Efesios 2:19 - Buglere

¹⁹ Malen Jesucristo giti nege ba kwian me israelita ulita ñage Chube uñe cha israelita kare. Nege ba me ngeru kare, ba Jesucristo gerua gai ulia giti ba me kle sugekare Chubege, Chube kle ba manade kle ba chudaboi kle age no ba alin salengwli ama kle age no cha israelita alin kare. Che ulita Jesucristo gerua gaba ulia che chege Chube bitalla kare, che ulita Chubenu.

Efesios 2:19 ပူးပေါင်းရင်းမြစ်များ

Gálatas 6:10

Uñale chege che age no Chube takalin kare che me kle age ngwale, malen noare diali che ñage kare che mo ta gbadale age no kwian ulita alin kwian ulita chudaboi, che me ta jogedalenga age no daba Chubenu alin diali, che daba Chubenu Jesucristo giti chudaboadale ngeru kwian na ulitage.

Efesios 3:15

Chube kwian Cristo gerua ganga ulita Ñenua. Kwian gweale nu Cristo gaba ulia jogebakeda ama oña kle nga ngaña giti Chube ole, kwian gweale nu Cristo gaba ulia kle nga dba ai giti, Chube ama ulita Chugagwalla.

Efesios 3:6

Geru ai Chube cha ta gbu giti kle gerule ene: Kwian me israelita bai geru no Jesucristo giti gai ulia ñage tien gitiru ji chugege agedu me no gdale salengwli kwian israelita geru no Jesucristo giti gai ulia kare mi ji chuge ama agedu me no gdale. Chube kle age no kwian israelita Jesucristo gerua gau ulia alin kaire Chube be age no kwian me israelita alin bai Jesucristo gerua gai ulia alin. Chube kwian me israelita gbu ule kwian israelita ole kwaitre alin Jesucristo giti, kaire Chube gerudu kwian israelita ole Chube be age no ama alin kaire ene geru amaña ñage chege kwian me israelita ulita alin kwian bai geru no Jesucristo giti gai ulia alin.

Filipenses 3:20

Che me tañachuge kwian ene kare, che Chubenu, uñale chege bdagli che be joge toi nga ngaña giti Chube kle ngwadi, diali che kle chui bdagli manade, chui ege che Chugagwalla Jesucristo che jwannga siere ji chugege age me no gdale be chieni nga dba ai giti che jwen.

Hebreos 11:13

Cha gerule ulia ba ole, kwian ai ulita jo ka gbaba chada ai giti mo ta gbu Chube gerua gai ulia, ama ulita jokedabi ngeru ama ulita me ñadu gwage mo gwagwa giti agali Chube gerudu giti ama ulita ole Chube be age no ama ulita alin. Agwa ulia ama ulita mo ta gbu Chube gerua gai ulia Chube be age Chube gerudu kare ama ole, sugedu ama ulita tale me sbali Chube be age ulita ama alin Chube gerudu kare. E giti ama ulita nga du suga no modi. Ama ulita mo ta gbu tañachuge suge moge nga dba ai giti ama me nga dba ai giti mauña, amage sugedu ulia ama kledu toi sugetidale alin nga dba ai giti ama kledu kwian chagengale daba jwiage kare.

Hebreos 13:14

Ulia che kle boi daga ngwale Jesucristo gerua gai giti nga dba ai giti agwa sugedale chege nga dba ai giti me kle che Jesucristo gerua gaba alin toingwa chui diali dale agwa nga ma no toingwa kle che alin nga ngaña giti Chube kle ngwadige, nga kweri ege che be toi nga suga no ole chui tangle diali che mo ta gbale chui e manade.

1 Pedro 2:11

Cha daballa cha ibotea Jesucristo giti, cha no no ba ulita ole, cha takalin ba ulita me mo chuge ngwadi talla age me no nga dba ai gitige ba ta gbe age kare, diali talla age me no gbakalin siere age noge. Ba ulita kle toi nga dba ai giti sugeti alin, ba mi kle diali nga dba ai giti chui tangle malen ma no ba ulita tañachugadale Chube giti age no Chube takalin kare.

1 Juan 3:1

Ulia cha takalin bage suge Chube giti trate, che Ñenua Chube no no che ulita ole, che ama gerua gai ulia gire che ulita chege ama oliale, uliabi Chube che gau ama oliale, malen kwian me Chubenuge me suge che kwian Chubenu mine, kwian ene me Chube uñe malen kwian ege me suge che Chube olia kle toi giti.