Agwa kwian bai nu cha gerua gaba ulia bai nu mo ta gbaba age no Chube takalin kare, chui bdaglige kwian ene ulita be joge toi Chube ole be chege no trate ulita. Chui kle gwadenga no kare, ene kwian Chubenu be chege no Chube kle toi ngwadi, ama be toi diali Chube chralla giti. Ba ulita me cha gerua ai keruchuge alin allabi mo ologe, agwa kaire ba ulita mo ta gbadale geru ai gbe gdadi.
Colosenses 3:4 - Buglere4 Ba Cristo gerua gau ulia giti ba ñage toi no Chube gwa giti, Cristo chieni nga dba ai giti chuia be chke gire chui ege ba kaire be meñe kwiange ule Cristo ole ba ama gerua gau ulia giti, ene ba be toi diali ama ole Chube ole nga ngaña giti. အခန်းကိုကြည့်ပါ။ |
Colosenses 3:4
36 ပူးပေါင်းရင်းမြစ်များ
Ene kaire cha be chieni chuiage kwian tanre be kle toi age kwian unsuialin suia toi age Noé chuiage tangle kare, kwian tanre be kle toi age kwian unsuialin suia toi age Lot chuiage tangle kare, kwian ene ulita mi kle tañachuge be boi giti, be kle toi age me no tanre, gire chui ege sugeti ngwale cha be chieni, kwian ene ulita be chege boi daga ngwale tanre diali, mi ñage tien gitiru boi tirarege.
Agwa chada ai chege degaba Jesu giti kwian ulita alin, kwian chada ai batenga ene chke uñale chada ai giti ulia Jesu Chube Kirolla, amaña kada Cristo kwian ulita jwannga siere ji chugege age me no gdale, kaire chke uñale kwiange chada ai giti kwian ulita bai kaire Jesu gai ulia kwian ene toi diali chui tangle Chube ole Jesu gai ulia giti.
Ulia che kle boi daga ngwale Jesucristo gerua giti nga dba ai giti, e sugeti alin me salengwli che be kle ule Jesucristo ole kare, malen cha me tañachuge tanre boi daga ngwale giti. Ma no diali cha kle tañachuge chui be chie giti gire che be kle ule Jesucristo ole diali chui tangle nga ngaña giti Chube kle ngwadi, chui ege che mi boi daga ngwale dare, che be kle no ulita Jesucristo ole.
Nga dba ai giti che jogeda, che jaba joge dbiske, jaba jogenga ngwale trenmalin, agwa che jaba chkeni gwade, ene che be jegwale no no molen diali chui tangle. Che jaba joge dbiske jaba me kira molen me ñage age mo alin, agwa che jaba chkeni gwade, ene che be jegwale kiraske molen diali chui tangle, kira me salengwli toidu nga dba ai giti kiralla ole kare.
Nege toi nga dba ai giti boi daga ngwaleske cha kle tañachuge diali bdagli giti cha be joge toi nga ngaña giti Chube kle ngwadige, tañachuge e giti cha kira gbeda jage boi daga ngwaleske nga dba ai giti, uñale chage cha kle boi daga ngwale nege e me chege diali, e be joge tangle, malen suge chage e sugeti alin. Agwa cha joge toi nga ngaña giti gire cha be joge siere boi daga ngwale ulita nga dba ai gitige, nga ngaña giti cha be toi no diali nga suga no ole chui tangle Chube ole, e me joge tangle, e chege diali cha alin.
Nege cha kle Chube Kirolla Jesucristo gai ulia mo tale diali, Cristo no cha ole, ama agedu no cha alin, ama mo chugu ngwadi jogeda cha agedu me no giti, ama jokeda kruge cha alin suge chage cha jokeda ule ama ole kare, nege cha me kle chage age me no diali cha chagedu ngeru kare, nege cha kle chage age Cristo takalin kare, Cristo cha Chugagwalla.
Be boi ene ngeru kwian Jesucristo gaba jogebada jaba ole, gire kwian Chubenu Jesucristo gaba kle gwade be joge jaba chkuni gwade nate Jesucristo kle ngwadi bogakwaske, che ulita be kle ule Jesucristo ole nga ngaña giti Jesucristo ngwadi, ene che ulita be joge toi diali chui tangle che Chugagwalla Jesucristo ole.
Cha lle bobi Chube alin no, nege lle boi ñanalla kle cha manade ngwange nga ngaña giti Chube kle ngwadi. Che Chugagwalla Jesucristo gerunga kwian ulita giti ulia, ama be gerule chema jiske chema me jiske, ama be lle no kete chage chui bdaglige, me chage alin allabi ama be lle no kete, kaire be lle no kete kwian ulitage bai kledu Jesucristo chieni chuia manade ngwange, ama no Jesucristo ole, ama takalin Jesucristo chieni, kwian ene ulita be lle no gai kaire nga ngaña giti.
Che mo ta gbadale age ene no trate Jesucristo chieni chuia manade. Uñale chege Jesucristo be chieni ama gerudu kare, malen che kledale nga suga noare ole ama chieni chuia manade. Ama be chieni mo kirallaske, be chieni mo chrallaske, ama che Chubea kweri ama che jwannga siere ji chugege age me no gdale.
Ai kare Jesucristo jo boabanga daga ngwale ama mo ketu gwaleda bitaitre alin kwian ulita jwannga siere ji chugege age me no gdale. Gire bdagli Jesucristo be chieni, chui ege ama mi jogekeda nakwaite kwian agedu me no giti agwa ama be chieni age no no kwian ulita alin bai nu ama gerua gaba ulia kle ama manade ngwange. Jesucristo be kwian e ulita dbe ule nga ngaña giti toi ama ole ule Chube kle ngwadi diali chui tangle.
Chube agedu no tanre ba ulita alin Jesucristo giti malen ba mo ta gbadale biale tañachuge no ulita Chube takalin kare, ba me mo chugadale ngwadi tañachuge age me no, ba mo ta gbadale tañachuge diali Jesucristo chieni ba jwenni giti, ba kledale chui e manade diali nga suga no ole, chui ege Jesucristo be ba dbe nga ngaña giti Chube kle ngwadi, nga ngaña giti Chube be age no no ulita ba alin.
Ba ulita daba Chubenu chugagwalla mo ta gbe daba Chubenu manade Chube geruadi ta no ene ole, ene Cristo daba Chubenu ulita mananga ma kweri chkeni chuiage ama be lle no no kete ba ulita daba Chubenu chugagwallage ba daba Chubenu manadu no ñanale, lle e me boi ni jogenga, lle e chege diali chui tangle.
Ba cha bitalla ulita Jesucristo giti, ba ole cha gerule ulia, che ulita Chube oliale che ama gerua gaba giti. Chege me uñale trate che be chege mine bdagli, agwa uñale chege Jesucristo chieni gire che be gwage amadi agali mo gwagwa giti, chege be suge trate ama giti, chui ege che be chege no trate ama kare.
Chube che ulita amanu jun siere ji chugege che agedu me no gdale che Chugagwalla Jesucristo giti, Chube e amaña ba chudaboi ba kira gbe ba manade, ene ba me joge siere amage age me no ba takalin kare, ene ba kle biale joge toi ule ama ole ama kle ngwadi ta no trate nga suga no ole. Chube no no, Chube kweri, Chube kira molen kweri, Chube kiralla me jwlite, Chube kiralla unsuialin, Chube kiralla amaña nege, kaire Chube kiralla amaña chege gwangerugu chui tangle. Che ulita amanu gerudale no ama giti diali. Ene nobi. Geru ai ene ulita cha Judas chada degu ba kwian Chubenu ulita alin. Che kle meni.
Ulia cha gerule trate geru ai cha kle gerule giti, kwian ulita bai kaire geru ai batenga kwian ulita bai kaire geru ai keruchuge, geru sugedale trate kwian ege Chube Oña takalin gerule mine geru ai giti kwian Chubenu mne gdaguke nga Asiamu ole. Kaire kwian e ulita geru ai gbadale gdadi geru ai kle gerule kare. Chube Oña kle gerule ene geru ai giti: Kwian bai mo ta gbe kiraske gwangerugu Chube gerua giti me chege age me no agwa diali age Chube takalin kare, kwian ene ulita cha be gbe toi diali chui tangle nga ngaña giti Chube kle ngwadi, nga noare ege kwian e be ñage gli no gba gute, gligba e kwian gbe toi diali dale alin.’ Ba Juan chada degadale ene ulita kagadale kwian Chubenu una Efesomu alin.” Jesucristo gerudu ene ulita cha ole ama cha gbu chada dege ene kwian Chubenu una Efesomu alin.
ကြော်ငြာတွေ