Apocalipsis 7:10 - Buglere

¹⁰ Ama ulita ngautu kiraske ene: “Che Chugagwalla Chube kle toiba dba toigda kweri giti kaire Bda Cordero ama gdabonate alin allabi ñage che jwen siere ji chuge daga ngwalege che agedu me no giti. Ama gdabonate kiraske ulita ama ñage age no ulita.” Kwian ngle gerudu no ene Chube giti kaire Bda Cordero giti.

Apocalipsis 7:10 ပူးပေါင်းရင်းမြစ်များ

Lucas 3:6

Chube be ama kage gire kwian ulita be gwage amadi ama kwian ulita jwannga sieredi.’ ” Isaías nu chada degaba unsuialin gerule ene.

Juan 1:29

Nagbietege Juan-Bautista gwagedu Jesudi chie ama ngnagu, gire Juan-Bautista gerudu Jesu giti kwian ulita kledu ne ngwadi ole: —¡Gwagede, kwian e cha geruadu! Ama be mo chuge ngwadi jogeda kwian ulita alin bda cordero gwakle kwian kle age me no giti alin kare, Chube ama kagu nga dba ai giti kwian jwen siere ji chugege kwian age me no gdale. Cha gerudu ama giti kwian ole: “Be chie cha nate ama ma kweri chage, ama kledu ngeru chage, gwangea ama klebi enebi Chube ole.” Cha gerudu ene ama giti, nege ama kle chie che ngnagu.

Juan 1:36

gire Juan-Bautista gwagedu Jesudi joge tangle kodi amage, Juan-Bautista gerudu Jesu giti: —¡Gwagede amadi! Chube ama kagu nga dba ai giti jogedaleda che ulita agedu me no giti alin bda cordero gwakle kwian kle age me no giti alin kare.

Juan 4:22

Nege ba ulitage me uñale trate ba kle chema ollade, agwa cha kwian israelita ulitage uñale cha kle chema gai ulia mo Chubeale cha kle chema ollade, uñale kwian israelita ulitage kwian jwannga siere be chie kwian israelitaske.

Efesios 2:8

Ba ulita mo ta gbu Jesucristo gai ulia, e giti Chube ba jun siere ji chugege ba agedu me no gdale. Ba me tañachugadale ba gballa mo jun siere ji chugege, me dale ene. Chube ba jun siere ji chugege Jesucristo giti, ama agedu ene mau tale ba alin ama no no ba ole.

Apocalipsis 12:10

Lle jorisi kare jo mliabanga nga dba giti gire cha ologe geru sugedu kweri nga ngaña giti, gerudre ene che dolla Satanás giti: “Ngeru che dolla daba Chubenu ulita gbanga jiske Chubege ngajudi ngajrege Chube gwa giti nga ngaña giti. Agwa nege che dolla jo mliabanga siere nga ngaña gitige sugekare gire ama me ñage daba Chubenu gbe jiske Chubege dare. Noare ulia che Chugagwalla Chube kirachku ene che dolladi. E giti nege chku uñale kwian ulitage Chube ma kweri ulitage Chube kiraske tanre, kaire kwian ulitage chku uñale Jesucristo Chube nu kagaba nga dba giti ama kwian Chugagwalla kiraske tanre.

Apocalipsis 19:1

Chube ji gbu kwian una Babiloniamu giti ene, bigire kwian ngle kerua sugedu chage kiraske nga ngaña giti, ama ulita kledu gerule ene: “Alelulla, Chube noare, cha ulita gerule no no Chube giti. Chube cha Chugagwalla kweri kira molen ama ñage age ulita mo kirallaske, Chube no trate agenga no. Chube cha ulita jun siere ji chugege Chube kirachku cha dolladi, e giti cha gerule no no Chube giti. Chube diali gerule trate, ulia Chube kle age kwian ole kwian kle age mangire batre, Chube kle kwian gbe ji chuge kwian kle age me no giti. Chube kweri e amaña ji gbu muinga gdaite giti muinga e chagenga kwian onbre tanre ole, muinga e amaña kwian nga ulitamu gbanga age me no Chube dollale, muinga e kwian Chubenu gbu boi daga ngwale kaire ama kwian Chubenu tanre guda, Chube kwian maunu jia junnga ulita muinga ege, Chube muinga e gbu ji chuge jabale muinga agedu me no ulita giti.”

Apocalipsis 21:5

Gire cha gwagedu Chube kledu toiba dba toigda no kweri giti ama gerudu ene: “Cha kle lle ulita gbe jagere.” Kaire Chube gerudu ngerugu ene dare cha ole: “Juan, ba chada degadale cha gerule ba ole giti. Geru ai ulita ulia, ba geru ai gai dage, ba mo ta gbe geru ai giti geru ai ulia no.”

Apocalipsis 22:3

Una ege ni kwian gdaite ni lle gdaite kle boidale daga ngwale. Chube kaire Bda Cordero amaña Jesucristo kledu una ege toiba dba toigda kweri giti kwian ulita Chugagwallale, gire kwian ulita Jesucristo gerua gaba agedu Chube tadukalin kare kwian e kle gerule no Chube giti kaire Jesucristo giti kwian ulita Chube gai kweri Jesucristo gai kweri mo Chugagwallale.

Apocalipsis 4:6

Chugagwalla kweri toigdalla ngerudba cha gwagedu lle nodige ble ngwedige kare, ble e chi oña che kle gwage mo gwadi kare, ene ble. Toigda kweridi tangle kodi lle gwade gdabaga kledu, gdaite toigda kweri ngeru, gdaite toigda nate, gdaite toigda ko jole ngnagu giti, gdaite toigda ko taingwli ngnagu giti, lle gdabaga e gwagwa molen ngle mo ngeru mo nate.

Apocalipsis 5:7

Bda Cordero e jo Chube gitigu gire ama chada bliabanga gau Chube ko taingwli giti.