Efesios 3:10 - Buglere

¹⁰ Chube kwian me israelita Jesucristo gerua ganga gau mau alin gbu ule ulita kwaitre alin kwian israelita Jesucristo gerua ganga ole. Chube agedu ene, ene nege tangle ñage suge ma trate lle boanga Chube alin nga ngaña giti ulitage ulia Chube ta ngle ole age no ulita.

Efesios 3:10 ပူးပေါင်းရင်းမြစ်များ

Romanos 11:33

Chube agedu tanre no kwian agenga me no alin, kwian me ama gau ulia agwa Chube taidu dage amage, ni kwian gdaitege suge mineade Chube mo ta gbu no ene kwian agenga me no ole. Ulia Chube no no, ama ta ngle molen, ulita uñale amage, ni kwian gdaitege suge Chube talla mine ulita, ni kwian gdaite ñage Chube talla ulita trage, Chube age no ulita me suge ni kwian gdaitege.

Romanos 8:38

Uñale chage trate trate Chube kle che ulita monu manade diali, ni ulita kle boi che ole ñage che gbe siere amage, kwian che gwakalinda, kwian che gbe boi daga ngwale, che chugagwalla nga dba ai giti age me no che ole, dolla Satanás mo chudaboangalla ulita ole age me no che ole, lle kle boi nege, lle be boi chui chiege,

1 Corintios 1:24

Agwa kwian gweale israelita, kaire griego, Chube nu kwian ene gaba mo alin, Chube kwian ene ta gbu geru Cristo giti gai ulia, kwian ene ulitage uñale trate trate Cristo giti ama Chube uñe, suge ama ulitage Chube kira molen Cristo kira e amaña molen, Chube ta molen Cristo ta e amaña molen.

1 Corintios 2:7

Geru Jesucristo giti, e Chube gerua, geru e kledu Chube ole Chube bebi nga dba ai dodade gire, sbali geru e kledu skwlenre Chube ole kwiange, agwa nege cha kle geru e trage kwian Chubenu ulita ole, Jesucristo giti che ulita Chubenu be toi Chube ole bdagli nga ngaña giti Chube kle ngwadi.

Efesios 1:3

Che Jesucristo gau ulia mo Chugagwallale gire Chube Jesucristo Ñenua diali age tanre no che ulita alin, e giti nga suga noare chadi gerule no Chube ole, cha gerule no ama ole ene: “Chube toinga nga ngaña giti, ba noare ulia, ba kweri, ba diali age no cha ulita Jesucristo gerua gaba ulia alin.” Che gerudale no Chube ole ene. Ulia Jesucristo giti Chube ageba no tanre che alin.

Efesios 1:8

Cristo giti Chube che ta gbe ngle, kaire Chube che ta gbe suge che toidale trate ama gwa giti.

Efesios 6:12

Che Cristo gerua ganga me kle dole kwian che kare salengwli ole, agwa che kle dole dolla Satanás ole kaire dolla na tanre me no ulita kle chage nga ulitage nga dba ai giti kaire nga ngaña ngwalege, ama lle boanga mo chugagwalla Satanás alin ama Satanás chudaboangalla, ama ulita ole che mo ta gbale dole dolla ole.

Colosenses 1:16

Cristo giti Chube lle ulita dodadu lle ulita che ñage tendi nga dba ai giti kaire lle ulita che me ñage tendi nga ngaña giti Chube lle dodadu ulita Cristo giti. Lle boanga Chube alin nga ngaña giti, Chube ama dodadu no ulita, Chube kira ketu amage lle boi Chube alin che me ñage ten amadi. Chube lle ulita dodadu Cristo giti kaire lle ulita e Chube nu dodaba Chube jigu Cristo kote, ene Cristo chege lle ulita mauñale, Cristo ma kweri ma kiraske lle e ulitage, Cristo ma kweri che dolla Satanáge kaire dolla na ulita Satanás chudaboangallage.

Colosenses 2:10

Kwian ulita kle mo gbe daba chugagwallale nga dba ai giti, Cristo ma kiraske kwian e ulitage, kaire Cristo ma kiraske lle boanga Chube alin nga ngaña giti ulitage kaire Cristo ma kiraske che dolla Satanáge kaire ma kiraske che dolla chudaboangalla ulitage. Ba Cristo gaubi ulia malen Chube Oña kle ba tale diali, ba Chubenu, Chube kle ba ole diali ba ta gbe kiraske ama takalin kare.

Colosenses 2:15

Cristo jokeda kruge chkuni gwade giti Chube che dolla Satanás kaire dolla Satanás chudaboangalla ulita gwa gbu modige Chube ma kiraske dolla Satanáge. Chube kirachku Satanádi kaire Satanás chudaboangalla ulitadi kwian ulita gwa giti Cristo chkuni gwade gire, Chube me Satanás jigu kira molen ngle Satanás me kweri Chube kare, Chube kiralla chegu ma kweri kiraske dolla Satanáge.

1 Timoteo 3:16

Ulia Chube geru noare ketu chege, geru e kweri che alin, geru e gerule Jesucristo giti: Jesucristo chku nga dba ai giti kwian kare. Chube Oña giti chku uñale kwiange Jesucristo agedu no trate ulita nga dba ai giti. Lle boanga Chube alin nga ngaña giti gwagedu Jesucristodi age no ulita. Geru Jesucristo giti no chagedu nga ulitage, kwian nga ulitage geru e keruchugu, kwian nga ulitage gweale geru Jesucristo giti gau ulia. Chube Jesucristo duni nga ngaña giti, Chube Jesucristo gbuni Chube kle ngwadi. Ulia geru e noare, geru ulia, kwian Chubenu ulita geru e manadale no.

1 Pedro 1:12

Kwian Chube gerua ketanga kledu gerule Chube be age giti kwian alin, Chube kwian Chube gerua ketanga ene ta gbu suge trate Chube kle ama ta gbe gerule ulita Chube be age e me ama alin chui ege dale, agwa Chube ama ta gbu chui ege, chui nege tangle dale ba ulita alin. Chube Oña kwian ta gbu unsuialin, Chube Oña e amaña mo kira giti kle kwian nege gbe geru Cristo giti trage kwian ole, Chube Oña e chiu nga ngaña giti chku nga dba ai giti kwian ta gbe geru Cristo giti tragangale, ba geru e keruchugu Cristo giti, suge trate ba ulitage Chube agedu no ba alin Cristo giti. Lle boanga Chube alin nga ngaña giti ulita tañachuge tanre Chube agedu no giti kwian alin, takalin chke uñale agwa me suge amage.

1 Pedro 3:22

Cristo jokeda chkuni gwade, gire joni nga ngaña giti Chube kle ngwadi, nege ama kle Chube ngena Chube ko taingwli giti. Lle boanga Chube alin nga ngaña giti, Cristo ama ulita Chugagwalla, kaire Cristo ma kweri ma kiraske dolla Satanáge kaire Satanás chudaboangalla ulitage.