Apocalipsis 8:1 - Buglere

¹ Gire Bda Cordero lle chada gatagda bdagli gdagukedale junnga gire nga ngaña giti Chube kle ngwadi nga chegu ngwedige ni lle ni nga chegu gdade sidri hora bonga.

Apocalipsis 8:1 ပူးပေါင်းရင်းမြစ်များ

Mateo 27:66

Pilato gerudu ene kwian israelita chugagwalla ulita ole gire kwian e ulita jo kwian guardia donga mneite dbe Jesu ogle ngwadi, keuga ugakalla giti ama lle uda eru gbu, lle uda e sklie kejre ene kwian me ñage keuga ugakalla e jwennga. Ama ulita keuga jegu kejre ene, gire ama guardia donga gbu Jesu jaba ogle ngwadi manadedi, ene kwian mi chie skwe boi Jesu jabage. Kwian israelita chugagwalla agedu ene ulita gire ama ulita joni.

Apocalipsis 5:1

Chube kledu toiba dba toigdalla kweri giti, Chube ko taingwli giti cha gwagedu ama kote chada bliabangadi, chada bliabanga e kledu degaba skieru ngnaru kaire giti ngnaru, chada gáge dba kledu jegaba kejre bitaguke tangle lle chada gatagda giti, ene kwian na me ñage chada e trennga chada batenga.

Apocalipsis 5:9

Kwian mangire batre ulita kledu ne ngwadi ama ulita mo gatu biale geru no jagere giti Bda Cordero alin ene: “Cha ulita no ba ole. Ba ulia no trate malen ba ñage chada e gai kote lle chada gatagda gdaguke jwennga. Ba jo boaba daga ngwale gwabada kwian agedu me no giti. Ba boidu daga ngwale ba jokeda kruge kwian ulita alin ene kwian ulita ba gai ulia ñage chege Chubenu, ba agedu ene kwian chudalla ulita alin kaire kwian gerunga kwira ulita alin kaire kwian toinga nga ulitage alin. Ene ba jokeda giti kwian ulita ñage Chube uñe.

Apocalipsis 6:1

Gire sugetibi allabi cha gwagedu Bda Corderodi ama lle chada gatagda gdaite ngerutabi junnga, gire cha ologe lle gwade gdabaga gdaite kerua sugedu, ama gerudu kweri enusulindra kle gdade kare, ama gerudu cha ole ene: “¡Bai aini gwage kle boidi!”

Apocalipsis 6:12

Gire kaire agwe nakwaite Bda Cordero lle chada gatagda gdaderekedale junnga gire sugetibi nga dba giti nga jwliendu tirare kweri kaire kegde chitedu tanre. Kaire chui jwlitu nga jerere ñometra jere jere kare, ngajrege dai chegu dabere be kare.

Apocalipsis 6:3

Kwian gdaite e jo chage ja jutre giti gire Bda Cordero lle chada gatagda gdabokedale junnga gire lle gwade gdabokedale ngautu chage: “¡Bai aini gwage kle boidi!”

Apocalipsis 6:5

Bda Cordero lle chada gatagda gdamaidale junnga gire lle gwade gdamaidale ngautu chage: “¡Bai aini gwage kle boidi!” Lle gwade ngautu chage ene gire cha gwagedu ja na jereredi, kwian kledu skwenba ja jerere e giti kledu chage lle pesa kare dbe kote, lle e kwian kle bligda ñachugege gire bligda e kle chege egdage bligda e gaba mangire ulita.

Apocalipsis 6:7

Bda Cordero lle chada gatagda gdabagadale junnga gire lle gwade gdabagadale ngautu chage: “¡Bai aini gwage kle boidi!”

Apocalipsis 6:9

Gire Bda Cordero lle chada gatagda gdatigadale junnga gire cha gwagedu kwian Chubenu tanre guleda oñadi ama ulita kledu lle gugangwa Chube gwa giti ngwadi gwaru, ama nu Chube gerua gaba ulia ama nu Chube gerua tragaba kwian na ole nga dba giti, e gdale ama ulita guleda nga dba giti.