere ji chugege agedu me no gdale diali chui tangle kwian bai kaire kle chudaboi kade Chubege Jesucristo giti.

Santiago 4:12

Chube alin allabi geru jigu gbaba kwian ulita alin kwian toidale mine, kaire ene agwe Chube alin allabi ñage gerule kwian ulita giti kwian bai jiske kwian bai me jiske. Chube alin ñage kwian jwen siere ji chugege age me no gdale, kaire ama alin ñage kwian gbe ji chuge tirare kwian age me no giti. Agwa cha geru kade ba ulitage, ¿chema ba gbu daba gbanga jiske? Ba me mo ta gbale daba gbe jiske dare gerule me no dabadi ngwale.

2 Pedro 1:11

Ba age ene ulita nga dba ai giti, gire chui bdaglige nga no no be kle ba alin ba gangwa ngwange Chube kaire che Chugagwalla che jwannga siere Jesucristo kle ngwadige, ba be toi diali chui tangle nga ege Chube ole Jesucristo ole.

Judas 1:24

Chube che ulita amanu jun siere ji chugege che agedu me no gdale che Chugagwalla Jesucristo giti, Chube e amaña ba chudaboi ba kira gbe ba manade, ene ba me joge siere amage age me no ba takalin kare, ene ba kle biale joge toi ule ama ole ama kle ngwadi ta no trate nga suga no ole. Chube no no, Chube kweri, Chube kira molen kweri, Chube kiralla me jwlite, Chube kiralla unsuialin, Chube kiralla amaña nege, kaire Chube kiralla amaña chege gwangerugu chui tangle. Che ulita amanu gerudale no ama giti diali. Ene nobi. Geru ai ene ulita cha Judas chada degu ba kwian Chubenu ulita alin. Che kle meni.