Apocalipsis 5:1 - Buglere

¹ Chube kledu toiba dba toigdalla kweri giti, Chube ko taingwli giti cha gwagedu ama kote chada bliabangadi, chada bliabanga e kledu degaba skieru ngnaru kaire giti ngnaru, chada gáge dba kledu jegaba kejre bitaguke tangle lle chada gatagda giti, ene kwian na me ñage chada e trennga chada batenga.

Apocalipsis 5:1 ပူးပေါင်းရင်းမြစ်များ

Apocalipsis 10:2

Lle boanga e kledu chada soli gaite treanbanga ole kote, kaire ama mo sera taingwli gbu ble giti ama sera jole gbu dbi giti,

Apocalipsis 4:3

Kwian cha gwagedudi toiba dba ama chegu cha gwage gwadenga noare salengwli kechuga gwadenga no ñanaske ka jwankle jaspe kare kaire salengwli kechuga dabere no ñanaske ka jwankle cornalina kle gwadenga no kare. Kwian e toigdalla nodi tangle cha gwagedu kebita manedi chratigenga no trate kechuga lerere ka jwankle esmeralda chra gwadenga kare.

Apocalipsis 4:9

Chube toinga diali chui tangle ama kledu toiba dba toigda kweri giti gire lle gwade gdabaga e kledu gerule no diali Chube giti Chube gbe kweri ama Chugagwalla. Lle gdabaga kledu gerule no diali ene Chube giti gire kwian daba Chubenu chugagwalla juma veinticuatro, ama ulita kledu jongnagwa skute dba Chube gwangnagu Chube gai dage kaire kwian e ulita kledu lle no orole dodaba sombrero kare gbaba mo chugage jwennga, ama kledu lle e gbe ulita Chube gwangnagu, gire ama kledu gerule no Chube ole ene:

Apocalipsis 5:13

Kaire lle ulita Chube nu dodaba cha ama keruchugu gerule, lle ulita kle nga ngaña giti kaire lle ulita kle nga dba giti kaire kwian ulita oña kle nga kada Hadege kaire lle ulita kle bleske, lle ai ulita Chube nu dodaba kledu gerule no ene: “Kwian kle toiba toigda kweri no gdaite giti kaire Bda Cordero kle ama ngena, ama gdabonate giti cha gerule no no diali. Cha no no ama ole, cha ama gai dage, ama kira molen ulita, ama no trate ulita diali. Ama gdaboke chege kweri kiraske lle ulita Chugagwalla chui tangle diali.” Lle ulita Chube nu dodaba kledu gerule no ene Chube giti kaire Bda Cordero giti,

Apocalipsis 5:7

Bda Cordero e jo Chube gitigu gire ama chada bliabanga gau Chube ko taingwli giti.

Apocalipsis 6:1

Gire sugetibi allabi cha gwagedu Bda Corderodi ama lle chada gatagda gdaite ngerutabi junnga, gire cha ologe lle gwade gdabaga gdaite kerua sugedu, ama gerudu kweri enusulindra kle gdade kare, ama gerudu cha ole ene: “¡Bai aini gwage kle boidi!”

Apocalipsis 8:1

Gire Bda Cordero lle chada gatagda bdagli gdagukedale junnga gire nga ngaña giti Chube kle ngwadi nga chegu ngwedige ni lle ni nga chegu gdade sidri hora bonga.