Efesios 1:16 - Buglere

¹⁶ Ba kwian ene malen cha gerule no Chube ole Chube kle ba ta gbe age ene giti, nga suga noare chadige Chube kle age no ba alin ama kle ba ta gbe toi no daba na ole.

Efesios 1:16 ပူးပေါင်းရင်းမြစ်များ

Colosenses 1:3

Chage geru chku uñale ba Chube gerua Jesucristo giti keruchugu ba geru e gau ulia ba mo ta gbu ulia ulia gwangerugu geru Jesucristo giti gai mo tale, kaire chku uñale chage ba kle mo ta dbe no daba na ulita Chubenu ole. Geru e ulita ba giti chku uñale chage malen diali cha kle gerule Chube che Chugagwalla Jesucristo Ñenua ole ba giti, Chube ole cha kle gerule no ba giti ai kare: “Chube, noare kwian gweale una Colosamu ba gerua Jesucristo giti gau ulia, ama ulita kle toi no modi ongoru ongoru.” Cha kle gerule ene no ba ulita giti Chube ole.

Colosenses 1:9

Geru chku uñale chage ene ba ulita giti, chui ege gwangerugu cha gerule diali Chube ole ba ulita giti, cha takalin Chube ba ulita ta gbe suge no trate ama takalin mine ba alin, kaire cha takalin Chube ba ta gbe suge ma ngle Jesucristo gerua giti, ene chke uñale bage ba toidale mine no Chube takalin kare.

1 Tesalonicenses 1:2

Cha kle gerule Chube ole gire diali cha tachke ba ulitage, cha gerule no Chube ole ba ulita giti ene: “Chube, noare kwian banu una Tesalónicamu ulita kle chage no ba ole, cha takalin ba ama ta gbe age ene diali.

1 Tesalonicenses 5:17

Ba ulita gerudale Chube ole diali.

2 Tesalonicenses 1:3

Cha daballa cha ibotea Jesucristo giti, cha diali mo ta gbe gerule no Chube ole ba ulita giti ene: “Chube, cha gerule ba ole kwian una Tesalónicamu nu ba gerua gaba ulia giti, nga suga no chadi ba kle ama ulita chudaboi toi no trate ba takalin kare. Ama ulita kle ba gerua gai jumale kle tañachuge chui kaire kairege ma ngle ba giti. Diali ama ulita no daba ole kle tañachuge mo chudaboi ongoru ongoru ta no giti nga suga no ole ma ngle ngeruge, malen nga suga noare chadige daba e kle age giti.” Cha kle gerule diali ene Chube ole ba giti, noare ba kle toi Chube takalin kare.