Colosenses 1:7 - Buglere

⁷ Che daballa no Jesucristo giti kada Epafras ama kle lle boi ule cha ole Jesucristo gerua dbe kwian nage, ama geru Jesucristo giti du ngerutabi baske, ama giti ba Jesucristo gerua gau ulia, kaire Epafras amaña kle ba chudaboi kle ba ta gbe gwangerugu Jesucristo geruadi, ama lle boanga no Jesucristo alin ba ulitaske.

Colosenses 1:7 ပူးပေါင်းရင်းမြစ်များ

Mateo 18:29

Kwian lle boanga gerudu ene mo skatemanalla ole gire ama skatemanalla jongnagwa skutu dba ama gwa giti, ama skatemanalla gerudu ama ole: “Igi me cha ole, ba manade sugeti kaire ba tai dage chage, igi be skwen chage gire cha be igi ulita keteni naskuni bage cha jiske batre.”

Mateo 24:45

Jesu gerudu ene ulita ama be chieni chuia giti gire Jesu geru ñachugu kwian lle boanga u mauña alin giti: —Cha gerule ba ulita ole, ba kledale biale cha manade ngwange lle boi no diali cha takalin kare. E salengwli kwian gdaite lle boanga no u mauña alin kare. Kwian lle boanga e ta molen lle boi, u mauña be joge toi nga nage chui gwealege gire u mauña be kwian lle boanga no e jige lle boanga na ulita chugagwallale, lle boanga no ene be lle boanga na ulita manade no be bligda kete ama ulitage gutadale, be age ulita u mauña gerudu kare.

Mateo 25:21

Kwian lle boanga gerudu ene gire chugagwalla gerudu ama ole: “Ba kwian lle boanga no ulia, ba mo ta gbu lle boi no cha alin, ba agedu no no. Cha igi ketu bage, igi e ole ba lle bo no cha alin, ba igi na gau ngle cha alin. Ba lle bo no cha alin igi e ole, malen nege cha be lle ma kweri kete bage boadale cha alin. Nga suga no chadi ba lle bo no cha alin giti, bai cha ole chui ollade nga suga no ole.” Chugagwalla gerudu ene kwian lle boanga ngeru ole.

1 Corintios 4:17

Ba ulita chagedale cha kle chage kare mo ta gbe Jesucristo ole mo ta gbe age Jesucristo takalin kare. Nege cha me kle baske ba me ñage gwage chadi cha kle chage mine ulita, malen cha Timoteo kagu ba ngwadi ba ulita ta gbe chke cha giti, Timoteo cha kirolla kare che Chugagwalla Jesucristo giti, cha no no ama ole, ama diali kle mo ta dbe no cha ole kaire Chube ole. Timoteo be gerule ba ulita ole cha kle gerule mine kwian Jesucristo gaba ole nga ulitage, baini kaire cha kle joge chke ngwadi cha kle kwian Jesucristo gaba tke tangle Jesucristo giti, Timoteo be gerule e giti ba ulita ole.

1 Corintios 4:2

Suge trate cha ulitage Chube kwian gai lle boi mo alin, kwian ene ulita mo ta gbadale lle boi no ulita diali Chube alin Chube takalin kare.

1 Corintios 7:25

Nege cha gerule dare ba ulita ole cha kle tañachuge kare mo jwen giti, Chugagwalla Jesucristo me su geru ai kete chage agwa uñale bage cha ñage gerule ulia Jesucristo takalin kare, sbali Jesucristo agedu no cha alin ama cha gbu lle boangale ama alin, malen e giti ba ñage cha gerua ai gai ulia gbe gdadi. Cha gerule kwian biale onbre muire me mo jwanba giti,

2 Corintios 11:23

Ama ulita gerule no mo giti: “Cha alin lle boanga Cristo alin no no ulia.” Cha kaire lle boanga Cristo alin. Ba ulita ñage tañachuge chadi cha kle gerule ulita no ene ngwale mo giti agwa cha kle gerule ulia, cha lle boanga Cristo alin ma no ama ulitage, cha lle bo ma ngle Cristo alin ama ulitage, kaire cha boidu daga ngwale ma ngle ma tirare ama ulitage Cristo gerua dbe giti, cha jo tkaba skage geru dbe giti bita ma ngle ama ulitage, kwian geru ulia dollale cha kwabatu ma ngle ama ulitage, bitangle kwian geru ulia dollale tadu cha gwakalinda geru dbe giti. Agwa kwian ulita geru me ulia dbanga kle gerule no mo giti alin, ama kle gerule alin mo giti agwa me kle boi dagale cha kle boi kare.

Efesios 5:21

Ba onbre ba muire mo ta gbadale salengwli modi age no daba alin. Ba tañachugadale diali daba na Chubenu chudaboi, ba daba gadale dage ba nodale ama ole diali Cristo no kwian ulita ole kare.

Filipenses 2:25

Cha tañachuge noare cha che daballa Cristo giti kada Epafrodito kageni ba ngwadi kaire. Sbali ba ama kagu aini cha chudaboi, ulia ama cha chudabo no geru Cristo giti trage kwian na ole. Kwian gweale agedu cha dollale Epafrodito dollale geru e giti, agwa Epafrodito me mo talladu, ama chagedu dare cha ole geru Cristo giti dbe ngerugu kwiange.

Colosenses 4:12

Epafras gbi kage ba alin kaire agwe, ama kwian ba jwiamu ama Cristo gerua dbanga kwiange, kaire agwe ama kle diali tachke ba giti ama kle mo ta gbe gerule kiraske Chube ole ba ulita giti diali, ama takalin Chube ba ulita ta gbe tañachuge gwangerugu chui tangle diali Cristo gerua giti kaire mo ta chuge ngwadi Chubege ene Chube ba ta gbe lle boi ma no Chube takalin kare, malen ama kle gerule Chube ole ba giti diali.

Colosenses 4:7

Cha ba ta gbe ene ulita chada ai giti, cha kle che daballa Cristo giti kada Tíquico kage chada ai dbe ba ulita alin. Cha no Tíquico ole, ama cha chudaboanga no Chube gerua Cristo giti kete kwian nage, malen cha kle ama kage ba ngwadi. Ama be joge chke ba ngwadige ama be geru kete bage ma trate ulita cha giti cha kle boi giti nga ainige kaire ama be ba ta gbe nga suga no ole, ene ba ñage kira gai ta chege no me tañachuge tanre cha giti.

Colosenses 4:9

Kaire Tíquico ole kwian Cristo gerua ganga ulia kada Onésimo be joge ule, ama che daballa Cristo giti ama toinga ba jwiage una Colosage. Ama gdabonate be geru kete ulita bage kle boi ulita giti aini cha ole.

1 Timoteo 4:6

Timoteo, ba kwian Chubenu ulita tkadale tangle no cha gerudu kare bligda giti. Ba kwian tke tangle ene ulita, ene ba kwian Chubenu chudaboanga no Jesucristo alin, ene be suge kwian ulitage ba nu Chube gerua jwanba no, ba mo ta gbaba Chube gerua gai dage, ba kle age Chube gerua gerule kare.

2 Timoteo 2:2

Ba cha keruchugu gerule kwian Chubenu tanre gwa giti kwian tke tangle geru ulia Jesucristo gitige, ba geru e ulia keruchugu, ba kwian na tkale tangle geru ege kwian bai ta dbe ulia geru dbe trate, ene ama ña kwian na tke tangle Jesucristo gerua gitige.

Filemón 1:23

Che daballa Jesucristo giti kada Epafras kle cha ole ule skage Jesucristo gerua dbe giti ama gbi kage kaire ba alin.

Hebreos 3:2

Ulia Jesucristo mo ta gbu age diali no ulita kwian alin Chube tadukalin kare salengwli che enusulian oña unsuialin kada Moisés kare. Unsuialin Moisés agedu ulita Chube tadukalin kare kwian israelita chudaboi, ama lle bo no Chube alin u gerungwa Chube olege. Agwa Jesucristo ma kweri ma kiraske Moisége.