Apocalipsis 6:11 - Buglere

¹¹ Ama geru kadu ene Chubege gire ñometra jutre ketre amage tkadale modi, gire gerudre ama ole ama mo undegadale kaire manadale chui sugetidale, gire ene kwian na Chubenu nga dba giti kaire gwabeda ama kare Chube gerua Jesucristo giti dbe gdale, kwian gwabeda be joge chke kwian e kle ngwadi nga ngaña giti ule ulita kwataneke Chube takalin kare, kwian ulita kle ene gire Chube ñage kwian ulita nga dba giti bai kaire kwian Chubenu guda gbe ji chuge daga ngwale ama agedu giti.

Apocalipsis 6:11 ပူးပေါင်းရင်းမြစ်များ

Mateo 10:21

’Cha gerua gdale kwian be ta jwlite mo daballanu dollale be mo daballa kete kwian chugagwallage gwaleda, kaire ñenua be ta jwlite mo kirogwallanu dollale be mo kirogwalla gwangeda cha gerua gdale, kirogwa be ta jwlite mo ñenua dollale mo chebia dollale be mo chebia mo ñenua gwangeda cha gerua gdale.

Lucas 15:22

Ñenua gerudu ene mo kirolla ole gire gerudu kwian lle boanga ulita ole: “Joga ñometragda no jwen blike cha kirolla alin, ba ama ngama tke no, lle tkale koge jwen tke ama koge, kaire zapato tke ama serage.

Juan 16:2

Kwian ba dollale be ba mlienga siere u mo litangwa Chube gerua jwanngwage, kaire chui be chke gire kwian be ba gweda cha gerua dbe gdale, kwian ba gweda ene tañachuge ama kle age no Chube alin.

Hechos 20:24

Chube lle ketu boale chage nga dba ai giti ama gerua dbe kwian ulitage, malen cha chage ta suga no no ole Chube gerua Jesu giti trage kwian ole nga ulitage, Chube no kwian ole geru amanu kwian ulitage chkedale uñale. Cha toi gwade o cha jogeda e giti cha me tallade, agwa cha Chube gerua ketakalin kwian ulitage, Chube gerua Jesu giti chkedale uñale kwian ulitage.

2 Tesalonicenses 1:7

Chui bdaglige Jesucristo che Chugagwalla be chieni nga ngaña giti nga dba ai giti ule lle boanga Chube alin ngle ole, lle boanga e kiraske tanre ama be chie Jesucristo ole ule jita gwade chralla tigenga kare. Chui ege Chube be ba jwen siere boi daga ngwalege kaire chui ege gwangerugu che ulita Chube gerua Jesucristo giti gaba ulia mi boi dare daga ngwale Jesucristo gerua gdale.

2 Timoteo 4:7

Cha mo ta gbu chage no ngerugu geru Jesucristo giti dbe kwiange, Chube cha gbu lle boi ama alin cha lle bo no ulita, cha mo ta gbu Chube gerua alinge.

Hebreos 11:40

Chube takalin kwian toidu unsuialin tangle bai Chube gaba ulia ama ulita chege no trate me jiske Chube gwa giti ule kwaitre alin che ulita Chube gerua gaba nege tangle ole, gire ene lle ulita Chube gerudu giti ama ole unsuialin tangle kaire che ole nege tangle Chube be age ene ulita che alin kaire ama alin chui bdaglige che ulita Chubenu be kle ule gire. Chui ege Chube be age no no che alin ulita ama geruba che ulita amanu ole kare.

Hebreos 4:10

Kwian bai kaire Chube gerua Jesucristo giti gai ulia ama be chege nga suga no ole salengwli Chube undegu nga suga no ole ama lle dodaduge gwangeabi kare.

Apocalipsis 13:15

Lle bdale tirarege jo kira ketaba, ene ama lle gude chadale kare oña dodaba mo kodige gbu gwade gire lle oña gerudu kwian bai mi jain lle oña e gai dage lle oña kwian e gwanguda.

Apocalipsis 14:13

Gire cha ologe geru sugedu chage nga ngaña giti gerule cha ole kiraske ene: “Ba kle geru keruchuge ba ai degadale: Nga suga nodale kwiandi aige gwangerugu kwian bai kaire Jesucristo gai ulia jogekeda ama be toi no Jesucristo ole.” Cha gbere chada dege ene ulita gire Chube Oña jaindunga gerudre cha ole kalen: “Ima ba gerudu ulia, kwian bai kaire Jesucristo gai ulia jogekeda ama be joge toi nga noge undege ama lle bo no Chube alin giti, kaire Chube be age no ama alin ama lle bo no Chube alin ñanale.” Chube Oña gerudu ene ulita.

Apocalipsis 17:6

Bigire sugedu chage muinga agedu me no kwian Jesucristo gerua ganga ulia ole, muinga kwian Jesucristo ganga tanre guda nga suga no ole Jesucristo gerua gdale. Gire muinga e chegu kwian llale kare kwian Jesucristo gerua ganga ulita beadi. Cha gwagedu ulita muinga edi boi ene, gire cha chegu tañachuge tanre muinga giti mineade kle boi ene.

Apocalipsis 7:14

Kwian daba Chubenu chugagwalla juma gdaite geru kadu chage ene gire cha jaindunga ama kalen: —Chage me uñale ama chema, agwa bage uñale. Gire kwian daba Chubenu chugagwalla juma gdaite gerudu nakwaite cha ole: —Kwian ai ulita ba kle gwagedi kwian e mo boangu tanre daga ngwale Jesucristo gerua giti ama kledu toi nga dba giti gire, agwa ama chagedu gwangerugu Jesucristo geruadi, ama guleda Jesucristo gerua gai gdale, agwa nege ama kle trate ta no ole Chube gwa giti salengwli ñometra gligakle no kare. Bda Cordero ama Jesucristo ama jokeda salengwli bda cordero gwabada unsuialin tangle kwian age me no giti Chube gwa giti kare. Jesucristo bechiu ama boidu daga ngwale ama jokeda kruge kwian alin. Kwian ñometra jutreske e Jesucristo gerua gau ulia, gire Jesucristo bea giti Chube kwian e ta litu kwian ta gbe trate Chube gwa giti, gire nege ama kle trate ta no ole Chube gwa giti salengwli ñometra gligakle kle chege no trate kare.

Apocalipsis 7:9

Kwian israelita e ulita gbere egdage Chube alin nga dba giti gire cha gwagedu kwian na tanredi nga ngaña giti, ama ngleare ni che ñage ama ten. Kwian gweale chudalla nga ulitamuge kaire kwian gweale gerunga kwira ulita kaire kwian gweale toinga nga ulitage, kwian e ulita kledu mo litaba toigda Chube kle toiba dba giti ngnagu kaire Bda Cordero kle toigda e ngena ngnagu. Kwian e ulita kledu mo ngama tkaba ñometra jutreske kaire ama ulita kledu ugananga dbe kote.