Apocalipsis 4:2 - Buglere

² Cha geru keruchugu gerule ene cha ole gire blikare cha chegu Chube Oña kirallaske, cha sugedu moge Chube Oña cha du nga ngaña giti, gire cha gwagedu nga ngaña giti toigda dba no nodi kledu gbaba, toigda e giti cha gwagedu kwiandi gdaite kledu toiba dba.

Apocalipsis 4:2 ပူးပေါင်းရင်းမြစ်များ

Mateo 22:43

Jesu gerudu: —Ba gerule Cristo enusulian oña David oindalla, e ulia, agwa Cristo me David oindalla alin allabi, kaire Chube Oña David ta gbu Cristo kade mo Chugagwalla, unsuialin David chada degu e giti, chada e gerule:

Hebreos 8:1

Cha takalin geru cha kle gerule giti suge bage trate trate, cha kle gerule ai kare ene: Che Chugagwalla Jesucristo ama noare ulita agenga no diali, Chube ama gbu toi dba mo ngena mo ko taingwli giti nga ngaña giti chege kwian ulita Chugagwalla kweri. Jesucristo gerunga Chube ole che alin che ka chudaboanga diali nga no no Chube kle ngwadige nga Chube nu dodaba agalige nga ngaña giti, nga e nga ulia no gerungwa Chube ole ngwadige, nga e Chube agali dodadu nga ngaña giti mo kiralla giti.

Apocalipsis 1:10

Nga ege chui undege chuia kwian Chubenu Jesucristo giti kle mo lite chuiage, chui ege Chube Oña chku chadige, cha chegu ama kirallaske. Gire cha nate cha geru keruchugu gerule cha ole kweri kiraske salengwli lle ngwanegda ka jwankle trompeta kle gdade kare.

Apocalipsis 12:5

Muinga e kote kirogwa chku, kirogwa onbre soli, kirogwa e be chege kwian ulita nga dba giti Chugagwalla kiraske tanre. Kirogwa jo jwanbanga muinga kote kirogwa jo dbaba nga ngaña giti Chube kle toiba dba toigda kweri no giti ngwadi Chube alin ene lle jorisi kare tirare me ñadu kirogwa gute ama tadukalin kare.

Apocalipsis 17:3

Lle boanga gdaite gerudu ene cha ole, gire Chube Oña chku chadige, cha chegu ama kirallaske. Gire lle boanga gerudu cha ole ngeru amaña cha du nga gballage. Ne ngwadi cha gwagedu muingadi skwenba lle gude chadale dabere kare giti, lle gudere e chuga molen gbaguke kaire ama kuda molen gdataboko, lle gudere e jegwale ulita chada kledu degaba chada e gerule me no sugaska Chube dollale.

Apocalipsis 19:4

Kwian ulita kle nga ngaña giti kerua sugedu chage gerule no ene Chube giti gire kwian daba Chubenu chugagwalla juma veinticuatro kaire lle gwade gdabaga ama ulita jongnagwa skutu dba mo ñeu kaboge gwadbiguda skadagda gbu dba Chube kle toiba dba toigda kweri giti gwangnagu, gerudu: “Alelulla, Chube che Chugagwalla kiraske ulita, noare ama ji gbu kwian me no una ege giti ulita.”

Apocalipsis 20:11

Bigire cha gwagedu toigda kweri jutredi toigda e giti Chugagwalla kweri Chube kledu toiba dba. Chugagwalla Chube gwa giti nga ulita jo tangle blikare, nga dba giti kaire nga ngaña giti nga jonga me gda uñale, nga ulita chegu blitaba nganake chui tangle dale alin.

Apocalipsis 21:10

Lle boanga gerudu ene cha ole, gire Chube Oña chku chadige, cha chegu ama kirallaske. Gire lle boanga amaña cha du jwichuga kweri jeike gwagda giti ngaña gire ama una kweri no Chubenu kada Jerusalén kaitu chage, una e chiu nga ngaña giti gwadbiguda chiu Chube gwa giti nga dba giti.

Apocalipsis 21:5

Gire cha gwagedu Chube kledu toiba dba toigda no kweri giti ama gerudu ene: “Cha kle lle ulita gbe jagere.” Kaire Chube gerudu ngerugu ene dare cha ole: “Juan, ba chada degadale cha gerule ba ole giti. Geru ai ulita ulia, ba geru ai gai dage, ba mo ta gbe geru ai giti geru ai ulia no.”

Apocalipsis 3:21

Cha gerule ba ole, kwian bai mo ta gbe kiraske Chube gerua gai ulia mo tale, cha be kwian ene gbe daba chugagwale daba na kaganga chui bdaglige cha ole ule. Cha be age no ene ama alin salengwli Chube cha Ñenua agedu cha alin kare. Cha kirachku lle ulitadi nga dba ai giti gire cha joni nga ngaña giti Chube ngwadi, Chube cha gbu kwian kaire lle na ulita Chugagwalla kweri.

Apocalipsis 4:5

Toigda gdaite kwian chugagwalla ma kweri kle toiba dba ngwadi nga kledu ko chrachienga enusulindra kledu gdade tirare. Chugagwalla kweri toigdalla dba ngwadi ngerudba jichra gdaguke kledu chratigenga no, jichra gdaguke e Chube Oña kare.

Apocalipsis 4:9

Chube toinga diali chui tangle ama kledu toiba dba toigda kweri giti gire lle gwade gdabaga e kledu gerule no diali Chube giti Chube gbe kweri ama Chugagwalla. Lle gdabaga kledu gerule no diali ene Chube giti gire kwian daba Chubenu chugagwalla juma veinticuatro, ama ulita kledu jongnagwa skute dba Chube gwangnagu Chube gai dage kaire kwian e ulita kledu lle no orole dodaba sombrero kare gbaba mo chugage jwennga, ama kledu lle e gbe ulita Chube gwangnagu, gire ama kledu gerule no Chube ole ene:

Apocalipsis 5:1

Chube kledu toiba dba toigdalla kweri giti, Chube ko taingwli giti cha gwagedu ama kote chada bliabangadi, chada bliabanga e kledu degaba skieru ngnaru kaire giti ngnaru, chada gáge dba kledu jegaba kejre bitaguke tangle lle chada gatagda giti, ene kwian na me ñage chada e trennga chada batenga.

Apocalipsis 5:13

Kaire lle ulita Chube nu dodaba cha ama keruchugu gerule, lle ulita kle nga ngaña giti kaire lle ulita kle nga dba giti kaire kwian ulita oña kle nga kada Hadege kaire lle ulita kle bleske, lle ai ulita Chube nu dodaba kledu gerule no ene: “Kwian kle toiba toigda kweri no gdaite giti kaire Bda Cordero kle ama ngena, ama gdabonate giti cha gerule no no diali. Cha no no ama ole, cha ama gai dage, ama kira molen ulita, ama no trate ulita diali. Ama gdaboke chege kweri kiraske lle ulita Chugagwalla chui tangle diali.” Lle ulita Chube nu dodaba kledu gerule no ene Chube giti kaire Bda Cordero giti,