Apocalipsis 9:19 - Buglere

¹⁹ Ai kledu boi tirare ene, kwian tanre kledu lentigeba ji e chiu ja kate giti, ja kate kira tanre kledu, kaire ja skugdage kira tanre kledu. Ja skugda boli giti kwian chegu ji chuge daga ngwale lentigeba, ja skugda salengwli jorisi chuga kare, skugda giti ja kledu kwian gbe lendege salengwli kwian kle lendege jorisige kare.

Apocalipsis 9:19 ပူးပေါင်းရင်းမြစ်များ

Efesios 4:14

Che kle mo ta gbe ulia ulia Cristo geruadi ene che mi chege kirogwa soli anblitakle ngwale kare lle gweale giti. Kwian tanre kle chage geru me ulia ngwale trage kwian ulita ole kle kwian anblite geru ngwaledi. Agwa che bai kle mo ta gbe ulia ulia Cristo geruadi, che mi mo chuge ngwadi mo anblitange kwian ege geru ngwale giti, che mi geru ngwale gai ulia.

Apocalipsis 9:10

Sri sune kweri kweri bialin jebda sune kare, sune e kiraske sune e giti ñage kwian lendege kwian gbe skibachie tanre sune kote, sri kwian gbe boi daga ngwale sune giti dai gdatigage.

Apocalipsis 9:18

Jita kaire jiangwa kaire azufre, ji gdamai e gbere kwian alin ene nga dba giti, gire kwian ngle bonga nate jokeda jita kote kaire jiangwa kote kaire lle mnuñale kada azufre kote. Ji e ulita jo gbabale kwian alin chiu ja kate.

Apocalipsis 9:20

Kwian tanre jokeda ene ja e agedu me no kote, kwian na dare chegu gwade, ama ulita me mo ta blitu age me no chuge ngwadi, ama ulita chegu age dare me no, ulita chegu che dolla Satanás chudaboangalla gai kweri mo chugagwallale kaire ama chegu lle dodaba mo kodi gai dage chubere, oro dodaba igi dodaba bronce dodaba kechuga dodaba gli dodaba lle e ulita dodaba mo kodi ole ama mo ta gbu no gai dage, lle ngwale e ulita ni ña kwian kerua keruchuge ni ña ten kwiandi ni ña chage, agwa kwian kledu chage lle e ulita dodaba mo kodi ngwale gai dage mo chubea kare.