Efesios 3:16 - Buglere

¹⁶ Chube ole cha gerule ba giti ene: “Chube, ba kira ulita molen, ba ñage age ulita. Cha gerule ba ole ba kwian una Efesomu Cristo gerua ganga ta kira gbe ma no mo Oña kiralla giti.

Efesios 3:16 ပူးပေါင်းရင်းမြစ်များ

Mateo 6:13

Ba me cha chuge ngwadi che dollage, ene ama me ñage age me no cha ole. Ba cha jwen siere lle me no ulitage. Uñale chage ba kwian ulita Chugagwalla ma kweri, ba kiraske ba ñage age ulita mo kiralla giti, ba no no, ba ene diali chui tangle. Cha gerule ene ulita ba ole cha Ñenua. Ene nobi.” Ba ulita gerudale ene Chube ole.

Romanos 7:22

Cha tale suge chage Chube gerua ulita no, cha geru e keruchuge nga suga no chadi geru e giti, cha ta agekalin no ulita geru e gerule kare,

Romanos 9:23

Kaire Chube takalin suge kwiange Chube no kwian ole Chube age no no kwian alin, malen Chube tai dage chege bai kaire Chube nu che gaba ngeru gwangea mau alin, chui bdaglige che be joge toi ama ole nga ngaña giti.

1 Corintios 16:13

Ba ulita Chubenu kledale ta giti mo ta gbe ma no diali Jesucristo gerua ulitage. Ba ulita me mo ta dbale kwachie ba kle geru gai giti, ba me ta dbale kwachie gerule kwian na ole geru ba kle gai giti, ba ulita mo ta gbale gwangerugu kiraske gerudi, ene ba me mo anblitange, ene kwian geru dollale me ñage ba ta blite nganake.

2 Corintios 12:9

agwa Cristo gerudu cha ole: “Cha no no ba ole agwa cha me ba skibachie jwennga, ma no cha be kira kete bage diali jage skibachiege chage gwangerugu cha gerua dbe, ene kwian gwage badi ba skibachieske be chke uñale trate amage ba agali me kle mo kira gbe lle boi cha alin cha gerua dbe, kwiange be suge trate cha kle mo kiralla kete bage diali malen ba ñage chage gwangerugu cha gerua dbe.” Cristo gerudu ene cha ole malen cha mo ta gbu nga suga no ole toi oga skibachieske, ene cha agali me kira molen giti ñage suge kwiange Cristo kle mo kiralla kete chage.

2 Corintios 4:16

Malen cha me ta chuge geru dbe gwangerugu, cha me kwachie boi daga ngwale geru dbe giti. Cha kle toi nga dba ai giti, diali chui kaire kairege bedre bedre cha kle joge ma juma, kira me chege, agwa cha tale chui kaire kairege cha ta chege ma no ma kiraske Chube ole, cha ta suge moge cha kwian jagere kare Chube gerua ole.

Efesios 1:18

Kaire Chube, ba ama ta gbe suge ama Jesucristo gerua gaba giti ama ñage toi diali no ba ole chui tangle, kaire ba ama ta gbe suge ba kle age no ngle diali ama alin chui negege tangle kaire chui bdagli be chkege, ba be chege ama ole ama manade no no diali.

Efesios 1:7

Chube ta no no che ole, ama mo Kirolla Jesucristo kagu nga dba ai giti boi daga ngwale che ulita alin, Jesucristo jokeda kruge che agedu me no giti, Jesucristo jokeda giti Chube che jun siere ji chugege che agedu me no ulita gdale, che agedu me no ulita Chube talla mliunga.

Efesios 2:7

Jesucristo giti Chube agedu no ene che alin ene chui aige gwangerugu be chke nate uñale ulita Chube no no che ole ulia Chube agedu tanre no che alin Jesucristo giti che bai nu Jesucristo gaba ulia.

Efesios 3:15

Chube kwian Cristo gerua ganga ulita Ñenua. Kwian gweale nu Cristo gaba ulia jogebakeda ama oña kle nga ngaña giti Chube ole, kwian gweale nu Cristo gaba ulia kle nga dba ai giti, Chube ama ulita Chugagwalla.

Efesios 3:8

Chage cha suge moge cha kwian ngwale ma soli kwian na ulita Chubenuge agwa Chube agedu no cha alin Chube cha gbu ama gerua Jesucristo giti dbe kwian me israelitage. Nga suga no chadige geru no Jesucristo giti kete kwian ulita me israelitage, geru e gerule Chube diali agekalin no no che ulita alin che kwian bai Jesucristo gerua gai ulia alin. Geru e cha kle kete chkedale uñale kwian ulitage.

Efesios 6:10

Nege cha gerule ba ulita ole ba Cristo gerua gaba ba ulita Chubenu, ba ulita che Chugagwalla Chube kiralla gadale mo kira gbagda che dolla Satanás ngeru.

Filipenses 4:13

Ulita Cristo kle cha chudaboi, ama kle kira kete chage, ene ulita boi cha ole cha ñage jage Cristo kirallaske.

Filipenses 4:19

Ba ole lle me toigda no, Jesucristo giti Chube be lle ulita kete bage, lle ulita Chubenu malen Chube ñage lle noare kete bage toigda no.

Colosenses 1:11

Chube kiraske tanre, ama ñage age ulita mo kiralla giti ba ulita alin, malen cha gerule diali ama ole ama ba ulita kira gbe ngle ba kle boi daga ngwaleske ene ba be ñage jage ta no ole ba be ñage mo ta gbe chage gwangerugu kiraske me mo tallade me skwatige ba kle boi daga ngwaleske, ene ba ñage mo ta gbe diali nga suga no ole Chube kirallaske.

Colosenses 2:2

Cha kle mo ta gbe ba kwian Chubenu ulita chudaboi Cristo gerua giti ba ulita kira gbagda mo ta gbe gwangerugu nga suga no ole Cristo gerua giti, kaire cha takalin Chube nga suga no kete bage ba ta gbe ule ulita salengwli ulita mo chudaboi ongoru ongoru ta no ole geru giti. Cha takalin Chube ba ulita ta gbe suge no trate ulita Cristo giti Chube kle age no ba alin ba ulita kwian me israelita alin. Unsuialin tangle geru e me chku uñale kwiange agwa nege tangle geru Cristo giti kle chke uñale kwian ulitage bai Cristo gerua gai ulia.

2 Timoteo 4:17

Che Chugagwalla Jesucristo alin kledu cha ole, ama cha ta gbu, ama cha kira gbu, ama cha chudabo no, ene cha giti geru ulita Jesucristo giti chku uñale kwian nga na tanrege kledu cha keruchuge. Che Chugagwalla Jesucristo cha manadu no kwian cha dollalege Jesucristo gerua giti, ene kwian cha dollale ulita me ñadu cha gweda, cha tiun gitirule kwian cha dollalege.

Hebreos 11:34

kaire ama gweale gbere boi daga ngwale jitaske Chube gai ulia gdale agwa Chube kiralla giti ni kugedu sidri, kaire ama gweale ñadu tien gitiru gwabeda sbadi gitige, kaire ama gweale me kira molen Chube ama kira gbu ene ama ñadu kirachke ama dolla kira batanga tanredi, kaire ama ulita bai jo dole mo dolla ole kirachku ama dolladi, ama ñadu ama dolla gweda ulita Chube kiralla giti.

1 Pedro 3:4

Ma no ba ulita muinga Chubenu mo ta gbadale tañachuge mo talla kle mine Chube ole, ba mo ta gbadale no trate age no diali me mo ta dbe skochie, agwa ma no mo ta gbe toi no taingwli mo ñengula ole, ba mo ta dbe no ene ta e mi jogenga, ta ene chege diali chui tangle e no ulita Chube gwa giti. Toi ta ene ole mo ñengula ole, ene ba giti ñage suge mo ñengulage Chube gerua no Chube gerua ulia ene ba ñengula ñage Chube gai ulia mo alin.