Colosenses 2:10 - Buglere

¹⁰ Kwian ulita kle mo gbe daba chugagwallale nga dba ai giti, Cristo ma kiraske kwian e ulitage, kaire Cristo ma kiraske lle boanga Chube alin nga ngaña giti ulitage kaire Cristo ma kiraske che dolla Satanáge kaire ma kiraske che dolla chudaboangalla ulitage. Ba Cristo gaubi ulia malen Chube Oña kle ba tale diali, ba Chubenu, Chube kle ba ole diali ba ta gbe kiraske ama takalin kare.

Colosenses 2:10 ပူးပေါင်းရင်းမြစ်များ

Mateo 28:18

Jesu jo kwian geru jwannga amage ulita gitigu gire Jesu gerudu: —Chube cha gbu nga ngaña giti mauñale nga dba ai giti mauñale, cha ñage age ulita Chube kiralla giti cha takalin kare.

Juan 1:16

Cristo diali age no che amanu ulita alin, diali ama kle age ma no dare che alin, ama ole age no ene diali me bidege.

1 Corintios 15:24

Chube Cristo kagu nga dba ai giti, gire Chube kwian ulita nga ulita lle ulita jigu Cristo kote, Cristo chegu e ulita Chugagwallale. Nege Cristo kle nga ngaña giti ama chege kaire kwian ulita nga ulita lle ulita Chugagwallale, agwa ama bebi mo gbe kirachke Chube dollaledi ulita. Nege Cristo kle manade, chui bdaglige Cristo be chieni kwian amanu gbaleni gwade dbale toi nga ngaña giti Chube kle ngwadi, chui ege Cristo be kirachke dolla Satanádi be kirachke chugagwalla ulita Chube dollaledi nga ngaña gitidi nga dba ai gitidi, kaire be kirachke lle ulita me no Chube dollaledi. Cristo be kirachke e ulita me nodi gire Cristo be kwian amanu ulita kete ama Ñenua Chubege, ulita be chege Chube kote, Chube be chege ulita Chugagwallale.

Efesios 3:10

Chube kwian me israelita Jesucristo gerua ganga gau mau alin gbu ule ulita kwaitre alin kwian israelita Jesucristo gerua ganga ole. Chube agedu ene, ene nege tangle ñage suge ma trate lle boanga Chube alin nga ngaña giti ulitage ulia Chube ta ngle ole age no ulita.

Efesios 3:19

Kaire ba ama ta gbe suge moge Cristo diali ta no ama ole diali ta agekalin no ama alin, agwa ulia ni be ñage suge amage trate ulita Cristo no diali ama ole giti, e giti mi suge amage ulita. Agwa noare ba ama ta gbe chege diali Cristo talla ole gire ene ama be kle ta no trate ole ba takalin kare ama be tañachuge diali ba giti nga suga no no ole ba talla be kle ama tale. Chube, cha gerule ba ole ene kwian Cristo gerua ganga una Efesomu giti. Ene nobi.”

Colosenses 2:15

Cristo jokeda kruge chkuni gwade giti Chube che dolla Satanás kaire dolla Satanás chudaboangalla ulita gwa gbu modige Chube ma kiraske dolla Satanáge. Chube kirachku Satanádi kaire Satanás chudaboangalla ulitadi kwian ulita gwa giti Cristo chkuni gwade gire, Chube me Satanás jigu kira molen ngle Satanás me kweri Chube kare, Chube kiralla chegu ma kweri kiraske dolla Satanáge.

Colosenses 3:11

Ba Cristo gerua gau ulia, geru e chegu gbaba kaire kwian na ulita alin, me tallade kwian chudalla mine. Chube gwa giti kwian ulita salengwli, kwian bai kaire Chube gerua Cristo giti gai ulia kwian ene agedale ulita salengwli Chube gerua kle gbaba gerule kare. Chube gwa giti kwian israelita kwian me israelita kaire kwian mo kwara tkabanga kwian israelita kare kwian me mo kwara tkabanga, kaire kwian nga namu gerule kwira nale, kaire kwian me geru uñanga, kaire kwian lle boanga mo mauña alin kwian lle boanga mo alin agali, kwian ulita ai kare salengwli Chube gwa giti. Malen che ulitage sugedale trate Chube gerua kle gbaba che ulita alin, che kaire agwe agedale Chube gerua kle gbaba gerule kare. Che ulita Cristo gerua gai ulia gire Cristo kle che ulita ole diali, che ama gadale mo Chugagwalla kweri ama ma kweri ma kiraske kwian ulitage.

Hebreos 5:9

Jesucristo agedu ulita Chube takalin kare ama jokeda kwian ulita giti gire Chube Jesucristo jaba gbuni gwade, ene kwian ulita bai kaire Jesucristo gerua gbe gdadi Jesucristo gai dage mo Chugagwalla, kwian ene ulita tien gitiru ji chugege ama agedu me no gdale joge toi ule Chube ole nga ngaña giti chui tangle diali.

1 Pedro 3:22

Cristo jokeda chkuni gwade, gire joni nga ngaña giti Chube kle ngwadi, nege ama kle Chube ngena Chube ko taingwli giti. Lle boanga Chube alin nga ngaña giti, Cristo ama ulita Chugagwalla, kaire Cristo ma kweri ma kiraske dolla Satanáge kaire Satanás chudaboangalla ulitage.